غزہ میں انٹرنیٹ اور مواصلات منقطع

یروشلم، اسلامی تحریک مزاحمت [حماس] کاکہناہے کہ اسرائیل نے جمعہ کے روز غزہ کی پٹی میں مواصلات اور زیادہ تر انٹرنیٹ منقطع کر دیے۔

العربیہ کے مطابق حماس کے میڈیا آفس نے کہا کہ اسرائیل شمالی غزہ میں شدید حملوں کے بعد فضائی، زمینی اور سمندری راستوں سے قتل عام کا ارتکاب کرنے کے لیے یہ اقدام اٹھا رہا ہے۔

غزہ میں اے ایف پی کے صحافیوں نے تصدیق کی کہ وہ صرف محدود علاقوں میں بات چیت کرنے کے قابل ہیں، جہاں وہ سرحد پار اسرائیلی نیٹ ورکس سے رابطہ قائم کر سکتے ہیں۔

فلسطینی ٹیلی کام فراہم کنندہ جووال نے علاقے میں ’تمام مواصلاتی خدمات اور انٹرنیٹ کو مکمل طور پر منقطع کرنے‘ کا اعلان کیا ہے۔

جووال نے اپنے فیس بک پیج پر لکھا کہ ‘گذشتہ ایک گھنٹے میں ہونے والی شدید بمباری نے غزہ کو بیرونی دنیا سے ملانے والے باقی تمام بین الاقوامی راستوں کو تباہ کر دیا۔‘

یواین آئی۔ م س

اس خبر پر اپنی رائے کا اظہار کریں