برلن ، جرمنی کے صدر فرینک والٹر نے امریکا کی ایران جنگ کو تباہ کُن سیاسی غلطی اور بین الاقوامی قانون کی خلاف ورزی قرار دے دیا برلن میں ایک تقریب سے خطاب کرتے ہوئے جرمن صدر نے امریکی صدر ٹرمپ پر کڑی تنقید کی اور کہا کہ یہ جنگ بین الاقوامی قانون کی خلاف ورزی ہے، اس جنگ کے لیے امریکا کا جواز قابلِ قبول نہیں ہے۔

انہوں نے مزید کہا کہ اگر جنگ کا مقصد ایران کو جوہری ہتھیار بنانے سے روکنا تھا تو یہ غیر ضروری جنگ ہے۔

دوسری جانب ایرانی وزیرخارجہ عباس عراقچی نے کہا ہے کہ جرمن صدر کو خاموشی توڑ کر ایران کے خلاف غیرقانونی جنگ کی مذمت کرنے پروہ انہيں سراہتے ہیں۔ انہوں نے مزیدکہا کہ غزہ اور یوکرین کے معاملے پر مغرب کا معیار دوغلا ہے، مغرب کا یہ دوغلا معیار ایران پر امریکی و اسرائیلی حملے پر خاموشی سے ظاہر ہوتا ہے، قانون کے حکمرانی پر یقین رکھنے والوں کو بھی قانون کی پامالیوں پر آواز اٹھانی چاہیے۔

یواین آئی۔ ا م

ماسکو،روس نے یوکرین کی مسلح افواج کی طرف سے روسی جنگی قیدیوں کے خلاف ڈھائے جانے والے مظالم سے متعلق اقوام متحدہ (یو این) کو دو رپورٹیں پیش کی ہیں یہ اطلاع روس کی وزارت خارجہ میں یوکرینی حکومت کے جرائم پر خصوصی ایلچی روڈین میروشنک نے یہ اطلاع دی ہے مسٹر میروشنک نے کہا، “ہم نے مظالم کے بارے میں دو رپورٹیں پیش کی ہیں، جن میں جنگی قیدیوں پر تشدد کے حوالے سے تیسرے جنیوا کنونشن کی خلاف ورزیوں کا ذکر ہے۔ ہم نے ناقابل تردید ثبوت پیش کیے ہیں: براہ راست بیانات اوران لوگوں کے حوالے، جو یوکرین کی قید سے واپس آئے ہیں۔

یواین آئی/اسپوتنک۔الف الف

واشنگٹن، ایران نے امریکہ اور اسرائیل سے مطالبہ کیا ہے کہ وہ ممکنہ امن معاہدے کے تحت لبنان میں قائم شیعہ گروپ حزب اللہ کے خلاف فوجی کارروائی روک دیں ذرائع کے مطابق ایران نے اس موقف کا اظہار مارچ کے وسط میں کیا تھا۔ ذرائع نے بتایا کہ حزب اللہ کو ایران کی طرف سے یقین دہانی ملی ہے کہ لبنان میں جنگ بندی معاہدے کا حصہ ہوگی ایک اعلیٰ ایرانی ذریعے نے بتایا کہ تہران تقریباً ایک ماہ سے امریکی امن تجویز پر غور کر رہا ہے۔

اس ہفتے کے شروع میں، امریکی صدر ڈونلڈ ٹرمپ نے دعویٰ کیا تھا کہ ہفتے کے آخر میں واشنگٹن اور تہران کے درمیان “بہت مثبت اور بامعنی” بات چیت ہوئی اور انہوں نے ایران کے توانائی کے بنیادی ڈھانچے پر حملوں کو پانچ دنوں کے لیے روک دیا۔

ایران کی وزارت خارجہ نے دونوں فریقوں کے درمیان براہ راست مذاکرات کی خبروں کو مسترد کرتے ہوئے کہا کہ اسے صرف ایسے پیغامات موصول ہوئے ہیں جن میں بات چیت کی خواہش ظاہر کی گئی ہے۔

یواین آئی/اسپوتنک۔الف الف