نئی دہلی، 14ویں ہاکی انڈیا سینئر ویمنس نیشنل چمپئن شپ بدھ سے پونے کے پمپری کے میجر دھیان چند ہاکی اسٹیڈیم میں شروع ہوگی۔
کل سے شروع ہونے والی چیمپئن شپ میں شریک 27 ٹیموں کو آٹھ پولز میں تقسیم کیا گیا ہے۔ پول اے میں دفاعی چیمپئن مدھیہ پردیش، بہار اور چھتیس گڑھ ہیں۔ پول بی میں پچھلے سال کے رنرز اپ اور اس سال کے ایڈیشن کے میزبان مہاراشٹر، دہلی اور کیرالہ شامل ہیں۔ پول سی میں جھارکھنڈ، اتر پردیش اور آندھرا پردیش پر مشتمل ہے۔ پول ڈی میں ہریانہ، پڈوچیری اور آسام شامل ہیں۔ پول ای اوڈیشہ، چنڈی گڑھ اور گوا کی ہاکی ایسوسی ایشن پر مشتمل ہے۔ پول ایف پنجاب، ہماچل، راجستھان اور میزورم پر مشتمل ہے۔ کرناٹک پول جی میں منی پور، اتراکھنڈ اور دادرا اور نگر حویلی اور دمن اور دیو ہاکی کے ساتھ ہے۔ پول ایچ میں بنگال، تمل ناڈو، گجرات اور تلنگانہ شامل ہیں۔
یہ چیمپئن شپ اہم ہے۔ یہ ہندوستانی خواتین کی ہاکی ٹیم کے لیے اگلے اہم ممکنہ کھلاڑیوں کو منتخب کرنے کے لیے ایک پلیٹ فارم کے طور پر کام کرے گا۔ اس ٹورنامنٹ میں ہندوستانی کپتان سویتا، سب سے زیادہ کیپڈ کھلاڑی وندنا کٹاریا، مونیکا، نونیت کور، سلیمہ ٹیٹے کے ساتھ ساتھ دیپیکا اور سنگیتا کماری جیسی تجربہ کار کھلاڑی سمیت سینئر ویمنز ٹیم کے بیشتر ارکان حصہ لے رہے ہیں۔ ہر کوئی اپنی اپنی ریاستوں کے لئے مقابلہ کرے گا۔
ہر پول کی ٹاپ ٹیمیں 20 مارچ کو ہونے والے کوارٹر فائنل کھیلیں گی۔ سیمی فائنلز 22 مارچ کو ہوں گے۔ تیسری اور چوتھی پوزیشن کا مقابلہ 23 مارچ کو ہوگا۔ جس کے بعد فائنل اسی شام کھیلا جائے گا۔
چیمپیئن شپ پر تبصرہ کرتے ہوئے ہاکی انڈیا کے صدر ڈاکٹر دلیپ ٹرکی نے کہاکہ “بہت سارے بین الاقوامی کھلاڑیوں کو اپنی اپنی ریاستی ٹیموں کے لیے کھیلتے دیکھنا بہت اچھا ہے۔ اس سے نہ صرف ہاکی کی سطح میں بہتری آئے گی بلکہ اس سے نوجوانوں کو سینئر پروفیشنلز کے ساتھ کھیلنے کا قیمتی تجربہ بھی ملے گا۔ ہاکی انڈیا سینئر ویمنز نیشنل چیمپیئن شپ تمام کھلاڑیوں کے لیے ایک بڑا پلیٹ فارم ہے اور ہم بہت سے ٹیلنٹ کو سامنے لانے کی امید کر سکتے ہیں جو مستقبل میں ہندوستانی خواتین کی ہاکی ٹیم کی ممکنہ نمائندگی کر سکتے ہیں۔
کل افتتاحی میچ مدھیہ پردیش اور چھتیس گڑھ کے درمیان صبح 7 بجے کھیلا جائے گا۔
یواین آئی۔ ظ ا
