تہران، ایران نے خفیہ سفارتی ذرائع سے خلیج فارس اور مشرق وسطیٰ میں امریکی اتحادیوں پر حملہ کرنے کی دھمکی دی ہے۔ تہران نے کہا کہ اگر اس کے علاقوں یا فضائی حدودکو ایران پر حملے کے لیے استعمال کیا گیا تو وہ اس کا جواب حملے سے دے گا۔ یہ اطلاع وال اسٹریٹ جرنل نے عرب افسران کے حوالے سے دی ہے۔
رپورٹ میں جمعرات کو کہا گیا کہ تہران نے اردن، متحدہ عرب امارات، سعودی عرب اور قطر کو متعلقہ انتباہات بھیجے ہیں۔ ان ممالک نے مبینہ طور پر امریکی صدر جو بائیڈن انتظامیہ کو مطلع کیا ہے کہ وہ ایران کے خلاف کسی بھی جارحانہ کارروائی کے لیے امریکہ اور اسرائیل کو اپنے فوجی ڈھانچے یا فضائی حدود فراہم نہیں کرنا چاہتے۔
گزشتہ ہفتے ایرانی مسلح افواج کے جنرل اسٹاف نے کہا تھا کہ ’’امریکہ سمیت اسرائیل کی حمایت کرنے والے ممالک کی براہ راست مداخلت اور ایران کے خلاف ان کی جارحیت کی صورت میں، مشرق وسطیٰ میں ان کے اڈوں اور مفادات کو بیک وقت ایک طاقتور حملے کا سامنا کرنا پڑے گا۔ ‘‘
یو این آئی۔ این یو۔
