زنجیبار، تنزانیہ کے زنجیبار کے پیمبا جزیرے پر سمندری کچھوؤں کا گوشت کھانے سے کم از کم آٹھ بچوں کی موت ہو گئی ہے اور 78 بالغ بیمار ہو گئے ہیں۔ ایک عہدیدار نے جمعہ کو یہ اطلاع دی۔
مکونی کے ضلعی میڈیکل آفیسر حاجی بکری حاجی نے کہا کہ میڈیکل لیبارٹری میں ٹیسٹ کیے گئے نمونوں سے تصدیق ہوئی ہے کہ متاثرین سمندری کچھوے کا گوشت کھانے سے مر گئے۔ مسٹر حاجی نے کہا کہ متاثرین نے منگل کو سمندری کچھوؤں کا گوشت کھایا تھا، لیکن کارروائی کے خوف کی وجہ سے جمعہ تک حکام کو واقعہ کی اطلاع نہیں دی۔
مارچ 2023 میں تنزانیہ کے بحر ہند کے جزیرے مافیا پر سمندری کچھوؤں کا گوشت کھانے سے سات افراد ہلاک ہو گئے جبکہ آٹھ دیگر بیمار ہو گئے۔
تنزانیہ کے مافیا جزیرے پر واقع بوینی گاؤں کے چیئرمین جمعہ خطیبو نے بتایا کہ متاثرین نے ماہی گیروں سے سمندری کچھوے کا گوشت خرید کر کھایا تھا۔ اس نے گوشت کے زہریلے ہونے کا اندیشہ ظاہر کیا تھا۔
یواین آئی۔ ظ ا
