دورہ یورپ کے لیے ہندوستانی جونیئر مردوں کی ہاکی ٹیم کا اعلان کیا گیا

نئی دہلی، ہندوستانی جونیئر ہاکی ٹیم، جو 20 سے 29 مئی تک بیلجیئم، ہالینڈ اور جرمنی کا دورہ کرے گی، کا اعلان ہفتہ کو کیا گیا۔

ہندوستانی جونیئر اپنا پہلا میچ بیلجیم کے خلاف 20 مئی کو اینٹورپ میں کھیلیں گے جبکہ ان کا اگلا میچ 22 مئی کو بیلجیئم کے خلاف بریڈا، ہالینڈ میں ہوگا۔ ہندوستانی ٹیم 23 مئی کو بریڈا میں ہالینڈ کی کلب ٹیم بریڈز ہاکی ویرینینگ پشپ سے کھیلے گی اور پھر 28 مئی کو جرمنی میں جرمنی کے خلاف کھیلے گی۔ اس کے بعد وہ 29 مئی کو ٹور کے اپنے آخری میچ میں ایک بار پھر جرمنی سے کھیلنے کے لیے بریڈا واپس لوٹے گی۔

ہندوستانی ٹیم کی قیادت ڈیفنڈر روہت کریں گے جبکہ شردانند تیواری نائب کپتان ہوں گے۔ گول کیپنگ ڈپارٹمنٹ کی سربراہی پرنس دیپ سنگھ اور بکرم جیت سنگھ کریں گے، جبکہ شردانند تیواری، یوگیمبر راوت، انمول ایکا، روہت، منوج یادو اور تلم پریو بارتا کو بطور ڈیفنڈر منتخب کیا گیا ہے۔

انکت پال، روشن کجور، بپن بلوارا روی، مکیش ٹوپو، منمیت سنگھ اور وچن ایچ اے مڈ فیلڈ میں مخالف ٹیم کو جھٹکا دیں گے، جب کہ فارورڈ میں سوربھ آنند کشواہا، ارشدیپ سنگھ، گرجوت سنگھ، محمد، کونن داد، دلراج سنگھ اور گرسیوک سنگھ اہم کردار ادا کریں گے۔

کپتان روہت نے کہا کہ ہم اپنے کیمپ میں سخت محنت کر رہے ہیں اور ایک دوسرے کے گیم پلے کے بارے میں سمجھ پیدا کر چکے ہیں۔ دوسرے ممالک کی ٹیموں کے خلاف اکٹھے کھیلنا حیرت انگیز ہوگا جس سے ہمیں اپنے کھیل کو بہتر بنانے میں مدد ملے گی۔

یواین آئی۔ ظا