سرینگر، جموں و کشمیر کے وزیر اعلیٰ عمر عبداللہ نے بدھ کے روز نیشنل کانفرنس کے اراکینِ اسمبلی اراکینِ پارلیمنٹ اور وزراء کے ساتھ مشہور ‘داچی گام نیشنل پارک’ میں ایک انتہائی اہم اور تزویراتی اجلاس منعقد کیا۔ وادی میں ریاستی درجے کی بحالی میں ہونے والی تاخیر اور دیگر آئینی حقوق کو لے کر بڑھتی ہوئی سیاسی بے چینی کے درمیان اس خفیہ بیٹھک کو انتہائی اہم مانا جا رہا ہے۔

وزیر اعلیٰ عمر عبداللہ نے اسے ایک ‘آف سائٹ’ میٹنگ قرار دیا۔ اس خفیہ اجلاس کی خاص بات یہ تھی کہ شرکت کرنے والے اراکین کو پہلے سے مقامِ اجلاس کی خبر نہیں تھی۔ تمام اراکین پہلے وزیر اعلیٰ کے گپکار روڈ پر واقع دفتر پہنچے، جہاں سے انہیں خصوصی بسوں کے ذریعے داچی گام لے جایا گیا۔ موبائل نیٹ ورک کی عدم دستیابی والے اس پرسکون مقام پر یہ اہم بیٹھک ہوئی۔وزیر اعلیٰ نے سوشل میڈیا پلیٹ فارم ‘ایکس’ پر اس سفر کی تصاویر شیئر کرتے ہوئے لکھا “ہم گزشتہ 19 ماہ کی کامیابیوں، چیلنجز اور دیگر پہلوؤں کا جائزہ لینے کے لیے ‘آف سائٹ’ جا رہے ہیں۔”

اکتوبر 2024 میں نیشنل کانفرنس کی قیادت میں حکومت بننے کے بعد بھی جموں و کشمیر کو مکمل ریاست کا درجہ نہ ملنے پر پارٹی کے اندر تشویش بڑھ رہی ہے۔ پارٹی ذرائع کے مطابق، میٹنگ میں یونین ٹیریٹری کی موجودہ صورتحال سے متعلق انتظامی چیلنجوں، ریزرویشن پالیسی، ریاست کا درجہ بحال کرنے میں تاخیر اور دیگر زیر التوا سیاسی اور انتظامی مسائل پر تبادلہ خیال کیا گیا۔ وزراء کی کونسل کی ممکنہ توسیع اور ایڈووکیٹ جنرل کی تقرری جیسے معاملات پر بھی بات چیت ہوئی ۔
جاری ۔۔۔۔۔

یواین آئی ۔م اع

سرینگر، جموں و کشمیر کے وزیر اعلیٰ عمر عبداللہ کی قیادت میں حکمران جماعت ‘نیشنل کانفرنس’ کے اراکینِ اسمبلی کا ایک انتہائی اہم اجلاس بدھ کے روز سرینگر میں شروع ہو رہا ہے۔ اس اچانک بلائے گئے اجلاس کے بعد مرکز کے زیرِ انتظام علاقے (یوٹی) میں سیاسی قیاس آرائیوں اور سرگرمیوں کا دور تیز ہو گیا ہے۔اگرچہ اجلاس کا باقاعدہ ایجنڈا عوامی طور پر ظاہر نہیں کیا گیا ہے، تاہم پارٹی رہنماؤں کا کہنا ہے کہ اس بیٹھک میں “اجتماعی اہمیت کے حامل معاملات اور عوامی فلاح و بہبود سے جڑے مسائل” پر تفصیلی تبادلہ خیال کیا جائے گا۔ذرائع کے مطابق، اس اعلیٰ سطح کے اجلاس میں نیشنل کانفرنس کے قانون ساز درج ذیل اہم اور دیرینہ مسائل پر بحث کر سکتے ہیں۔

جموں و کشمیر کو دوبارہ مکمل ریاست کا درجہ دینے میں ہونے والی تاخیر اور اس سے پیدا ہونے والی سیاسی صورتحال، یوٹی (مرکز کے زیرِ انتظام علاقہ) بننے کے بعد سے طرزِ حکومت میں درپیش انتظامی مشکلات اور رکاوٹیں،صوبے میں ریزرویشن پالیسی کو لے کر جاری بحث اور عوامی مطالبات اور جموں و کشمیر کے ایڈوکیٹ جنرل کی تقرری اور صوبائی کابینہ (منتری پریشد) میں ممکنہ توسیع پر بھی اہم فیصلے متوقع ہیں۔سیاسی وزن بڑھانے کے لیے وزیر اعلیٰ عمر عبداللہ نے حکومت کی حمایت کرنے والے آزاد اراکینِ اسمبلی کو بھی اس خصوصی اجلاس میں شرکت کی دعوت دی ہے۔

اس اجلاس کی اہمیت اس لیے بھی بڑھ گئی ہے کیونکہ حال ہی میں عمر عبداللہ نے اشارہ دیا تھا کہ وہ “عید کے بعد کوئی بڑا سیاسی بیان” یا فیصلہ کر سکتے ہیں۔

دوسری طرف، اجلاس کے مقام کی تبدیلی کو لے کر سوشل میڈیا پر چلنے والی افواہوں کو مسترد کرتے ہوئے وزیر اعلیٰ نے ‘ایکس’ (سابقہ ٹوئٹر) پر لکھا”مجھے آپ کو مایوس کرنے پر افسوس ہے، لیکن یہ فیصلہ ‘آخری لمحے’ میں نہیں بدلا گیا۔ میرا ارادہ ہمیشہ سے ہی اس اجلاس کو اسی مخصوص مقام پر منعقد کرنے کا تھا اور تمام انتظامات میرے منتخب کردہ مقام پر کئی دن پہلے ہی مکمل کر لیے گئے تھے۔”

تازہ ترین اطلاعات کے مطابق، وزیر اعلیٰ عمر عبداللہ، پارٹی وزراء، اراکینِ اسمبلی اور اراکینِ پارلیمنٹ کا ایک بڑا قافلہ سرینگر کے مشہور تفریحی مقام ‘چشمہ شاہی’ کی طرف جاتا ہوا دیکھا گیا ہے، جہاں اس اہم ترین اجلاس کی کارروائی طے پائی ہے۔

یواین آئی ۔م اع

سری نگر، جموں و کشمیر پولیس کے کاؤنٹر انٹیلی جنس کشمیر (سی آئی کے) ونگ نے بدھ کو دہشت گردی سے متعلق ایک معاملے کی تحقیقات کے سلسلے میں وادی میں کئی مقامات پر تلاشی شروع کی۔

حکام نے بتایا کہ یہ تلاشیاں کولگام، اننت ناگ، سری نگر، بانڈی پورہ، سوپور اور کپواڑہ سمیت کئی اضلاع میں کی گئیں۔
حکام نے بتایا کہ یہ چھاپے دہشت گردی سے متعلق ایک معاملے کی جاری تحقیقات کے حصے کے طور پر مارے گئے جس کی ایجنسی کی طرف سے تفتیش کی جا رہی ہے۔

انہوں نے کہا کہ فی الحال سرچ آپریشن جاری ہے۔ کیس کے حوالے سے تفصیلی معلومات بعد میں شیئر کی جائیں گی۔ انہوں نے مزید کہا کہ چھاپے دہشت گردی سے متعلق ایک معاملے کی جاری تحقیقات کا حصہ تھے جس کی ایجنسی کی طرف سے تحقیقات کی جا رہی ہیں۔

یو این آئی۔ م الف