کورونا انفیکشن: ہندوستان ہوا بے حال، مریضوں کی تعداد تقریباً 7.5 لاکھ، مہلوکین 20642

Published

6 years ago

July 8, 2020

بدھ کے روز جاری تازہ ترین اعداد و شمار کے مطابق ہندوستان میں گزشتہ 24 گھنٹوں کے دوران کوروناوائرس کے 22752 نئے کیسز سامنے آئے ہیں ، جبکہ 482 لوگوں کی اس وبا سے موت ہو گئی۔

نئی دہلی: ہندوستان میں کورونا کا قہر لگاتار بڑھتا ہی چلا جا رہا ہے۔ گزشتہ کچھ دنوں سے روزانہ 20 ہزار سے زائد نئے مریض سامنے آ رہے ہیں اور مہلوکین کی تعداد میں بھی 400 سے 500 کے درمیان درج کی جا رہی ہے۔ تازہ ترین خبروں کے مطابق ہندوستان میں کورونا متاثرہ افراد کی کل تعداد 7.42 لاکھ اور ہلاکتوں کی تعداد 20،642 ہوچکی ہے۔

مرکزی وزارت صحت کی جانب سے بدھ کے روز جاری تازہ ترین اعداد و شمار کے مطابق ملک بھر میں گزشتہ 24 گھنٹوں کے دوران کوروناوائرس کے 22،752 نئے کیسز سامنے آئے ہیں ، جس سے متاثرہ افراد کی مجموعی تعداد 7،42،417 ہوگئی ہے۔ اسی عرصہ میں ہلاک ہونے والوں کی تعداد 482 سے بڑھ کر 20،642 ہوگئی ہے۔ اس مدت کے دوران 16،883 مریض صحت مند ہوئے ہیں، جس سے شفایاب ہونے والوں کی مجموعی تعداد 4،56،831 ہوگئی ہے۔ ابھی ملک میں کورونا وائرس کے 2،64،944 فعال کیسز ہیں۔

ہندوستان میں ریاست مہاراشٹر کوروناوائرس سے سب سے زیادہ متاثرہ ہے جہاں گذشتہ 24 گھنٹوں کے دوران 5،134 کیسز رپورٹ ہوئے جس سے ریاست میں متاثرہ افراد کی مجموعی تعداد 2،17،121 ہوگئی ہے۔ اسی عرصہ میں 224 افراد کی ہلاکت کے بعد اموات کی مجموعی کی تعداد 9،250 ہوچکی ہے۔ ریاست میں 1،18،558 افراد وبا سے شفایاب ہوئے ہیں۔

تمل ناڈوجووائرس سے متاثر ہونے کے معاملہ میں ملک بھر میں دوسرے نمبر پر پہنچ گیا ہے ، متاثرین کی تعداد میں 3،616 کیسز کے اضافے کے ساتھ مجموعی تعداد 1،18،594 ہوگئی ہے اور اسی عرصہ میں 65 ہلاکتوں سے مرنے والوں کی تعداد 1636 ہوگئی ہے۔ ریاست میں 71،116 افراد کو علاج کے بعد مختلف اسپتالوں سے فارغ کردیا گیا ہے۔ قومی دارالحکومت دہلی میں کورونا وائرس کی وبا نے تباہی مچا دی ہے اوریہاں اب تک 1،02،831 افرادکووڈ19 سے متاثر ہوئے ہیں اور اس وبا سے ہلاک شدگان کی تعداد بڑھ کر 3،165 ہوگئی ہے۔ دارالحکومت دہلی میں 74،217 مریض صحت مند ہوئے جن کو مختلف اسپتالوں سے فارغ کردیا گیا ہے۔

ملک کی مغربی ریاست گجرات کورونا وائرس کووڈ ۔19 سے متاثر ہونے کے لحاظ سے ملک بھر میں چوتھے نمبر پر ہے ، لیکن مرنے والوں کی تعداد میں یہ مہاراشٹر اور دہلی کے بعد تیسرے نمبر پر ہے۔ ریاست گجرات میں اب تک 37،550 افراد اس وائرس سے متاثر اور 1977 افراد ہلاک ہوچکے ہیں۔ ریاست میں 26،720 افراد اس جان لیوا وبا سے شفایاب ہوئے ہیں۔

آبادی کے لحاظ سے ملک کی سب سے بڑی ریاست اترپردیش میں اب تک کورونا وائرس کے 29،968 کیسز رپورٹ ہوئے ہیں اور اس وائرس سے 827 افراد ہلاک جبکہ 19،627 مریض صحت مند ہوئے ہیں۔ جنوبی ہندوستان کی ریاستوں۔ تلنگانہ اور کرناٹک میں کورونا وائرس کے کیسز بہت تیزی سے بڑھ رہے ہیں۔ تلنگانہ میں متاثرہ افراد کی تعداد 27،612 تک پہنچ چکی ہے اور 313 افراد لقمہ اجل بن چکے ہیں جبکہ اب تک 16،287 افراد شفایاب ہوچکے ہیں۔ کرناٹک میں 26،815 افراد متاثر ہوئے ہیں اور 416 افراد لقمہ اجل بن چکے ہیں۔ اس کے علاوہ ریاست میں 11،098 افراد صحت مند ہیں۔

مغربی بنگال میں23،837 افراد کورونا وائرس سے متاثر ہوئے ہیں اور 804 افراد ہلاک اور 15،790 افراد اب تک اس جان لیوا وبا سے شفایاب ہوئے ہیں۔ راجستھان میں بھی کوروناوائرس کے پھیلنے کا عمل زوروں پر ہے اور اب تک اس ریاست میں متاثرہ افراد کی تعداد 21،404 تک پہنچ چکی ہے اور اب تک 472 افراد لقمہ اجل بن چکے ہیں ، جبکہ 16،575 افراد پوری طرح سے صحت یاب ہوئے ہیں۔

آندھرا پردیش میں21،197 افرادکووڈ19سے متاثر ہوئے ہیں اور اس ریاست میں اموات کی تعداد 252 ہوگئی ہے۔ ہریانہ میں17،999 افراد کورونا وائرس سے متاثر اور 279 افراد ہلاک ہوچکے ہیں۔ اس وبا سے مدھیہ پردیش میں 622 ، پنجاب میں 175 ، جموں و کشمیر میں 143 ، بہار میں 104 ، اتراکھنڈ میں 43 ، اڈیشہ میں 42 ، کیرالہ میں 27 ، جھارکھنڈ میں 22 ، چھتیس گڑھ ، آسام اور پڈوچیری میں 14،14 ، ہماچل پردیش میں 11۔ ، گوا میں آٹھ ، چنڈی گڑھ میں سات ، اروناچل پردیش میں دو اور ایک ایک شخص کی تری پورہ ، لداخ اور میگھالیہ میں موت ہوئی ہے۔(قومی آواز)

Up Next

امریکہ نے خود کو ڈبلیو ایچ او سے کیا الگ

Don't Miss

پونچھ: گولہ باری میں مقامی خاتون ہلاک

جموں و کشمیر

عمر نے ریاست کا درجہ بحال کرنے کے حوالے سے احتجاجی مظاہرے کے لئے انڈیا اتحاد سے حمایت طلب کی

Published

6 hours ago

June 8, 2026

Online Desk

سری نگر، جموں و کشمیر کے وزیر اعلیٰ عمر عبد اللہ نے قومی دارالحکومت میں اپوزیشن جماعتوں کے ‘انڈیا’ اتحاد کے رہنماؤں سے ملاقات کرکے ریاست کا درجہ بحال کرنے کے حوالے سے احتجاجی مظاہرے کے لیے حمایت طلب کی ہے۔

مسٹر عبداللہ نے پیر کے روز نئی دہلی میں منعقدہ انڈیا اتحاد کی میٹنگ میں یہ معاملہ اٹھایا اور اتحاد کے شراکت داروں سے قومی دارالحکومت میں ہونے والے پارٹی کے مجوزہ احتجاج میں شریک ہونے کی درخواست کی۔ انڈیا اتحاد کی اس میٹنگ میں پیپلز ڈیموکریٹک پارٹی (پی ڈی پی) کی سربراہ محبوبہ مفتی نے بھی شرکت کی۔

نیشنل کانفرنس نے یہاں ایک بیان میں کہا، ’’آج ہونے والی انڈیا اتحاد کی میٹنگ میں وزیر اعلیٰ عمر عبداللہ نے تمام شرکاء سے کہا کہ جب ہم ریاستی درجہ کی بحالی کے لیے دہلی میں احتجاج کرنے آئیں گے تو وہ جموں کسمیر نیشنل کانفرنس کے ساتھ جڑیں۔ انہوں نے یہ بھی کہا کہ وہ اس سلسلے میں تمام رہنماؤں کو الگ الگ خطوط بھی ارسال کریں گے۔‘‘

یواین آئی۔الف الف

دنیا

اختلافات کے برعکس ترک-ہند تعلقات اچھے ہونے چاہیئے:فیدان

Published

8 hours ago

June 8, 2026

Online Desk

انقرہ، ترک وزیر خارجہ خاقان فیدان نے ترکیہ اور ہندوستان کے درمیان تعلقات کو بہتر بنانے پر زور دیا ہے اور یہ دلیل دی ہے کہ پاکستان کے ساتھ انقرہ کے قریبی تعلقات کی وجہ سے پیدا ہونے والے اختلافات کو ان دونوں علاقائی طاقتوں کے درمیان تعاون کی راہ میں رکاوٹ نہیں بننا چاہیے۔

پچھلے ہفتے سنگاپور میں چھٹے ‘آئی آئی ایس ایس رافلز م لیکچر سے خطاب کرتے ہوئے فیدان نے کہا کہ ترکیہ اور ہندوستان کے درمیان کوئی بڑے دوطرفہ تنازعات نہیں ہیں اور دونوں کے پاس مثبت تعلقات برقرار رکھنے کی مضبوط وجوہات موجود ہیں۔

لیکچر کے بعد سوال و جواب کے ایک سیشن میں فیدان نے کہا کہ ہم واقعی ہندوستان کے ساتھ بہترین تعلقات قائم کرنا چاہتے ہیں۔ ہندوستان کے ساتھ ہماری کوئی سرحد نہیں ہے اور نہ ہی ہندوستان کے ساتھ ہمارا کوئی حل طلب دوطرفہ مسئلہ ہے۔

” انہوں نے اس بات پر بھی زور دیا کہ ترکیہ اور ہندوستان کی کوئی آپسی جنگی تاریخ نہیں ہے بلکہ اس کے بجائے ان کے پاس اچھے تعلقات رکھنے کی ہر بہترین وجہ موجود ہے۔

ترک وزیر خارجہ نے پاکستان کے ساتھ انقرہ کے دیرینہ تعلقات کا دفاع کیا اور انہیں تاریخی یکجہتی پر مبنی قرار دیا، جبکہ اس بات پر زور دیا کہ ان تعلقات کو نئی دہلی کے ساتھ تعاون میں رکاوٹ کے طور پر نہیں دیکھا جانا چاہیے۔

فیدان نے کہا کہ ترکیہ واحد ملک نہیں ہے جس کے پاکستان کے ساتھ اچھے تعلقات ہیں اور بعض مخصوص مسائل پر پاکستان کے ساتھ تاریخی یکجہتی موجود ہے۔

واضح رہے کہ تعلقات میں یہ مشکل موڑ مئی 2025 میں ہندوستان اور پاکستان کے درمیان چار روزہ جنگ کے بعد آیا تھا۔

نئی دہلی نے اس بحران کے دوران ہندوستانی حملوں کی ترک مذمت اور پاکستان کے لیے حمایت کے اظہار پر اعتراض اٹھایا تھا۔

یہ بات قابل ذکر ہے کہ ترکیہ ان پہلے ممالک میں شامل تھا جس نے 22 اپریل 2025 کو ہندوستان کے کشمیر کے علاقے پہلگام میں شہریوں پر ہونے والے دہشت گردانہ حملے کی مذمت کی تھی جس کے بعد یہ جنگ شروع ہوئی تھی۔

ترک وزارت خارجہ نے اسی دن ایک بیان جاری کرتے ہوئے اسے ایک “گھناؤنا حملہ” قرار دیا تھا۔

یو این آئی۔ ع ا۔

دنیا

ایران نے اسرائیل پر حملے روکنے کا اعلان کردیا

Published

8 hours ago

June 8, 2026

Online Desk

تہران، ایرانی خاتم الانبیاء مرکزی ہیڈکوارٹر نے اسرائیل کے خلاف مسلح افواج کی کارروائیاں روکنے کا اعلان کرتے ہوئے کہا ہے کہ لبنان کے مظلوم عوام کی حمایت میں صہیونی حکومت کو دردناک جواب دے دیا گیا ہے۔

خاتم الانبیاء مرکزی ہیڈکوارٹر کی جانب سے جاری بیان میں کہا گیا کہ ایرانی مسلح افواج نے جنوبی لبنان اور بیروت کے جنوبی علاقے الضاحیہ پر اسرائیلی حملوں اور مبینہ جارحیت کا جواب دے دیا ہے، جس کے بعد فوجی کارروائیاں روک دی گئی ہیں۔

بیان میں کہا گیا کہ اسرائیل اور اس کے حامیوں کو اس جواب سے سبق سیکھنا چاہیے، تاہم اگر جارحیت اور اشتعال انگیز کارروائیاں جاری رہیں تو پہلے سے زیادہ شدید اور تباہ کن اقدامات کیے جائیں گے۔

اس سے قبل پاسداران انقلاب نے گزشتہ روز شمالی اسرائیل میں واقع اسرائیلی ایئر بیس پر بیلسٹک میزائل حملوں کی ذمہ داری قبول کی گئی تھی۔

ایرانی پاسداران انقلاب گارڈز کا کہنا تھا کہ اسرائیل کی نیوتم ایئر بیس، تل انوف پر حملے کیے ہیں، اسرائیلی ایئر بیس پر حملے ایران میں ریڈار مقامات کو نشانہ بنانے کے جواب میں کیے گئے، کسی بھی صورتِ حال اور تمام محاذوں پر وسیع آپریشنز کے لیے تیار ہیں۔

خاتم الانبیاء ہیڈکوارٹرز کے ترجمان ابراہیم ذوالفقاری نے کہا کہ ایرانی مسلح افواج نے مقبوضہ علاقوں میں اہم اور حساس اہداف کے خلاف کامیاب کارروائیاں کیں، جن کے نتیجے میں دشمن کو بھاری اور مہنگا نقصان اٹھانا پڑا۔

انہوں نے امریکہ اور اسرائیل کو خبردار کرتے ہوئے کہا کہ ایران اور خطے کی مزاحمتی قوتیں کسی بھی دباؤ یا دھمکی کے سامنے سر نہیں جھکائیں گی، اور اگر جارحیت جاری رہی تو اس کا زیادہ سخت جواب دیا جائے گا۔

ایرانی حکام کا مؤقف ہے کہ 8 اپریل کو ایران، امریکہ اور اسرائیل کے درمیان نافذ ہونے والی جنگ بندی تمام محاذوں پر جنگ بندی سے مشروط تھی، جبکہ اسرائیل پر لبنان میں کارروائیاں جاری ہیں۔

یو این آئی۔ ع ا۔