تلاشی کاروائی کے دوران باغیچوں میں پناہ لیے ہوئے عسکریت پسندوں نے فورسز اہلکاروں پر فائرنگ شروع کردی جس کے بعد تصادم کی صورت اختیارکرگیا۔
جنوبی کشمیر کے شوپیاں ضلع میں آج علی الصباح سکیورٹی فورسز اور عسکریت پسندوں کے مابین مسلح تصادم شروع ہوگیا ۔
تفصیلات کے مطابق سکیورٹی فورسز کو شوپیاں ضلع کے سگو ہندماہہ علاقے میں عسکریت پسندو کی موجودگی کی خفیہ اطلاع ملی تھی جس کے بعد سکیورٹی فورسز نے علاقہ کو اپنے محاصرے میں لے کر تلاشی مہم شروع کردی۔ اس دوران باغیچوں میں پناہ لیے ہوئے عسکریت پسندوں نے سکیورٹی اہلکاروں پر فائرنگ شروع کردی جس کے بعد تصادم کی صورت اختیار کر گیا۔
آخری اطلاع ملنے تک علاقے میں گولیوں کا شدید تبادلہ جاری تھا۔
مزید تفصیلات کا انتظار ہے(ای ٹی وی)
