واشنگٹن، امریکہ آنے والے مہینوں میں مغربی افریقی ملک نائجر سے 1000 امریکی فوجیوں کو واپس بلا لے گا۔ یہ معلومات نیویارک ٹائمز نے اپنی رپورٹ میں دی ہیں۔
رپورٹ میں جمعے کے روز کہا گیا کہ امریکی حکومت نے نائجر کی حکومت کو اپنے منصوبے سے آگاہ کر دیا ہے۔
واشنگٹن پوسٹ کے مطابق محکمہ خارجہ کے ڈپٹی سکریٹری کرٹ کیمبل نے دن کے اوائل میں نائجر کے وزیر اعظم سے ملاقات کی اور حکومت کا مطالبہ تسلیم کر لیا۔
رپورٹ میں کہا گیا ہے کہ اس قدم سے مغربی افریقہ میں امریکہ کے انسداد دہشت گردی کے موقف میں تبدیلی ظاہر ہوگی۔
گزشتہ ماہ، نائجر کی فوج کے ترجمان نے کہا تھا کہ ملک کی عبوری حکومت نے گزشتہ جولائی میں بغاوت کے ذریعے اقتدار سنبھالا تھا اور اس نے نائجر کے عوام کے مفادات کا حوالہ دیتے ہوئے فوجی معاہدے کو فوری طور پر ختم کر دیا تھا۔
نائجر کی وزارت داخلہ نے حال ہی میں کہا تھا کہ نیامی کے واشنگٹن کے ساتھ فوجی معاہدہ ختم کرنے کے بعد امریکہ نے مغربی افریقی ملک سے فوجیوں کے انخلاء کا منصوبہ بنانے کا وعدہ کیا تھا۔ یہ بیان سوشل میڈیا پر نائجر کے وزیر داخلہ محمد تومبا کی میزبانی میں امریکی سفیر کیتھلین فٹزگبن کی بات چیت کے بعد شائع ہوا۔
یو این آئی۔ م ش۔
