تہران، ایرانی پاسدارانِ انقلاب کا اپنے بیان میں کہنا ہے کہ وہ ہرمز کے پانیوں کو سلامتی اور خوشحالی کا ذریعہ بنائیں گے۔

بین الاقوامی خبر رساں ادارے کی رپورٹ کے مطابق ایرانی پاسدارانِ انقلاب کی جانب سے جاری ایک بیان میں کہا گیا ہے کہ ایران بحیرہ عرب اور آبنائے ہرمز میں ایران کے ساحل کے قریب پانیوں پر نئے اصول نافذ کرے گا۔

رپورٹس کے مطابق بیان میں کہا گیا ہے کہ پاسدارانِ انقلاب اریبین گلف اور آبنائے ہرمز میں ایران کی ساحلی پٹی کے تقریباً 2,000 کلومیٹر (1,243 میل) پر کنٹرول رکھے گی اور اس پانی کو ایران کے پیارے لوگوں کے لیے فخر اور طاقت اور خطے کے لیے سلامتی اور خوشحالی کا ذریعہ بنایا جائے گا۔

دوسری جانب ٹرمپ کا کہنا ہے کہ ایران کی جانب سے پیش کردہ تجاویز سے متفق نہیں ہوں اب جنگ یا سفارتی حل میں سے ایک کا فیصلہ کرنا ہوگا جبکہ ایرانی وزیر خارجہ عباس عراقچی نے کہا ہے کہ ایران سفارتکاری کا راستہ کھلا رکھنے کے لیے تیار ہے تاہم امریکا کو دھمکی آمیز لہجہ تبدیل کرنا ہوگا۔

یو این آٓئی۔ ع ا۔

تہران، ایران کے سپریم لیڈر مجتبیٰ خامنہ ای نے یوم مزدور پر پیغام دیتے ہوئے کہا ہے کہ دشمن پر فوجی میدان میں برتری ثابت کرنے کے بعد اب ہمیں معاشی میدان میں بھی اسے شکست دینی ہے۔

مجتبٰی خامنہ ای نے کہا کہ ایران نے دشمنوں کے ساتھ فوجی معرکے میں اپنی ترقی اور برتری کو دنیا پر ثابت کر دیا ہے اور اب دشمنوں کو معاشی و ثقافتی جہاد کے میدان میں بھی مایوس اور شکست دینی ہوگی۔ سپریم لیڈر نے کہا ایرانی عوام مقامی طور پر تیار اشیا کے استعمال کو ترجیح دیں اور کاروباری افراد اپنا نقصان ہونے پر کسی کو ملازمت سے نکالنے سے گریز کریں۔

قبل ازیں، ایران کے نئے سپریم لیڈر مجتبیٰ خامنہ ای نے جمعرات کو جاری کیے گئے ایک تحریری پیغام میں کہا تھا کہ خلیج اور آبنائے ہرمز کے لیے ایک نیا باب اس وقت سے تشکیل پا رہا ہے جب 28 فروری کو ایران کی امریکہ اور اسرائیل کے ساتھ جنگ شروع ہوئی۔ انھوں نے کہا کہ تہران خلیجی خطے کو محفوظ بنائے گا اور آبی گزرگاہ میں دشمن کی زیادتیوں کا خاتمہ کرے گا۔

سپریم لیڈر نے کہا کہ آبنائے ہرمز کے نئے انتظام سے تمام خلیجی ممالک کے لیے سکون، ترقی اور معاشی فوائد آئیں گے۔ آج خطے میں دنیا کے غنڈہ عناصر کی جانب سے سب سے بڑی فوجی تعیناتی اور جارحیت کے دو ماہ بعد، اور امریکا کی اپنے منصوبوں میں شرمناک ناکامی کے بعد، خلیج فارس اور آبنائے ہرمز کے لیے ایک نیا باب کھل رہا ہے۔

یو این آئی۔ ع ا۔

فلوریڈا، امریکی صدر ڈونلڈ ٹرمپ نے کہا ہے کہ ’’ہم جنگ میں ہیں کیوں کہ، میرا خیال ہے آپ بھی اس سے اتفاق کریں گے، کہ ہم پاگلوں کو جوہری ہتھیار رکھنے کی اجازت نہیں دے سکتے۔‘‘

ڈونلڈ ٹرمپ فلوریڈا میں ایک تقریب سے خطاب کر رہے تھے، جب انھوں نے کہا کہ امریکہ جنگ کی حالت میں اس لیے ہے کہ کسی پاگل کو ایٹمی ہتھیار بنانے سے روک سکے، تو اس پر ہزاروں لوگوں نے تالیاں بجانا شروع کر دیں اور امریکہ امریکہ کے نعرے لگانے لگے، یہ منظر دیکھ کر ٹرمپ بھی بہت خوش ہوئے۔ امریکی صدر نے کہا ایران کے پاس کسی صورت ایٹمی ہتھیار نہیں ہونا چاہیے، ایران کے پاس ایٹمی ہتھیار ہوتے تو اسرائیل، مشرق وسطیٰ اور یورپ کے ٹکڑے ہو جاتے۔

انھوں نے کہا ایرانی رجیم نے ہفتوں میں 42 ہزار حکومت مخالف مظاہرین کو قتل کیا تھا، آج ایران کے پاس نہ لیڈر ہیں نہ ایئر فورس ہے اور نہ ہی نیوی۔ انھوں نے مزید کہا کہ جنگ جلدی میں ختم نہیں کریں گے، جنگ ختم کریں اور ایرانی رجیم دوبارہ کھڑی ہو جائے ایسا نہیں ہونے دیں گے۔

مشرق وسطیٰ کے اتحادیوں کو 8.6 ارب ڈالر کے ہتھیاروں کی فروخت کے لیے کانگریس نظر انداز ٹرمپ کا کہنا تھا کہ ایرانی قیادت ماری گئی ہے اور اب مسئلہ یہ ہے کہ بات کس سے کریں، ایرانی بندرگاہوں کی کامیابی سے ناکہ بندی جاری ہے، امریکی فوج ایرانی تیل کے ٹینکرز کو واپس بھیج رہی ہے، ایرانی جہاز پر جب حملہ کرکے قبضہ کیا، تو ایسا لگا تھا جیسے ہم بحری قزاق ہوں۔

انھوں نے کہا ایران نے دنیا کے لیے آبنائے ہرمز بند کی ہم نے ہرمز ایران کے لیے ہی بند کر دی، اس نے گزشتہ 47 سال سے مشرق وسطیٰ کو یرغمال بنا رکھا تھا، آبنائے میں 400 جہاز کھڑے ہیں باہر آئے تو تیل کی قیمتیں کم ہو جائیں گی۔

یو این آئی۔ ع ا۔