یوم پیدائش 30 جون
نئی دہلی
دنیا کے خطرناک ترین باکسرز میں سے ایک مائیک ٹائسن جنہیں دنیا کے عظیم ہیوی ویٹ باکسرز میں سے ایک سمجھا جاتا ہے، امریکہ کے سابق پیشہ ور باکسر ہیں۔ ٹائسن نے صرف 18 برس کی عمر میں پروفیشنل باکسنگ شروع کر دی تھی۔ مائیک ٹائسن کی زندگی بھلے ہی تنازعات سے بھری ہو لیکن انہوں نے باکسنگ کی دنیا میں ہمیشہ اپنا دبدبہ قائم رکھا۔ 20 برس کی عمر میں ہیوی ویٹ چیمپئن بننے کا کارنامہ انجام دیا۔
امریکہ کے لیجنڈری باکسر مائیک ٹائسن جن کا شمار دنیا کے عظیم باکسرز میں ہوتا ہے۔ باکسنگ رنگ میں بڑے بڑے باکسرز بھی ان کا سامنا کرنے سے گھبراتے تھے۔
مائیک ٹائسن کا باکسنگ کیرئیر بہت شاندار رہا ۔ انہوں نے اپنے کیرئیر میں تقریباً 58 فائٹ لڑیں جن میں سے انہوں نے 50 فائٹ پر فتح حاصل کی۔ سب سے اہم بات یہ ہے کہ ان 50 میچوں میں سے ٹائسن نے 44 میچوں میں ناک آؤٹ سے کامیابی حاصل کی ۔
مائیک ٹائسن نے اپنی پہلی فائٹ 1985 میں ہیکٹر مرسڈیز کو شکست دے کر جیتی۔مائیک نے 1985 سے 2005 تک باکسنگ مقابلوں میں حصہ لیا۔ ٹائسن نے اپنی باکسنگ کی مہارت کے لیے ‘آئرن مائیک’، ‘کڈ ڈائنامائٹ’ اور ‘دی بیڈسٹ مین آن دی پلینیٹ’ جیسے خطابات حاصل کیے ۔ انہیں عظیم ہیوی ویٹ باکسرز میں سے ایک سمجھا جاتا ہے۔
ٹائسن کا بچپن انتہائی غربت میں گزرا۔ ان کی والدہ کا انتقال اس وقت ہوا جب وہ 10 برس کے تھے۔غربت اور مجرمانہ علاقے میں رہنے کی وجہ سے ٹائسن کو بار بار چھوٹے چھوٹے جرائم کرتے ہوئے پکڑا گیا۔یہ ٹائسن کی بدقسمتی یا ناسازگار حالات کا نتیجہ ہی کہیں گے کہ 13 برس کی عمر تک ٹائسن کو 38 بار گرفتار کیا گیا ۔
ان کی باکسنگ کی صلاحیتوں کو بابی اسٹیورٹ نے جانا ۔ڈی اماتو نے ٹائسن کو چھپنے اور ڈھونڈنے والا باکسنگ کا انداز سکھایا، جس میں وہ اپنے ہاتھ اپنے گالوں کے قریب رکھتے اور باکسنگ رنگ میں مسلسل گھومتے رہتے، جس سے ان کا دفاع تقریباً ناقابل تسخیر ہوتا۔ 5 فٹ 11 انچ یعنی1.8 میٹر لمبے اور تقریباً99 کلوگرام وزنی ٹائسن کا جسم کلاسک ہیوی ویٹ باکسر جیسا نہیں تھا، لیکن رنگ میں ان کی حیران کن چستی اور جارحیت نے ا ن کے حریفوں کو ہمیشہ زیر کیا۔
جاری یو این آئی۔ ایم جے۔
