اوٹاوا، کناڈا کے وینکوور میں اسٹریٹ فیسٹیول کے دوران گاڑی کی زد میں آکر گیارہ افراد کی موت کی تصدیق کی گئی ہے۔
پولیس نے اتوار کو یہ اطلاع دی۔
وینکوور پولیس نے ایک نیوز کانفرنس کو بتایا کہ مرنے والوں کی تعداد بڑھ سکتی ہے کیونکہ کئی دیگر افراد زخمی ہیں جن میں سے کچھ کی حالت تشویشناک ہے۔ وینکوور کے عبوری پولیس چیف اسٹیو رے نے کہا کہ متاثرین میں مرد اور خواتین دونوں شامل ہیں۔
یہ واقعہ ہفتہ کی رات 8 بجے کے بعد ایسٹ 43 ویں ایونیو اور فریزر اسٹریٹ کے قریب پیش آیا، جہاں لاپو لاپو ڈے بلاک پارٹی چل رہی تھی۔
مقامی میڈیا نے اطلاع دی ہے کہ ایک کالے رنگ کی ایس یو وی نے ان لوگوں کو ٹکر ماری جو یا تو چل رہے تھے یا فوڈ ٹرک کے قریب کھڑے تھے۔ وینکوور کے رہائشی 30 سالہ مشتبہ شخص کو جائے وقوعہ سے گرفتار کر لیا گیا۔ تفتیش جاری ہے۔
کناڈا کے وزیر اعظم مارک کارنی نے سوشل میڈیا پر کہا کہ ’’آج شام وینکوور میں لاپو لاپو فیسٹیول میں ہونے والے واقعے کے بارے میں سن کر میں حیران ہوں۔ ہم صورت حال پر گہری نظر رکھے ہوئے ہیں۔‘‘
اس دوران وینکوور کے میئر کین سم نے کہا ’’میں آج کے لاپو لاپو ڈے کی تقریب میں پیش آنے والے واقعے سے صدمے اور گہرے دکھ میں ہوں۔ ہم جلد از جلد مزید معلومات فراہم کرنے کی کوشش کریں گے۔‘‘
واضح ر ہے کہ لاپو لاپو ڈے، جس کا نام قبائلی رہنما فلپائنی کے نام پر رکھا گیا ہے جنہوں نے 16ویں صدی میں ہسپانوی استعمار کے خلاف جدوجہد کی تھی، کو 2023 میں برٹش کولمبیا کے صوبے نے سرکاری طور پر تسلیم کیا تھا اور اسے صوبے میں فلپائنی کمیونٹی بڑے پیمانے پر مناتی ہے۔
یو این آئی۔ این یو۔
