دنیا بھر میں کورونا وائرس سے 70 لاکھ سے زائد افراد متاثر ، چار لاکھ سے زائد ہلاکتیں

Published

6 years ago

June 8, 2020

امریکہ کی جان ہاپکنز یونیورسٹی کی جانب سے پیر کی صبح پانچ بجے جاری اعداد و شمار کے مطابق دنیا بھر میں اس کی وجہ سے اب تک 402000 افراد ہلاک ہو گئے ہیں اور 7006436 لاکھ سے زائد افراد اس وبا سے متاثر ہوچکے ہیں۔

واشنگٹن۔ عالمی سطح پر کورونا وائرس (کووڈ ۔19) سے متاثرہ افراد کی تعداد 70 لاکھ سے تجاوز کرگئی ہے۔ امریکہ کی جان ہاپکنز یونیورسٹی کی جانب سے پیر کی صبح پانچ بجے جاری اعداد و شمار کے مطابق دنیا بھر میں اس کی وجہ سے اب تک 402000 افراد ہلاک ہو گئے ہیں اور 7006436 لاکھ سے زائد افراد اس وبا سے متاثر ہوچکے ہیں۔ وہیں 3140716 افراد اس وبا سے صحت یا ب ہوئے ہیں۔ امریکہ اس وبا سے سب سے زائد متاثر ہوا ہے۔ یہاں اب تک 1940468 افراد متاثر ہوئے ہیں اور 110503 افراد لقمہ اجل بن چکے ہیں۔

دنیا میں سپر پاور سمجھے جانے والے امریکہ میں کورونا وائرس کی وجہ سے اب تک 19،42،978 افراد متاثر ہوئے ہیں اور 1،10،513 افراد ہلاک ہوچکے ہیں۔ برازیل میں اب تک 6،91،758 افراد اس وبا کا شکار ہوچکے ہیں اور 36،455 افراد لقمہ اجل بن چکے ہیں۔ روس میں بھی کورونا وائرس کووڈ 19 پھیلتا جارہا ہے اور اب تک 4،67،073 افراد متاثر ہوئے ہیں اور5851 افراد کی اس وبا سے موت ہوچکی ہے ۔ برطانیہ میں بھی حالات خراب ہوتے جارہے ہیں۔ اب تک 2،87،621 افراد اس وبا سے متاثر ہوچکے ہیں اور 40،625 افراد لقمہ اجل بن چکے ہیں۔

اس وبا نے یورپی ملک اٹلی میں شدید تباہی مچائی ہے۔ اب تک اس کی وجہ سے 33،899 افراد لقمہ اجل بن چکے ہیں اور 2،34،998 افراد اس میں مبتلا ہو چکے ہیں۔ اسپین میں اب تک 2،41،550 افراد متاثر ہوئے ہیں جبکہ 27،136 افراد لقمہ اجل بن چکے ہیں۔ کورونا وائرس کے مرکز چین میں اب تک 84،191 افراد متاثر ہو چکے ہیں اور 4638 افراد ہلاک ہوچکے ہیں۔

یوروپی ملک فرانس اور جرمنی میں اس جان لیوا وائرس کی وجہ سے حالات انتہائی خراب ہیں۔ فرانس میں اب تک 1،91،102 افراد کورونا وائرس سے متاثر ہوئے ہیں اور 29،158 افرادکی موت ہوچکی ہے ۔ جرمنی میں 1،85،750 افراد کورونا وائرس سے متاثر ہوئے ہیں اور 8685 افراد لقمہ اجل بن چکے ہیں۔ ترکی میں اب تک 1،70،132 افراد کوروناوائرس سے متاثر ہوئے ہیں اور 4692 افراد کی موت ہوچکی ہے۔

کورونا وائرس سے شدید متاثرخلیجی ملک ایران میں اب تک 1،71،789 افراد اس وائرس سے متاثر ہوچکے ہیں جبکہ 8281 افراد اس وبا سے ہلاک ہوچکے ہیں۔
میکسیکو میں 13،699 افراد ، بلجیم میں 9595 ، کینیڈا میں 7877 ، نیدرلینڈ میں 6032 ، پیرو میں 5465 ، سویڈن میں 4659 ، ایکواڈور میں 3621 ، سوئزرلینڈ میں 1921 ، آئرلینڈ میں 1679 اور پرتگال میں 1479 افراد ہلاک ہوئے ہیں۔ اس کے علاوہ پڑوسی ملک پاکستان میں 98،943 افراد کورونا سے متاثر ہوئے ہیں۔(نیوز 18 اردو)

Up Next

’6 کمانڈروں سمیت22ملی ٹنٹ2ہفتوں میں مارے گئے‘

Don't Miss

سونو سود ٹویٹر صارف سے کیسا وعدہ کرگئے؟

ہندوستان

بنگال اور تمل ناڈو میں دوبارہ پولنگ کی کوئی سفارش نہیں کی گئی:الیکشن کمیشن

Published

2 hours ago

April 25, 2026

Online Desk

نئی دہلی،

الیکشن کمیشن کے حکام نے ہفتے کے روز واضح کیا ہے کہ مغربی بنگال اور تمل ناڈو اسمبلی انتخابات کے لیے 23 اپریل کو ہونے والی پولنگ کے حوالے سے کسی بھی مقام پر دوبارہ ووٹنگ کی سفارش نہیں کی گئی ہے۔

ریاست کی 294 رکنی اسمبلی کے پہلے مرحلے کے تحت 152 نشستوں کے لیے اس ہفتے جمعرات کو ووٹ ڈالے گئے۔ ان نشستوں کے لیے مجموعی طور پر 44,376 پولنگ اسٹیشنز قائم کیے گئے تھے۔ چند مقامات پر اکا دکا واقعات کے علاوہ ووٹنگ کا عمل پرامن رہا۔

تمل ناڈو کی تمام 234 اسمبلی نشستوں پر ایک ہی مرحلے میں انتخابات مکمل کر لیے گئے۔ اس مقصد کے لیے ریاست بھر میں 75,064 پولنگ اسٹیشنز بنائے گئے تھے۔

الیکشن کمیشن کے مطابق، دونوں ریاستوں میں رائے دہندگان کی جانب سے بھرپور جوش و خروش دیکھا گیا اور پولنگ کے نئے ریکارڈ قائم ہوئے ہیں۔ کسی بھی مرکز سے دھاندلی یا سنگین بے ضابطگی کی شکایت موصول نہ ہونے کی وجہ سے دوبارہ پولنگ کی ضرورت محسوس نہیں کی گئی۔

یو این آئی۔ ایم جے

ہندوستان

بی جے پی کے دورِ حکومت میں اب متاثرہ کو ہراساں کرنے کا نیا نظام بن گیا ہے: پرینکا گاندھی

Published

2 hours ago

April 25, 2026

Online Desk

نئی دہلی،

کانگریس کی جنرل سکریٹری پرینکا گاندھی واڈرا نے اتر پردیش میں ایک لڑکی کے قتل سے پہلے اس کی شکایت درج کرنے میں تامل برتنے اور پھر بدمعاشوں کی جانب سے متاثرہ خاندان پر دباؤ ڈالنے کے معاملے پر ریاستی حکومت کو سخت تنقید کا نشانہ بنایا ہے۔ انہوں نے کہا کہ بی جے پی کے دورِ اقتدار میں اب یہ ایک نیا نظام بن گیا ہے۔

سنیچر کو سوشل میڈیا پلیٹ فارم ‘ایکس پر اپنی ایک پوسٹ میں محترمہ واڈرا نے لکھا: “اتر پردیش کے غازی پور میں ایک لڑکی کے قتل کے معاملے میں پہلے ایف آئی آر درج کرنے میں آنا کانی، پھر متاثرہ خاندان کو دھمکیاں ملنا اور بدمعاشوں کے ذریعے لاقانونیت پھیلانا یہ ظاہر کرتا ہے کہ ریاست میں خواتین کے خلاف مظالم انتہا پر ہیں۔”

پرینکا گاندھی نے کہا کہ بی جے پی راج میں اب یہ ایک “غیر اعلانیہ قانون” بن گیا ہے کہ جب بھی کسی خاتون پر ظلم ہوتا ہے تو الٹا متاثرہ شخص کو ہی مزید ہراساں کیا جاتا ہے۔

انہوں نے وزیراعظم نریندر مودی پر خواتین کی حفاظت کے حوالے سے غیر سنجیدہ ہونے کا الزام لگاتے ہوئے کہا کہ خواتین کے بارے میں وزیراعظم کی بڑی بڑی باتیں محض دکھاوا ہیں۔

انہوں نے اناؤ، ہاتھرس، پریاگ راج اور اب غازی پور کا حوالہ دیتے ہوئے کہا کہ جہاں بھی خواتین کے ساتھ ناانصافی ہوئی، بی جے پی اپنی پوری طاقت کے ساتھ ظالم کے حق میں اور مظلوم کے خلاف کھڑی ہو گئی۔

پرینکا گاندھی نے مزید کہا کہ ملک بھر کی خواتین یہ “اندھیر نگری” دیکھ رہی ہیں۔

یو این آئی۔ ایم جے

دنیا

صدر ٹرمپ برطانیہ کے کنگ چارلس سوم کے ساتھ ایران اور ناٹو کے امور پر تبادلہ خیال کریں گے

Published

2 hours ago

April 25, 2026

Online Desk

واشنگٹن،

امریکی صدر ڈونلڈ ٹرمپ نے اعلان کیا ہے کہ وہ برطانیہ کے شاہ چارلس سوم کے دورہ امریکہ کے دوران ان کے ساتھ شمالی اوقیانوسی معاہدے کی تنظیم (ناٹو) اور ایران کے خلاف امریکی مہم سے متعلق اہم معاملات پر بات چیت کریں گے۔

صدر ٹرمپ نے ایک نیوز ایجنسی کو فون پر انٹرویو دیتے ہوئے کہا، “میں ہر موضوع پر بات کروں گا۔ کنگ چارلس میرے دوست ہیں اور ایک بہترین انسان ہیں۔” رپورٹ کے مطابق، بات چیت کے ایجنڈے میں برطانیہ کا ‘ڈیجیٹل سروس ٹیکس’ بھی شامل ہوگا۔

بکنگھم پیلس نے 31 مارچ کو شاہ چارلس سوم اور ملکہ کیمیلا کے دورہ امریکہ کا اعلان کیا تھا۔ صدر ٹرمپ کے مطابق، شاہی جوڑا 27 سے 30 اپریل تک امریکہ کے سرکاری دورے پر رہے گا۔

پیر سے شروع ہونے والا یہ چار روزہ دورہ برطانیہ سے امریکہ کی آزادی کی 250 ویں سالگرہ کے موقع پر منعقد کیا جارہا ہے۔

یہ دورہ عالمی سیاست اور خاص طور پر مشرقِ وسطیٰ کی موجودہ کشیدہ صورتحال کے تناظر میں انتہائی اہمیت کا حامل قرار دیا جا رہا ہے۔

اسپوتنک/یو این آئی