خبر ادو :
گزشتہ 24گھنٹوں کے دوران سرینگر،ترال اور پلوامہ میں پے در پے جنگجویانہ حملوں کے بعد وادی میں سیکورٹی فورسز کوہائی الرٹ کر دیا گیا۔اسی دوران سیکورٹی فورسز نے شہر سرینگر سمیت وادی کے دیگر کئی ضلع و تحصیل صدر مقامات کی طرف آنے اور جانے والی سڑکوں اور شہراوؤں پر ناکے لگا کر موٹر سائیکل سواروں ،راہ گیروں اور گاڑیوں کی تلاشی کا سلسلہ تیز کر دیا ہے۔ گزشتہ 24گھنٹوں کے دوران وادی کشمیر میں جنگجوؤں کی جانب سے شہر سرینگر سمیت وادی کے مختلف مقامات فورسز پرپے در پے 3گرنیڈ حملوں کے بعد وادی کشمیر میں سیکورٹی کو ہائی الڑت جاری کی گئی ہے جنگجووؤں نے بدھ کے روز 12بجے کے قریب جنوبی کشمیر کے قصبہ پلوامہ میں قائم ڈاکخانے کی حفاظت پر مامورآر پی ایف پوسٹ پر ایک ہیتھ گولہ پھینکا جو ڈاکخاکنے کے صحن میں گر کر زوردار دھماکے کے ساتھ پھٹ گیا ۔ جس کے ساتھ ہی وہاں کچھ منٹوں کے لئے افرا تفری کا ماحول پیدا ہوا ۔
تاہم واقعے میں کسی کے زخمی ہونے کی کوئی اطلاع موصول نہیں ہوئی ہے ۔ادھر گزشتہ رات دس بجے کے قریب جنگجوؤں نے ترال قصبے سے3کلومیٹر دور نادر اور کچھ ملہ کے درمیان قائم ایک فوجی کیمپ پر جنگجوؤں نے ہیتھ گولہ پھینکا جو زور دار دھماکے کے ساتھ پھٹ گیا ۔جس کے دوران کیمپ کے اندر پوسٹوں پر سنٹری کی ڈیوٹی کر رہے اہلکاروں نے زبردست فائرنگ کی جس کی وجہ سے سے علاقہ گولیوں کے گن گرج سے گونج اٹھا جس کے بعد لوگوں کو یہ لگا کہ گاوں میں فوج اور جنگجوؤں کے درمیان جھڑپ شروع ہوئی ہے تاہم بعد میں پولیس نے بتایا علاقے میںجنگجوؤں نے فوجی کیمپ گرنیڈ پھینکا ہے تاہم وااقعے میں کوئی زخمی نہیں ہوا ہے۔
خیال رہے شہر سرینگر میں بھی جنگجوؤں نے منگل کے روز سی آر پی ایف پارٹی پرفائرنگ کی ،جس میں دو اہلکار زخمی ہوئے تھے جہاں بعد میں ایک اہلکار زخموں کی تاب نہ لا کر دم توڈ بیٹھا۔اسی دوران تازہ حملوں کے بعد پولیس انتظامیہ نے شہر سرینگر سمیت وادی کے کئی دیگر علاقوں میں فورسز تلاشی کاروائیاں تیز کر دی ہے جس کے دوران مختلف علاقوں کو جانے والی سڑکوں اور شہرا موٹر سائیکل سواروں کے ساتھ ساتھ گاڑیوں اور راہ گیروں کی تلاشی لی جارہی تھی جبکہ کئی مقامات پر حملہ آوروں کو دڈھونڈنکالنے کے لئے کئی چھاپے ڈالے گئے تاہم کسی کی گرفتاری عمل میں نہیں لائی گئی ہے ۔
