سرچ آپریشن کے دوران فائرنگ، مزید علاقوں کا سکوریٹی فورسز نے محاصرہ کیا۔
جنوبی کشمیر کے سب ڈسٹرکٹ ترال کے گلاب باغ گاؤں کو فوج، سی آر پی ایف اور ایس او جی ترال نے مشترکہ طور پر محاصرہ میں لیا تھا کیونکہ سیکورٹی ایجنسیوں کو خفیہ اطلاعات ملی تھی کہ علاقے میں دو عسکریت پسند چھپے ہوئے ہیں۔
تلاشی کے دوران وہاں گولیاں چلنے سے جھڑپ شروع ہونے کا امکان ظاہر کیا گیا تاہم غیر مصدقہ اطلاعات کے مطابق عسکریت پسند وہاں سے فرار ہونے میں کامیاب ہو گئے ہیں۔ فی الحال سیکورٹی فورسز نے عسکریت پسندوں کو پکڑنے کے لئے مزید مختلف قریبی گاؤں کو محاصرہ میں لیا ہے۔مزید تفصیلات کا انتظار ہے۔(ای ٹی وی)
