سرینگر // جموں وکشمیر حکومت نے منگل کو تعلیمی اداروں کی بندش میں 30 جون تک توسیع کردی۔کوویڈ کی موجودہ صورتحال کا جائزہ لینے کے بعدریاستی ایگزیکٹو کمیٹی کے احکامات کے مطابق تمام اسکول ، کالج ، یونیورسٹیاں ، ٹیکنیکل ایجوکیشن / اسکل ڈویلپمنٹ انسٹی ٹیوٹ اور کوچنگ مراکز ذاتی طور پر / کیمپس کی تعلیم پر (30 جون تک) بند رہیں گے۔
تدریسی عملے کو صرف گھروں سے آن لائن کلاسز لینے کی ضرورت ہوگی۔
آرڈر میں کہا گیا ہے کہ”یونیورسٹیوں اور کالجوں کو صرف تحقیق / لیب کے کام کے لئے ، کم سے کم عملے کی ذاتی طور پر حاضری حاصل کرنے کی اجازت ہوگی۔
” تاہم ، تعلیمی اداروں کے ایسے عملے کو جو ڈسٹرکٹ ڈیزاسٹر مینجمنٹ اتھارٹیز کو سرکاری فرائض کے لئے درکار ہیں ، فرائض سے مستثنیٰ نہیں ہوں گے-
