کنشاسا، مشرقی کانگو کے شمالی کیوو صوبے میں بے گھر لوگوں کے تین کیمپوں پر حملوں میں بچوں اور خواتین سمیت کم از کم 12 افراد ہلاک اور 30 سے زائد زخمی ہو گئے۔
اقوام متحدہ نے جمعہ کو یہ اطلاع دی۔ اقوام متحدہ نے ایک بیان میں کہا، “مشرقی صوبے شمالی کیوو کے دارالحکومت گوما کے تین آئی ڈی پی مراکز پر ہونے والے حملوں میں لوشگالہ، گوماکے لیک ورٹ مونگانگ علاقوں میں واقع پناہ گاہوں اور دیگر انسانی ڈھانچے کو بھی نقصان پہنچا ہے۔ اقوام متحدہ نے ان حملوں کو انسانی حقوق اور بین الاقوامی انسانی قانون کی سنگین خلاف ورزی قرار دیتے ہوئے کہا کہ انہیں جنگی جرائم قرار دیا جا سکتا ہے۔
کانگو کی حکومت نے 23 مارچ کی تحریک (ایم23) کے باغیوں پر حملوں کا الزام لگایا، جو ڈیموکریٹک ریپبلک آف کانگو (ڈی آر سی) کی فوج کے ساتھ متصادم ہیں اور انہوں نے شمالی کیوو کے علاقوں پر قبضہ کر لیا ہے۔
ڈی آر سی میں اقوام متحدہ کے پناہ گزینوں کے ادارے (یو این ایچ سی آر) کے نمائندے اینجل ڈیکونگو-اتنگانہ نے کہا’’شمالی کیوو صوبے کی شہری آبادی نے اس خونریز تنازع کے دو سال سے زیادہ عرصے میں انسانی حقوق کی بدترین خلاف ورزیوں کا مشاہدہ کیا ہے‘‘۔
کانگو کے صدرفیلکس شیسیکیدی کے دفتر نے ایک بیان میں کہا کہ صدرفیلکس شیسیکیدی نے اس حملے کے بعد اپنا دورہ منسوخ کرنے اور یوروپ سے وطن واپس آنے کا فیصلہ کیا ہے۔ صدر طویل عرصے سے روانڈا پرایم23 باغیوں کی حمایت کرکے کانگو کو غیر مستحکم کرنے کا الزام لگاتے رہے ہیں۔ امریکی محکمہ خارجہ اور اقوام متحدہ کے ماہرین نے بھی روانڈا پر باغیوں کی حمایت کا الزام لگایا ہے تاہم روانڈا ان دعوؤں کی تردید کرتا ہے۔
صدر فیلکس نے جمعہ کے روز بیلجیئم میں کانگو کے تارکینِ وطن سے کہا کہ “میں ضمانت دیتا ہوں کہ ہم یہ لڑائی جیت جائیں گے، چاہے اس میں کچھ بھی کیوں نہ ہو۔ ڈی آر سی میں اقوام متحدہ کے امن مشن (جسے ایم او این یوایس سی او کہا جاتا ہے) نے تمام فریقوں سے مطالبہ کیا کہ وہ شہریوں کو لاحق خطرات کو کم کرنے اور انسانی ہمدردی کی رسائی کو برقرار رکھنے کے لیے مناسب اقدامات کریں۔ انہوں نے کہا، “میں اقوام متحدہ کے سیکرٹری جنرل کے مشرقی ڈی آر سی میں تمام مسلح گروپوں سے فوری طور پر تمام دشمنیوں کو ختم کرنے، غیر مشروط طور پر ہتھیار ڈالنے، اور تخفیف اسلحہ، کمیونٹی کی بحالی اور استحکام کے پروگرام میں شامل ہونے کے مطالبے کا اعادہ کرتا ہوں۔‘‘
یواین آئی ، م ش
