کوویڈ ۔ 19:وادی میں مزید 6ہلاکتیں

جموں وکشمیر میں متوفین کی تعداد بڑھ کر262تک پہنچ گئی ،وادی میں 242ہلاکتیں
خبراردو:-

سرینگر:جموں وکشمیر میں کووڈ ۔ 19(عالمی وبا) کی جاری تباہ کاریوں کے بیچ وادی کشمیر میں منگلوار کو مزید6افراد کی کورونا وائر س سے متاثر ہو کر موت ہوگئی ۔ اس طرح جموں وکشمیر میں کورونا اموات کی تعداد بڑھ کر262تک جا پہنچی جبکہ مزید اموات کا خدشہ بھی ہے ،کیونکہ اسپتالوں میں زیر علاج کئی مریضوں کی حالت انتہائی نازک بنی ہوئی ہے ۔

کشمیر نیوز سروس کے مطابق وادی کشمیر میں منگل کو مزید 4 افراد کورونا وائرس کی وجہ سے جاں بحق ہوگئے ۔ منگلوار کی دوپہر تک جاں بحق ہونے والے 4 افراد میں لعل بازار سرینگر،پٹن بارہمولہ ،پاریگام پلوامہ اور میر بازار کولگام کے شہری شامل ہیں ۔

لالبازار کے شہری کی عمر70سال،پلوامہ کے شہری کی43سال ،میر بازار کولگام کے شہری کی عمر50سال اور پٹن بارہمولہ کے شہری کی عمر 90سال بتائی جاتی ہے ۔ شمالی کشمیر میں بارہمولہ ضلع کے پٹن سے تعلق رکھنے والا ایک90سالہ شہری منگل کو جموں کشمیر میں کورونا وائرس سے جاں بحق ہوا ۔ مذکورہ شہری جو کئی امراض جن میں گردوں کی بیماری ،ذیابطیس ،ہاءپر ٹینشن وغیرہ شامل ہے ، میں مبتلاء تھا اور سی ڈی اسپتال میں انتقال کرگیا ۔

پٹن کا شہری کووڈ ۔ 19سے مر نے والے میں سے سب سے زیادہ عمر رسیدہ تھا ۔ ذراءع کا کہنا ہے کہ 90سالہ مریض کو سی ڈی اسپتال میں 19جولائی کو داخل کیا گیا تھا ۔ لعل بازار سرینگرکا70شہری کو18جولائی کے روز صورہ میڈیکل انسٹی چیوٹ میں داخل کیا گیا جبکہ43سالہ پاریگام پلوامہ کے شہری کو20جولائی اور میر بازار کولگام کے50سالہ شہری کو19جولائی اسپتال میں داخل کیا گیا ۔

ان تینوں مریضوں نے اسپتال میں دوران علاج منگلوار کے روز زندگی کی آخری سانس لی ۔ ذراءع کا کہنا ہے کہ پلوامہ کا شہری گردوں کی بیماری اور دیگر مریض نمونیا میں مبتلاء تھے ۔ اس دوران مزید دو افراد کورونا وائرس سے متاثر ہوکر جاں بحق ہوئے ۔ جاں بحق افراد میں فتح کدل سرینگراور پرے پورہ سرینگر کا شہری شامل ہے ۔

54سالہ فتح کدل شہری کی موت سکمز میں ہوئی ،اسے 20جولائی کو اسپتال میں داخل کیا گیا تھا اور وہ متعدد بیماریوں میں مبتلاء تھا ۔ اس طرح جموں وکشمیر میں کووڈ ۔ 19(عالمی وبا) سے مرنے والے افراد کی تعدادبڑھ کر262تک جا پہنچی جن میں وادی کشمیر میں ہلاکتوں کی تعداد242اور جموں میں 20افراد ہلاک ہوئے ہیں ۔

اس خبر پر اپنی رائے کا اظہار کریں