بارہ مولہ میں انتہائی مطلوب منشیات فروش برون شوگر سمیت گرفتار

سری نگرشمالی ضلع بارہ مولہ میں پولیس نے انتہائی مطلوب منشیات فروش کو دھر دبوچ کر اس کے قبضے سے برون شوگر برآمد کرکے ضبط کیا ۔

پولیس کے ایک ترجمان نے بتایا کہ دلنہ پولیس نے جوہامہ مارکیٹ کے نزدیک ناکہ چیکنگ کے دوران مشتبہ نوجوان کی جامہ تلاشی کے دوران 270گرام برون شوگر برآمد کیا۔

منشیات فروش کی شناخت محمد ایوب شاہ ولد عبدالخالق ساکن لڈورا رفیع آباد کے بطور ہوئی ہے۔

پولیس کا کہنا ہے کہ گرفتار منشیات فروش پولیس کو انتہائی مطلوب تھا اور اس کی کافی عرصہ سے تلاش تھی۔

دریں اثنا پولیس نے ایک دفعہ پھر عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں۔

پولیس کا کہنا ہے کہ منشیات فروشی سماج کے لئے ناسور بن چکی ہے لہذا اس کا قلع قمع کرنے کی خاطر ہر ایک کو اپنا دست تعاون فراہم کرنا چاہئے۔

یواین آئی-ارشید بٹ

اس خبر پر اپنی رائے کا اظہار کریں