حماس کے ذریعہ قید کیے گئے افراد میں نصف سے زیادہ غیر ملکی شہریت یافتہ ہیں

یروشلم، غزہ میں حماس کے ذریعہ قید کیے گئے لوگوں میں سے کم از کم 138 کے پاس غیر ملکی شہریت ہے۔

اسرائیلی میڈیا نے بدھ کے روز یہ اطلاع دی۔

اسرائیلی ڈیفنس فورسز کے ترجمان ڈینیئل ہگاری نے پیر کے روز کہا کہ حماس کے ہاتھوں قید ہونے والے افراد کی تعداد 222 ہو گئی ہے۔

یانیٹ اخبار نے اسرائیلی حکومت کے حوالے سے رپورٹ کیا ہے کہ 138 قیدیوں میں سے 54 تھائی، 15 ارجنٹائن، 12 امریکی، 12 جرمن، چھ فرانسیسی اور چھ روسی شہری ہیں۔

واضح رہے کہ 7 اکتوبر کو فلسطینی تحریک حماس نے غزہ کی پٹی سے اسرائیل کے خلاف اچانک راکٹ حملے شروع کر دیے تھے۔ اسرائیل نے جوابی جارحانہ حملے شروع کیے اور غزہ کی پٹی کی مکمل ناکہ بندی کردی، جس میں 20 لاکھ سے زائد افراد آباد ہیں۔ تنازعہ بڑھنے سے دونوں فریقوں کے ہزاروں افراد ہلاک اور زخمی ہوئے۔

یو این آئی۔ م ش۔

اس خبر پر اپنی رائے کا اظہار کریں