ملاں پور، پریانش آریہ (103)، ششانک سنگھ (ناٹ آؤٹ 52) اور مارکو جانسن (ناٹ آؤٹ 34) کی سنچری سے پنجاب کنگز نے انڈین پریمیئر لیگ (آئی پی ایل) 2025 کے 22ویں میچ میں منگل کو چنئی سپر کنگز کو جیت کے لیے 220 رنز کا ہدف دیا۔
یہاں آج پنجاب کنگز کے کپتان شریاس ایر نے ٹاس جیت کر پہلے بلے بازی کا فیصلہ کیا۔ بلے بازی کے لیے آتے ہوئے پنجاب کنگز کی شروعات اچھی نہیں تھی اور دوسرے ہی اوور میں پربھسمرن سنگھ (0) کی صورت میں اپنی پہلی وکٹ گنوادی۔ وہ مکیش چودھری کے ہاتھوں بولڈ آؤٹ ہوئے۔ اگلے ہی اوور میں خلیل احمد نے کپتان شریاس ایر (نو) کو آؤٹ کرکے پنجاب کو دوسری کامیابی دلائی۔ اس کے بعد خلیل احمد نے پانچویں اوور میں مارکس اسٹوئنس (چار) کی وکٹ حاصل کی۔ نہال ودھیرا (نو) اور گلین میکسویل (ایک) کو آر اشون نے آؤٹ کیا۔ اس دوران پریانش آریہ ایک اینڈ پکڑے ہوئے تیزی سے رنز بناتے رہے۔ انہوں نے ششانک سنگھ کے ساتھ چھٹی وکٹ کے لیے 71 رنز جوڑے۔ 14ویں اوور میں نور احمد نے پریانش کو آؤٹ کر کے اس شراکت داری کا خاتمہ کیا۔ پریانش نے 42 گیندوں میں نو چھکوں اور چار چوکوں کی مدد سے سنچری (103) بنائی۔ پنجاب کنگز نے مقررہ 20 اوورز میں چھ وکٹوں پر 219 رنز بنائے۔ ششانک سنگھ نے 36 گیندوں میں دو چوکوں اور تین چھکوں کی مدد سے (52 ناٹ آؤٹ) رنز بنائے۔ مارکو جانسن نے 19 گیندوں پر دو چوکوں اور دو چھکوں کی مدد سے ناٹ آؤٹ 34 رنز بنائے۔
چنئی سپر کنگز کی جانب سے خلیل احمد اور آر اشون نے دو دو وکٹیں حاصل کیں۔ نور احمد اور مکیش چودھری نے ایک ایک بلے باز کو آؤٹ کیا۔
یواین آئی۔ ظ ا
