نئی دہلی، ہندوستان کی اسٹریٹجک اسٹیبلشمنٹ اس بات سے تیزی سے گھبرا رہی ہے جسے وہ بنگلہ دیش میں انتہا پسند قوتوں کے دوبارہ سر اٹھانے اور اسلام پسند عسکریت پسند تنظیموں کی طرف سے ہندوستان کے خلاف بیان بازی اور مخالفانہ موقف کو تیز کرنے کے طور پر دیکھتی ہے, ماریشس کے سابق قومی سلامتی کے مشیر شانتنو مکھرجی نے یو این آئی کو دیے گئے ایک انٹرویو میں کہا کہ ہندوستان کی مشرقی سرحد کے پار ہونے والی حالیہ پیش رفت سے پتہ چلتا ہے کہ “عسکریت پسندی کے خلاف مشکل سے حاصل کردہ کامیابیوں کا ایک خطرناک طور پرمعکوس جانا”۔

افراد اور سفارتی مشنوں پر ہجوم کے حملوں کے حالیہ واقعات کے بارے میں خیال کیا جاتا ہے کہ ان کی قیادت بنیاد پرست اسلامی تنظیمیں کررہی ہیں اور یہاں اس رجحان کو بغور دیکھا جا رہا ہے۔

مسٹر مکھرجی جوکہ ایک سابق آئی پی ایس افسر انہوں نے پایا کہ بنیاد پرست قیدیوں کو جیل سے رہا کر دیا گیا ہے اور انہیں دوبارہ منظم ہونے کی اجازت دی گئی ہے، جس سے ایسے حالات پیدا ہو جائیں گے جو ایک بار پھر بنگلہ دیش کو بین الاقوامی ‘جہادی’ نیٹ ورکس کے لیے ایک میدان بناسکتے ہیں جیسا کہ 1990 اور 2000 کی دہائی کے اوائل میں موجود تھا۔ مسٹر مکھرجی نے کہا، ‘گزشتہ سال رہا ہونے کے بعد جس طرح سے یہ گروپ دوبارہ منظم ہوئے ہیں وہ انتہائی پریشان کن ہے۔

1990 کی دہائی کے اواخر میں بنگلہ دیش کو دہشت گردی کے ایک غیر متوقع مرکز کے طور پر سامنے آیا تھا جب 6 مارچ 1999 کو جیسور میں سیکولر گروپ اُدیچی کے زیر اہتمام ایک ثقافتی پروگرام میں بم دھماکہ ہوا تھا، جس میں 10 افراد ہلاک اور 100 سے زیادہ زخمی ہوئے تھے۔ حملے نے عسکریت پسندانہ تشدد کے ایک پریشان کن دور کا آغاز کیا۔

یہ خطرہ 2000 کی دہائی کے اوائل میں مزید شدت اختیار کرگیا اور یہ 21 اگست 2004 کو ڈھاکہ میں عوامی لیگ کی ریلی پر دستی بم پر منتج ہوا جس میں 24 افراد ہلاک ہوگئے تھے۔

ایک دہائی سے زائد عرصے بعد، 2016 میں ڈھاکہ میں ہولی آرٹیسن بیکری پر حملہ جس میں بڑی تعداد میں غیر ملکیوں سمیت 22 افراد ہلاک ہوئے، نے ایک بار پھر ملک میں انتہا پسند عناصر کی جانب سے مسلسل خطرے کی طرف توجہ دلائی۔

اس بار بھی سیکولر ثقافتی اداروں جیسے اُڈیچی اور چایانوٹ ہجوم نے پرتشدد حملے کئے ۔ عینی شاہدین کا دعویٰ ہے کہ بدقسمتی سے گزشتہ سالوں کے برعکس، پولیس اور سیکورٹی فورسز زیادہ تر خاموش تماشائی بنے ہوئی ہیں۔

مکھرجی جو اسٹریٹجک امور کے ماہر ہیں نے کہا۔ “اس سے نہ صرف بنگلہ دیش کے اندر تشدد بلکہ ہندوستان کے لیے سرحد پار سے نئے خطرات کا اندیشہ بڑھتا ہے،”۔

بنگلہ دیش سے منسلک سرحد پار دہشت گردی کے بارے میں ہندوستان کے خدشات کئی دہائی پرانے ہیں، جو عسکریت پسندوں کے نیٹ ورک اور علاقائی سیاست کو تبدیل کرنے کے بجائے کھلی جنگ سے کم ہے۔

1990 اور 2000 کی دہائی کے اوائل کے دوران، ہندوستان کے شمال مشرق میں سرگرم کئی باغی گروپ، بشمول یونائیٹڈ لبریشن فرنٹ آف آسام (الفا) کے دھڑے، بنگلہ دیش کے اندر کیمپوں اور لاجسٹک اڈوں کو برقرار رکھنے کے لیے جانے جاتے تھے۔

ہندوستانی تجزیوں میں عسکریت پسند اسلامی تنظیمیں بھی شامل ہیں۔ حرکت الجہاد الاسلامی (ہوجی) اور انصارالبنگلہ جیسے گروپس جن کی جڑیں بنگلہ دیش میں ہیں، کو ہندوستانی تفتیش کاروں نے بم دھماکوں اور 2000 کی دہائی میں کولکتہ اور وارانسی سمیت شہروں کو نشانہ بنانے کی سازشوں سے جوڑا تھا۔ سیکورٹی ماہرین کا خیال ہے کہ اس وقت بنگلہ دیش میں سیاسی سرپرستی نے ایسے نیٹ ورکس کو نسبتاً آزادی کے ساتھ کام کرنے کی اجازت دی تھی اور “ایسا دوبارہ ہو سکتا ہے”۔

ہندوستانی حکام خاص طور پر اس اندیشہ کے بارے میں فکر مند ہیں کہ بنگلہ دیشی عسکریت پسند گروپ پاکستان اور مغربی ایشیا میں شدت پسند تنظیموں کے ساتھ دوبارہ روابط قائم کرسکتے ہیں۔

مکھرجی نے پہلے ادوار کی طرف اشارہ کیا جب بنگلہ دیش میں تربیت یافتہ عسکریت پسندوں نے بعد میں “افغانستان، شام اور عراق جیسے تنازعات والے علاقوں میں سر اٹھایا”۔

انہوں نے خبردار کیا، اسی طرح کا نمونہ، “موجودہ عدم استحکام کے دوران ایک بار پھر ابھر سکتا ہے”۔ نئی دہلی میں سیکورٹی تجزیہ کاروں کا کہنا ہے کہ خوف صرف دور دراز کے میدان جنگ تک ہی محدود نہیں ہے۔ ہندوستان کے اندر، یا بنگلہ دیش میں ہندوستانی مفادات کے خلاف حملوں کا اندیشہ حالیہ مہینوں میں، خاص طور پر ہندوستانی سفارتی مشنوں اور تنصیبات پر حملوں کے سلسلے کے بعد، زیادہ قوی ہوگیا ہے۔

مکھرجی نے کہا کہ ان واقعات نے سیکورٹی ماحول کی نزاکت کو مزید واضح کردیا ہے۔ اس کے علاوہ انہوں نے یہ دلیل دی کہ ہندوستان کو مدافعتی انداز میں پیچھے ہٹنے سے گریز کرنا چاہیے حالانکہ سرحدی انتظام کو مستحکم کرنے اور سرحد پار سے ممکنہ نقل و حرکت پر نظر رکھنے کے لیے اقدامات کرنے ہوں گے۔

انہوں نے واضح کیا کہ ہندوستانیوں اور بنگلہ دیشیوں کے درمیان عوام سے عوام کے تعلقات کو وسعت دیتے ہوئے جن کی تاریخیں اور معاشرے گہرے طور پر جڑ ہوئے ہیں اور بنیاد پرست نظریات سے مقابلہ کرنے اور دونوں پڑوسیوں کے درمیان وسیع تر تعلقات کو برقرار رکھنے کے لیے جن کے باہمی تبادلے بیحد ضروری ہیں۔

مکھرجی نے کہا “شدت پسندی کے یکسر خاتمے کے لئے باہمی اشتراک ضروری ہے، “تاہم، تعلقات کا فروغ ملک کی سیکورٹی کی قیمت پر نہیں ہوسکتی ہے۔ ہندوستانی اہلکاروں اور اداروں کی سیکورٹی پر بات چیت ہونی چاہئے۔”

نئی دہلی کے لیے، بنگلہ دیش کی سیاسی اور سماجی پیش رفت بہت اہمیت کی حامل رہی ہیں کیونکہ یہ ہندوستان کی سرحدی سلامتی، علاقائی استحکام اور جنوبی ایشیا میں اثر و رسوخ کے توازن سے متعلق ہیں۔

جیسے کہ انتہاپسند نیٹ ورکس بحالی کے اثرات دکھا رہے ہیں اس لئے حکام کا کہنا ہے کہ چیلنج سماجی اور سفارتی تعلقات کو ختم کیے بغیر خطرے پر قابو پانا ہو گا جو تاریخی طور پر تعلقات کو مزید مستحکم کرنے میں مددگار ثابت ہوسکیں۔ جینت رائے چودھری

یو این آئی۔ ع ا۔