بھارتی حکمرانوں اور فورسز نے کشمیر میں کھلی جنگ چھیڑ رکھی ہے: صحرائی

Published

8 years ago

November 11, 2018

خبراردو:
تحریک حریت چیرمین محمد اشرف صحرائی نے وادی کے طول وعرض میں فورسز کے ظلم وجبر میں بے پناہ اضافہ ہونے پر اپنی گہری تشویش کا اظہار کرتے ہوئے کہا کہ بھارت کے حکمرانوں اور فورسز نے جموں کشمیر کے عوام کے خلاف ایک کھلی جنگ چھیڑ رکھی ہے۔ انہوں نے کہا کہ وارہ پاؤ آلسٹینگ میں فوج اور پولیس نے عوام کی زندگی اجیرن بنادی ہے۔ جوانوں اور بزرگوں کو کیمپوں اور انٹروگیشن سینٹروں میں بلاکر ذہنی ٹارچر کرنے کے ساتھ ساتھ دھمکیاں دی جاتی ہیں۔ انہوں نے کہا اس ظلم وجبر، تشدد اور مار دھاڑ کے خلاف عوامی احتجاج برحق ہے، لیکن ستم ظریفی یہ ہے کہ مظلوم قوم کو اپنی مظلومیت پر آہ وفغان کرنے کی بھی اجازت نہیں دی جاتی ہے، بلکہ عوامی احتجاج کو دبا کر عوام کے دلوں میں خوف ودہشت کا ماحول پیدا کیا جاتا ہے۔

انہوں نے کہا کہ تاریخ اس بات کی گواہ ہے کہ جب ظلم وجبر حد سے بڑھ جاتا ہے تو ظالم اور ظلم کا زوال شروع ہوتا ہے اور ظلم کی مدّت ختم ہوکر مظلوم کو انصاف ملتا ہے۔ صحرائی نے کہا کہ جموں کشمیر کی سرزمین ظلم وجبر کی آماجگاہ بنی ہوئی ہے۔ ہر سو جبر ہی جبر ہے۔ ہزاروں مزارِ شہداء، ہزاروں زخمی، اربوں روپئے کی جائیداد کی خاکستری، ہزاروں جوانوں، بزرگوں اور بیماروں کو جیلوں میں بند کرنے، ٹارچر اور دیگر مظالم اس بات کے گواہ ہیں کہ جموں کشمیر کے عوام کن کن مصائب سے دوچار ہیں۔ صحرائی نے کہا پورے جموں کشمیر کی صورتحال بالعموم یہی ہے، لیکن جنوبی کشمیر پلوامہ، شوپیان، کولگام، اسلام آباد، ترال، بڈگام، چاڈورہ اور حاجن بانڈی پورہ خصوصی طور فورسز کی بربریت کے شکار ہیں۔

انہوں نے عوام پر ظلم وجبر اور تشدد کے سلسلے کو روکنے پر زور دیتے ہوئے کہا کہ بھارت کو جموں کشمیر کے متنازعہ مسئلے کو حل کرنے کے لیے دھونس دباؤ اور طاقت کے استعمال کے بجائے حقیقت پسندی کا مظاہرہ کرتے ہوئے منصفانہ طریقہ اختیار کرنا چاہیے، تاکہ برصغیر کا یہ سلگتا ہوا مسئلہ حل ہوکر انسانیت کو امن وسکون کا ماحول فراہم ہو۔ صحرائی نے طلباکو ہراساں کرنے اور بے بنیاد مقدمات میں پھنسانے کی بھی مذمت کرتے ہوئے کہا کہ ریاست اور ریاست سے باہر یونیورسٹیوں اور کالجوں میں زیرِ تعلیم طلباء کا تعلیمی مستقبل مخدوش بنایا جارہا ہے۔ اس پورے تناظر میں مظلوم قوم کا یہ جائز حق ہے کہ وہ ظلم وزیادتی کے مقابلے میں اپنے مال وجان کی بھرپور صلاحیتوں کے استعمال سے اپنا دفاع کرے اور اپنے غصب کردہ حقوق کی بازیابی کا فریضہ انجام دے۔انہوں نے سینٹرل یونیورسٹی میں زیرِ تعلیم طلباء کی گرفتاری کی مذمت کرتے ہوئے ان کی رہائی پر زور دیا۔

دنیا

جاپان میں طاقتور زلزلے سے ہلاکتوں کی تعداد 13 ہوئی: وزیراعظم

Published

1 minute ago

July 29, 2026

Online Desk

ٹوکیو، جاپان کے جزیرے کیوشو کے صوبہ کوماموتو میں آنے والے طاقتور زلزلے کے نتیجے میں ہلاک ہونے والوں کی تعداد بڑھ کر 13 ہو گئی ہے۔ جاپان کی وزیر اعظم سَنائے تاکائیچی نے بدھ کے روز یہ اطلاع دی۔

وزیر اعظم نے ایک پریس کانفرنس میں کہا، “مقامی وقت کے مطابق صبح ساڑھے آٹھ بجے تک ہلاکتوں کی تعداد 13 ہو چکی ہے۔”

انہوں نے کہا کہ حکومت پھنسے ہوئے افراد کو جلد از جلد بچانے کے لیے تمام ضروری اقدامات کر رہی ہے۔

سَنائے تاکائیچی نے ٹوکیو میں اپنے دفتر میں صحافیوں سے گفتگو کرتے ہوئے کہا، “اب بھی کئی لوگ امداد کے منتظر ہیں اور وقت بہت قیمتی ہے۔ ہم زیادہ سے زیادہ افراد کو تلاش کرنے اور محفوظ نکالنے کے لیے اپنی پوری کوشش کریں گے۔”

منگل کے روز جاپان کے جنوب مغربی حصے میں واقع جزیرۂ کیوشو میں 7.1 شدت کا طاقتور زلزلہ آیا، جس کے بعد 6.1 شدت کا ایک اور جھٹکا محسوس کیا گیا۔ اس کے بعد آریاکے خلیج اور یاتسوشیرو خلیج کے ساحلی علاقوں کے لیے سونامی کا انتباہ جاری کر دیا گیا۔

جاپانی ذرائع ابلاغ کے مطابق زلزلے کے بعد تقریباً دو لاکھ افراد کو محفوظ مقامات پر منتقل ہونے کی ہدایت دی گئی ہے۔

فوجی ٹی وی کی رپورٹ کے مطابق صوبہ ناگاساکی میں 39 ہزار 200 جبکہ صوبہ کوماموتو میں ایک لاکھ 57 ہزار 700 افراد کو انخلا کا حکم دیا گیا ہے۔ رپورٹ میں یہ بھی بتایا گیا ہے کہ متاثرہ علاقوں کے تقریباً 47 ہزار گھروں کی بجلی منقطع ہو گئی ہے۔

یو این آئی۔ ایم جے

جموں و کشمیر

جموں کے بیس کیمپ سے دو ہزار سے زائد امرناتھ یاتری روانہ

Published

3 minutes ago

July 29, 2026

Online Desk

جموں، شدید بارش کے باوجود بدھ کے روز دو ہزار سے زائد شری امرناتھ یاتری جموں کے بھگوتی نگر بیس کیمپ سے جنوبی کشمیر کے ہمالیائی سلسلے میں واقع مقدس غار کی جانب روانہ ہوئے۔

سرکاری حکام کے مطابق 2,051 یاتریوں کا قافلہ سخت حفاظتی انتظامات کے درمیان 82 گاڑیوں میں بالتل بنیادی کیمپ کے لیے روانہ ہوا۔حکام نے بتایا کہ آج پہلگام راستے کے لیے کسی بھی یاتری قافلے کو روانہ نہیں کیا گیا۔

سالانہ امرناتھ یاترا 28 اگست کو رکشا بندھن کے تہوار کے موقع پر اختتام پذیر ہوگی۔اب تک چار لاکھ سے زائد عقیدت مند مقدس غار میں درشن دے کر مذہبی رسومات ادا کر چکے ہیں۔

19 جولائی کو جموں و کشمیر کے لیے جاری کیے گئے موسمی انتباہ، خصوصاً مقدس غار تک جانے والے پہلگام اور بالتل کے دونوں راستوں کے پیش نظر، احتیاطی تدبیر کے طور پر یاترا عارضی طور پر معطل کر دی گئی تھی۔ بعد ازاں 25 جولائی کو یاترا دوبارہ شروع کر دی گئی۔

یو این آئی۔ ایم جے

دنیا

نیتن یاہو سے کسی ہدایت یا مشورے کی ضرورت نہیں: ٹرمپ

Published

13 hours ago

July 28, 2026

Online Desk

واشنگٹن، امریکی صدر ڈونلڈ ٹرمپ کا کہنا ہے کہ انہیں اسرائیلی وزیر اعظم نیتن یاہو سے کسی ہدایت یا مشورے کی ضرورت نہیں ہے۔

ڈونلڈ ٹرمپ کا یہ بیان فاکس نیوز کو ٹیلیفون پر دیے گئے حالیہ انٹرویو کے دوران سامنے آیا۔ انٹرویو میں امریکی صدر یہ بھی کہا کہ ایران کے معاملے پر ہمارا مؤقف انتہائی سخت ہے، اس کی توانائی تنصیبات پر حملہ نہیں کرنا چاہتا۔

انہوں نے کہا کہ اب ایران کو معاہدوں کی خلاف ورزی نہیں کرنے دیں گے، اگر معاہدہ نہ ہوا تو ایران میں مشن مکمل کریں گے۔

امریکی صدر نے مزید کہا کہ آبنائے ہرمز پر ہمارا مکمل کنٹرول ہے، ایران کی جانب جانے والا ایک بھی جہاز امریکی ناکہ بندی عبور نہیں کر سکتا۔

ڈونلڈ ٹرمپ نے الزام عائد کیا کہ ایران نے معاہدے کی خلاف ورزی کی، معاہدے کی خلاف ورزی پر ایران کی ناکہ بندی دوبارہ نافذ کی۔

مذاکرات کے حوالے سے امریکی صدر نے بتایا کہ مذاکرات صرف جوہری پروگرام پر ہو رہے ہیں، ایران بار بار اپنے مؤقف سے پیچھے ہٹ جاتا ہے۔

یو این آئی۔ ع ا۔