انقرہ، صدر رجب طیب ایردوان نے اپنے انڈونیشیائی ہم منصب پرابوو سبیانتو سے ٹیلی فون پر بات چیت میں مشرقِ وسطیٰ میں جاری تنازعے کو فوری طور پر ختم کرنے کی درخواست کی۔

جمعرات کو ہونے والی گفتگو کے دورانترک صدر نے کہا کہ ایران کے خلاف حملوں سے شروع ہو کر خلیجی ممالک تک پھیلنے والا تشدد کی لہر اب فوری طور پر ختم ہونی چاہیئے۔

انہوں نے مسجدِ اقصیٰ کو نشانہ بنانے والی اسرائیلیل جارحیت کو “ناقابلِ قبول” قرار دیا اور کہا کہ “مسلم برادریوں کے لیے ضروری ہے کہ وہ اسرائیل کی جانب سے داخلے میں رکاوٹ ڈال کر اسلام قبلہ اول کے مستقبل کو خطرے میں ڈالنے پر خاموش نہ رہیں۔

دونوں صدور نے دوطرفہ تعلقات کے ساتھ ساتھ علاقائی اور عالمی پیش رفت پر بھی گفتگو کی۔

ایران پر حملوں اور بعد ازاں جوابی ضربوں کے بعد پورے مشرقِ وسطیٰ میں کشیدگی بڑھ گئی ہے اور یہ ضربیں خلیجی ممالک تک پھیل چکی ہیں، جس سے ایک وسیع تر علاقائی تنازع کے خدشات پیدا ہو گئے ہیں۔

ترکیہ نے خود کو سفارت کاری کے مضبوط حامی کے طور پر پیش کیا ہے، اور بارہا تمام فریقین سے مزید اشتعال انگیزی سے گریز کرنے کی اپیل کی ہے اور ایسے تنازعات کے علاقائی استحکام اور عالمی سلامتی پر مرتب ہونے والے خطرات کی وارننگ دی ہے۔

انقرہ نے مذہبی اور ثقافتی مقامات کے تحفظ، خاص طور پر مقبوضہ مشرقی یروشلم میں موجود مقدس مقامات کے تحفظ کی اہمیت پر بھی زور دیا ہے۔

مقبوضہ مشرقی یروشلم میں واقع مسجدِ اقصیٰ، جو اسلام کی مقدس ترین جگہوں میں سے ایک ہے اس کی حیثیت مسلم دنیا میں ایک نہایت حساس معاملہ بنی ہوئی ہے۔

یو این آئی۔ ع ا۔

تل ابیب، اسرائیلی وزیراعظم نیتن یاہو نے کہا ہے کہ صدر ٹرمپ کو اسرائیل نے حملوں پر مجبور کیا نہ کر سکتا تھا۔

تل ابیب میں عالمی میڈیا کو بریفنگ میں نیتن یاہو نے کہا کہ ایران جنگ لوگوں کی سوچ سے بھی تیزی سے ختم ہوسکتی ہے۔

ان کا کہنا تھا کہ ایران کی میزائل سازی اور یورینیم افزودگی صلاحیت ختم کر دی۔

انہوں نے کہا کہ ساؤتھ پارس پر حملہ اسرائیل نے کیا، ٹرمپ نے مزید حملوں سے روک دیا ہے۔

اسرائیلی وزیراعظم نے مزید کہا کہ ایرانی قیادت میں دراڑیں نظر آ رہی ہیں۔

یو این آئی۔ ع ا۔

تہران، ایران کے صدر مسعود پزشکیان نے کہا ہے کہ صیہونی حکومت کی نوعیت ریاستی دہشت گردی پر مبنی ہے۔

اپنے بیان میں انہوں نے کہا کہ ایران کے خلاف امریکی جارحیت اور شہید رہنما کے قتل میں جو کچھ ہوا وہ بین الاقوامی تنازعات کے لیے ایک نیا طریقہ ہے جو دنیا کے قانونی نظام کو تباہ کر دے گا۔

صدر پزشکیان نے خبردار کیا کہ اگر عالمی برادری اس بحران کے خلاف مضبوطی سے کھڑی نہ ہوئی تو اس شعلے کی آگ بہت سے لوگوں کو جلا دے گی۔

یو این آئی۔ ع ا۔