خبراردو :
جموں کشمیر میں انتظامی اموارات کو بہترین انداز میں چلانے اور عوامی مفاد کے خاطر خالی عہدوں کو پُر کر نے کے لئے گو نر انتظامیہ نے کئی محکموں میں اہم تبادلوں اور تقرریوں کے احکامات صادر کرتے ہوئے بھاری پیمانے پر پھیر بدل عمل میں لایا ہے ۔ گور نر انتطامیہ نے سو موار کو ریاست کے مختلف محکمہ جات میں بہتر انتظامیہ فراہم کر نے ،خالی پڑے عہدوں کو پُر کر نے کے لئے بڑے پیمانے پرتقرریوں اور تبادلوں کے احکامات صادر کر دئے ۔جنرل ایڈ منسٹریشن کی جانب سے جاری حکمنامے کے مطابق داکٹر اصغر حسن سامون کو پرنسپل سیکریٹری کو محکمہ ٹرانپورٹ میں انتظامی سیکریٹری کا اضا فی چارج دیا گیا ہے ۔حکمنامے کے مطابق شاہد عنایت اللہ کو فائنانشل کمشنر ، ریونیو کا اضافی چارچ دیا گیا۔
اسی طرح فاروق احمد لون جو کہ چیف ایکزیکیوٹیو آفیسر ایریاکے عہدے پر تعینات تھے کو تبدیل کرکے محکمہ سوشل ویلفیئر میں خصوصی سیکرٹری کے عہدے پر تعینات کیا گیا جبکہ موصوف اس کے علاوہ محکمہ کے انتظامی سیکرٹری کا کام کاج بھی دیکھیں گے۔ آرڈر کے مطابق دپٹی کمشنر سرینگر سید عابد رشید شاہ کو اپنے عہدے پر برقرار رکھتے ہوئے مزید ایس پی وی برائے شہر سرینگر کا اضافی چارج دیا گیا۔ اسی طرح ستین رازدان کو ایرا کے اضافی ذمہ داریاں تفویض کی گئی ہے۔
حکم نامہ کے مطابق کمار راجیو رنجن جو کہ محکمہ جی اے ڈی میں تعنیاتی کے منتظر تھے کو ڈائریکٹر ایریا پلاننگ اور خصوصی سیکرٹری برائے حکومت تعینات کیا گیا۔ اسی طرح ڈائفورڈ ساگر جو کہ ایڈیشنل ڈی سی سرینگر کے عہدے پر فائز تھے کو تدیل کرکے خصوصی افسر برائے سیل فار مانیٹرنگ پرگرامز اور میگا پروجیکٹس تعینات کیا گیا۔ حکم نامہ میں مزید بتایا گیا ہے کہ اویس احمدکو ڈپٹی کمشنر شوپیان تعینات کردیا گیا ہے جبکہ غلام احمد صوفی کو منیجنگ ڈائریکٹر ہارٹی کلچر کے منصب پر تعینات کیا گیا۔ اسی طرح راہل شرما کو ایڈیشنل کمشنر برائے صوبائی کمشنر جموں کے آفس میں تعینات کیا گیا۔ حشمت علی کو خصوصی سیکرٹری برائے محکمہ بجلی میں تعینات کیا گیا۔ اسی طرح چودھری رشید اعظم کو محکمہ اعلیٰ رتعلیم میں خصوصی سیکرٹری کے عہدے پر تعینات کیا گیا۔ نیز شبنم کاملی کو بھی جی اے ڈی میں اگلے احکامات تک اٹیچ رکھا گیا۔
حکم نامہ میں مزید کہا گیا کہ راجندر سنگھ تارا کو ڈائریکٹر اربن لوکل باڈیز جموں تعینات کیاگیا جبکہ طارق حسین گنائی کو ڈائریکٹر اسٹیٹس تعینات کیا گیا۔اسی طرح شوکت احمد بٹ جوکہ ضلع ترقی کمشنر شوپیان کے عہدے پر تعینات تھے کو تبدیل کرکے ضلع ترقیاتی کمشنر رام بن تعینات کردیا گیا۔نیز اروند کوتوال کو میونسپل کمشنر جموں کے عہدے پر تعینات کردیا گیا جبکہ سجاد حسین گنائی جو کہ جی اے ڈی محکمہ میں اگلی تعینات کے لیے منتظر تھے کو سرینگر ڈیولپمنٹ اتھارٹی کے وائس چیرمین کے عہدے پر تعینات کیا گیا۔اسی طرح ریحانہ بتول کو ڈائریکٹر جنرل رورل ڈیولپمنٹ جموں تعینات کردیا گیا جبکہ زبیر احمدجو سیکرٹر محکمہ داخلہ کے عہدے پر تعینات تھے کو تبدیل کرکے چیرمین سروس سلیکشن بورڈ کے عہدے پر تعینات کیا گیا۔ روی کانت کو ممبر جے اینڈ کے سپیشل ٹریبونل تعینات کردیا گیا جبکہ آصف حمید خان کو منیجنگ ڈائریکٹر برائے محکمہ ٹورزم ڈیولپمنٹ کارپوریشن تعینات کردیا گیا۔
اسی طرح امت شرما کو ڈائریکٹر امور صارفین کو جموں تعینات کیا گیا جبکہ تصدق جیلانی کو ڈائریکٹر محکمہ سیاحت تعینات کیا گیا۔ عبدالرشید ڈار کو مشن ڈائریکٹر سٹیٹ رورل لیولی ہوڈ تعینات کیا گیا جبکہ شیو کمار کو اپنے منصب سے تبدیل کرکے ایڈیشنل کمشنر کمر شل ٹیکسز جموں تعینات کیا گیا۔قاضی سرور کو ڈائریکٹر رورل ڈیولپمنٹ برائے کشمیر کے عہدے پر تعینات کیا گیا۔ نیز خورشید احمد ثنائی کو تبدیل کرکے ایڈیشنل ضلع ترقیاتی کمشنر بانڈی پورہ تعینات کیا گیا۔ نیز نذیر احمد شیخ جو کہ تعینات کے منتظر تھے کو ڈائریکٹر پنچائتی راج، رورل ڈیولپمنٹ سیول سیکرٹریٹ تعینات کیا گیا۔اسی طرح محمد ممتاز علی کو تبدیل کرکے ایڈیشنل سیکرٹری ہاوسنگ اینڈ اربن ڈیولپمنٹ تعینات کیا گیا جبکہ سدھرشن کمار کو ایڈیشنل سیکرٹری رورل ڈیولپمنٹ پنچائتی راج تعینات کیاگیا۔طفیل متو کو ڈائریکٹر سرواسکشا ابھیان ، راشٹریہ مدیا مک شکشا ابھیان تعینات کیا گیا۔حکم نامہ کے مطابق انو ملہوترا کو تبدیل کرکے ڈائریکٹر ٹکنیکل ایجوکیشن تعینات کیا گیا۔ منموہن سنگھ منیجنگ ڈائریکتر ہاوسنگ بورڈ کو تبدیل کرکے ایم ڈی سٹیٹ روڑ ٹرانسپورٹ کارپوریشن تعینات کیا گیا۔ اسی طرح بھوانی رکھوال کو منیجنگ ڈائریکٹر جے اینڈ کے ایگرو انڈسٹریز تعینات کیا گیا۔
اسی طرح سمیتا سیٹھی کو اپنے منصب سے تبدیل کرکے ناظم الامور ایسو سی ایٹڈ ہسپتال جموں تعینات کیا گیا۔حکم نامہ کے مطابق منظور احمد بٹ جو کہ ڈپٹی کمشنر کمرشل ٹکسز تھے کو تبدیل کرکے ایڈیشنل کمشنر ٹیکسز (ایڈمنسٹریشن کشمیر) تعینات کیا گیا۔ محکمہ سیاحت کے ناظم محمود احمد شاہ کو تبدیل کرکے اگلے احکامات تک جی اے ڈی کے ساتھ منسلک رکھا گیا۔ اسی طرح اعجاز احمد صراف کو تبدیل کرکے سیکرٹری جے اینڈ کے کھادی ویلیج اینڈ انڈسٹریز رتعینات کیا گیا۔ اسی طرح دیس راج کو ایڈیشنل سیکرٹری گورنمنٹ برائے پی ایچ ای، اریگیشن، فلڈ تعینات کیا گیا۔ منظور احمد کو چیف ایکزکیوٹیو افسر اربن ڈیولپمنٹ ایجنسی کشمیر تعینات کیا گیا۔محمد شفیع ڈار کو کسٹوڈین ٹریڈ فسلٹیشن سنٹر سلام آباد تعینات کیا گیا۔ اسی طرح غلام نبی بٹ کو سب ڈیوژنل مجسٹریٹ پٹن تعینات کیا گیا۔
حکم نامہ کے مطابق محمد اختر بٹ کو ڈپٹی ڈائریکٹر فوڈ سیول سپلائز تعینات کیاگیا۔ اسی طرح انیل سلگوترا کو ڈپٹی چیف الیکٹورل افسر جموں تعینات کیا گیا۔نیز بشیر احمد لون کو ایڈیشنل سیکرٹری محکمہ داخلہ تعینات کردیا گیا، نریندر سنگھ جموال، نریندر کھجوریہ کو سیکرٹری داخلہ ہوم تعینات کیا گیا، سورج پرکاش کو تبدیل کرکے ڈیزاسٹر منیجمنٹ رورل ڈیولپمنٹ تعینات کردیا گیا۔اسی طرح محمد فاروق ڈار کو ڈپٹی ایکسائز کمشنر (ایکزکیوٹیو) سرینگر تعینات کیا گیا جبکہ عبدالستار کو ایڈیشنل سیکرٹری ہیلتھ اینڈ میڈیکل ایجوکیشن تعینات کیا گیا۔ خورشید احمد کو ایڈیشنل کمشنر بڈگام، پرویز احمد رعنا کو سیکرٹری برائے حکومت جنرل ایڈمنسٹریشن، غلام جیلانی زرگر کو ڈپٹی کمشنر کمرشل ٹیکسز (ریکاوریز) اور فرید احمد کوہلی کو کسٹوڈین ٹریڈ سنٹر چکانداباغ تعینات کیا گیا۔
