ٹوکیو، جاپان ایرو اسپیس ایکسپلوریشن ایجنسی (جاکسا) نے اپنا پہلا لونر مشن جمعرات کو ایچ- 2 اے کیریئر راکٹ 47 سے ایکس رے امیجنگ اور اسپیکٹرواسکوپی مشن (ایکس آر آئی ایس ایم) نامی سیٹلائٹس کے ساتھ تانیگاشیما خلائی مرکز سے روانہ کیا۔
جاکسا نے اس سے پہلے 26 اگست کو لانچ کا شیڈول بنایا تھا لیکن خراب موسم کی وجہ سے اسے 2 بار ملتوی کرنا پڑا۔ امکان ہے کہ جاپانی لینڈر تین سے چار ماہ میں چاند کے مدار میں پہنچ جائے گا اور چار سے چھ ماہ میں اس کی سطح پر اترے گا۔
مستوبشی ہیوی انڈسٹریز لونر ماڈیول تیار کر نے کے لئے جکسا کے ساتھ کام کررہی ہے تاکہ لینڈنگ کا منصوبہ کامیاب ہو سکے۔ اگر لینڈنگ کامیاب ہو جاتی ہے تو اس مشن کے ڈیٹا کا استعمال چاند اور مریخ کی امریکہ کے آرٹیمس کے لئے تیاریوں میں کیا جائے گا۔
یو این آئی۔ این یو۔
