دبئی، روس کی اناکلنسکایا نے دبئی ٹینس چیمپئن شپ کے خواتین کے سنگلز میچ میں امریکہ کی کوکو گف کو 2-6، 6-4، 6-2 سے شکست دے کر الٹ پھیر کرتے ہوئے سیمی فائنل میں داخلہ حاصل کرلیا۔
جمعرات کو یہاں کھیلے گئے کوارٹر فائنل میچ میں گاف نے اناکلنسکایا پر پہلا سیٹ 2-6 سے جیتا۔ لیکن اس کے بعد اناکلنسکایا نے شاندار کھیل کا مظاہرہ کیا اور اگلے دو سیٹ 6-4، 6-2 سے جیت کر سیمی فائنل میں داخلہ لیا۔
اناکلنسکایا کا سیمی فائنل میں عالمی نمبر ایک ٹینس کھلاڑی پولینڈ کی ایگا سویٹیک سے مقابلہ ہوگا۔ وہ چین کی کیان وین زینگ کو 6-3، 6-2 سے شکست دے کر سیمی فائنل میں پہنچی ہیں۔
کالنسکیا نے الٹ پھیر کے بعد کورٹ میں کہا”میں یہاں اپنے کھیل سے بہت خوش ہوں،” ۔ وہ ایک عظیم کھلاڑی ہیں۔‘‘ انہوں نے کہا کہ میں آخر تک تناؤ محسوس کر رہی تھی اس لیے میں نے اپنا بہترین کھیل جاری رکھا اور جارحانہ رہنے کی کوشش کی۔
سویٹیک کے ساتھ میچ کے بارے میں انہوں نے کہا کہ میں کل ہونے والے میچ کے لیے بہت پرجوش ہوں۔ میں نے ان کے خلاف سنگلز میں کبھی نہیں کھیلا۔ میں یقینی طور پر اس لڑائی کی منتظر ہوں۔‘‘
یواین آئی۔،م س
