Tanvir Sadiq, NC spokesperson 05Pubfeb2013
Tanvir Sadiq, NC spokesperson 05Pubfeb2013
Tanvir Sadiq, NC spokesperson 05Pubfeb2013

ریکارڈ توڑ بے روزگاری موجودہ دور کا سنگین ترین بحران: تنویر صادق

سری نگر، حکمرانوں کی نوجوان کُش پالیسیوں سے یہاں کے نوجوان کو مایوسی کے بھنور میں دھکیلا جارہاہے اور یہاں کے نوجوانوں کو کہیں بھی روشنی کی کرن نظر نہیں آرہی ہے، ایسے میں ہماری ذمہ داری بنتی ہے کہ ہم ہر حال میں نوجوانوں کے مسائل اُجاگر کریں اور نئی پود کو بدعات کی طرف راغب ہونے سے روکنے کیلئے اپنا رول نبھائیں۔

ان باتوں کا اظہار نیشنل کانفرنس کے ترجمانِ اعلیٰ تنویر صادق نے آج پارٹی ہیڈکوارٹر پر تعلیم یافتہ نوجوانوں کے علاوہ یوتھ ونگ سے وابستہ عہدیداروں اور کارکنوں سے خطاب کرتے ہوئے کیا۔

تنویر صادق نے اپنے خطاب میں کہا کہ یہاں کانوجوان اس وقت ذہنی پریشانیوں میں مبتلا ہے اور ایسی صورتحال بہت سارے نوجوانوں کو منشیات اور دیگر بُرے کاموں کی طرف دھکیل رہی ہے۔ گذشتہ 5سال سے حکمرانوں کی طرف سے نوجوانوں کو لیکر جو بلند بانگ اعلانات کئے جارہے ہیں وہ صرف زبانی جمع ہی خرچ ثابت ہوئے ہیں جبکہ زمینی سطح پر کشمیر میں نوجوان کُش پالیسی اختیار کر رکھی گئی ہے۔

گذشتہ برسوں سے جاری غیر یقینیت اور بے چینی سے یہاں کا نوجوان بری طرح متاثر ہوا ہے اور ہماری نئی پود اس وقت خود کو مایوسی اور نااُمیدی کے بھنور میں پا رہی ہے ۔ اس رجحان کا تدارک کرنے کیلئے ایک وسیع منصوبے کی ضرورت ہے ، جس میں ہر ایک کو اپنا رول نبھانا ادا کرنا ہوگا۔

انہوں نے کہا کہ نیشنل کانفرنس کو بھی اس سلسلے میں اپنی ذمہ داری نبھانی ہوگی اور مجھے اُمید ہے کہ یوتھ نیشنل کانفرنس سے وابستہ لیڈران، عہدیداران اور کارکنان اس کام میں پیچھے نہیں رہیں گے۔

تنویر نے نوجوانوں پر زور دیا کہ وہ منشیات اور دیگر سماجی بدعات کی روک تھام میںاپنا رول نبھائیں اور ساتھ ہی نیشنل کانفرنس کے نیا کشمیر منشور اور سنہری تاریخ سے لوگوں کو آگاہ کریں اور پارٹی کی مضبوطی کیلئے تن دہی سے کام کریں۔

نیشنل کانفرنس نے جموں وکشمیر کے تینوں خطوں کے عوام کی خوشحالی، فارغ البالی ، خود اعتمادی اور خدا اعتماد کیلئے جو تاریخی اور انقلابی اقدامات کئے ہیں وہ تاریخ میں سنہری الفاظ میں درج ہیں۔

اُن کا کہنا تھا کہ زرعی اصلاحات کے تحت غریب عوام کو بغیر معاوضہ51لاکھ کنال اراضی کی منتقلی ہو، تعلیمی ڈھانچے کا قیام، مفت تعلیم، تعلیم نسواں، جمہوری ،آئینی اور انتظامی اداروں کا قیام اور پچھڑے ہوئے طبقوں کی زندگی بہتر بنانے کے علاوہ نیشنل کانفرنس کے ایسے اَن گنت کام کئے ہیں جو تاریخ میں سنہری حروف میں درج ہیں۔

انہوں نے کہا کہ ہم نے شیر کشمیر شیخ محمد عبداللہ کی زندگی، سیاسی اور سماجی خدمات پر ایک کتابچہ کی اشاعت شروع کی ہے ، جس کا پہلا شمارہ اسی ماہ اجراءکیا گیا اور مستقبل میں بھی کی اس اشاعت جاری رہے گی۔

یو این آئی- ارشید بٹ

اس خبر پر اپنی رائے کا اظہار کریں