تہران، ایران کے سرکاری ٹی وی رپورٹ کے مطابق نئے سپریم لیڈر مجتبیٰ خامنہ ای اپنے والد اور ایران کے سابق رہبرِ اعلیٰ علی خامنہ ای کے جنازے سے مسلسل دوسرے دن بھی غائب رہے، حالاں کہ ملک کی اعلیٰ سیاسی و عسکری قیادت تقریب میں شریک تھی۔

سابق ایرانی سپریم لیڈر علی خامنہ ای کی آخری رسومات کے دوران سب سے بڑا سوال یہ رہا کہ ان کے مبینہ جانشین اور بیٹے مجتبیٰ خامنہ ای مسلسل دوسرے دن بھی جنازے میں نظر نہیں آئے، حالاں کہ ملک کی تقریباً تمام اعلیٰ سیاسی و عسکری شخصیات وہاں موجود تھیں۔ ان کی غیر موجودگی نے ان کی صحت، سیکیورٹی اور قیادت کے مستقبل کے حوالے سے نئی قیاس آرائیوں کو جنم دیا ہے۔

علی خامنہ ای کے تینوں بیٹوں نے اپنے والد کی نماز جنازہ میں شرکت کی اور سرکاری ٹیلی ویژن نے مصطفیٰ، میثم اور مسعود خامنہ ای سمیت ملک کی اعلیٰ سرکاری شخصیات کے مناظر دکھائے۔ صدرِ جمہوریہ مسعود پزشکیان، پارلیمنٹ کے اسپیکر محمد باقر قاليباف، عدلیہ کے سربراہ غلام حسین محسنی ایجئی اور پاسدارانِ انقلاب کے اعلیٰ کمانڈرز سب وہاں موجود تھے۔

سپریم لیڈر کے قاتل کو سزائے موت کی طرف لے جائیں گے، سربراہ ایرانی عدلیہ العربیہ کے مطابق مجتبیٰ خامنہ ای کو مبینہ طور پر نیا سپریم لیڈر قرار دیا گیا تھا، مگر وہ اب تک عوامی سطح پر سامنے نہیں آئے، نہ کوئی خطاب، نہ ویڈیو اور نہ کوئی تازہ تصویر سامنے آئی، ان کی صحت کے بارے میں مختلف دعوے سامنے آتے رہے ہیں، جن میں معمولی زخمی ہونے سے لے کر شدید چوٹوں اور علاج کی رپورٹس تک شامل ہیں۔

مجتبیٰ خامنہ ای کی قیادت اور حکومت کے آغاز کے باوجود ملک میں یہ سوال شدت اختیار کر گیا ہے کہ اصل میں ایران کا نظام کون چلا رہا ہے، کیوں کہ اقتدار کے اندر شدید اختلافات اور دھڑے بندی بھی سامنے آ رہی ہے، مختلف سیاسی گروہ ایک دوسرے پر الزامات، غداری اور سازش جیسے سنگین دعوے کر رہے ہیں۔

ادھر آئندہ اہم فیصلوں میں عدلیہ، میڈیا، اور سیکیورٹی اداروں کی قیادت سمیت کئی حساس عہدوں پر تقرریاں ہونی ہیں، جنھیں مجتبیٰ خامنہ ای کی سیاسی سمت اور حمایت کا اہم امتحان سمجھا جا رہا ہے۔ علی خامنہ ای کے جنازے اور تدفین کے لیے بڑے پیمانے پر انتظامات کیے گئے ہیں، جن میں لاکھوں افراد کی شرکت کی توقع ظاہر کی جا رہی ہے، جب کہ ان کی تدفین ایران کے مختلف شہروں سے گزرتے ہوئے مشہد میں کی جائے گی۔

العربیہ کے مطابق اتوار کے روز بھی مجتبیٰ خامنہ ای کے سامنے نہ آنے کے حوالے سے بہت سے سوالات اٹھ رہے ہیں۔ کیا ان کے زخم انھیں سامنے آنے سے روک رہے ہیں؟ یا سیکیورٹی خدشات انھیں عوام کی نظروں سے دور رہنے پر مجبور کر رہے ہیں؟ اور ایران کا سب سے اہم شخص اپنا عہدِ حکومت کیسے شروع کر رہا ہے جب کہ ایرانیوں نے انھیں اب تک دیکھا

یو این آئی۔ ع ا۔

تہران، ایرانی عدلیہ کے سربراہ غلام حسین محسنی نے کہا ہے کہ شہید سپریم لیڈر علی خامنہ ای کے قاتل کو سزائے موت کی طرف لے جائیں گے۔

غلام حسین محسنی نے ایک بیان میں کہا کہ ایران سابق سپریم لیڈر کے قتل کے ذمہ داروں کو انصاف کے کٹہرے میں لائے گا، قانون کے تحت ایسے الزامات عائد کیے جائیں گے جو انھیں سزائے موت کی طرف لے جائیں گے۔

سربراہ عدلیہ نے کہا زمین پر فساد پھیلانے، خدا کے خلاف جنگ کرنے والوں کے بارے میں حکم واضح ہے، جنگی جرائم کے ارتکاب اور غیر قانونی طور پر جنگ شروع کرنے والوں کے خلاف کارروائی ہوگی۔

انھوں نے کہا ’’ہم آپ کا مقدمہ انسانی اور الہٰی اصولوں کے ساتھ ساتھ عالمی قانون کے مطابق چلائیں گے، ایک مجرم کا مقدمہ چلایا جانا ضروری ہے، اسے سزا ملنی چاہیے، مجرم کو اپنے جرائم کی قیمت ادا کرنی ہوگی۔‘‘

یو این آئی۔ ع ا۔

مظفر آباد، پاکستانی حکام کی جابرانہ اور وحشیانہ کارروائیوں کے خلاف مظاہرین نے 5 جولائی کو پاکستان کے زیرِ قبضہ کشمیر (پی او کے) میں مکمل ہڑتال کی اپیل کی ہے۔ بڑھتے ہوئے تناؤ کے درمیان، مقامی رہنماؤں نے شہریوں سے انسانی حقوق کی خلاف ورزیوں اور جبر کے خلاف احتجاج میں شامل ہونے کی اپیل کی ہے۔

‘جوائنٹ عوامی ایکشن کمیٹی’ کے رہنما سردار امان خان نے سری نگر، جموں، پونچھ، راجوری اور لداخ کے عوام سے پی او کے کے باشندوں کے ساتھ یکجہتی ظاہر کرنے کی اپیل کی اور دعویٰ کیا کہ انتظامیہ نے مظاہرین پر دباؤ بڑھا دیا ہے۔ انہوں نے اپنے ایک ویڈیو پیغام میں الزام لگایا، “ہم پر مظالم ڈھائے جا رہے ہیں اور ہماری غذائی سپلائی روک دی گئی ہے۔” انہوں نے دعویٰ کیا کہ تحریک کو کچلنے کے لیے جان بوجھ کر راشن کی فراہمی میں رکاوٹیں کھڑی کی جا رہی ہیں۔

یہ اپیل مظفر آباد، راولاکوٹ اور پی او کے کے دیگر حصوں میں جاری مسلسل احتجاج کے درمیان سامنے آئی ہے۔ اس تحریک کی قیادت کرنے والی تنظیم جے اے اے سی اپنے 38 نکاتی مطالبات کے چارٹر پر مہم چلا رہی ہے، جس میں معاشی اصلاحات اور مقامی وسائل کی منصفانہ تقسیم شامل ہے۔

جے اے اے سی کور کمیٹی کے رکن خواجہ مہران نے تمام باشندوں سے سڑکیں، بازار، کاروبار اور عوامی مقامات بند رکھ کر 5 جولائی کو مکمل شٹ ڈاؤن کرنے کی گزارش کی ہے۔ سوشل میڈیا پر وائرل ویڈیو پیغام میں انہوں نے کہا، “5 جولائی کو جموں و کشمیر کی ہر ایک سڑک، دکان، چوراہا اور داخلی راستہ مکمل طور پر بند ہونا چاہیے۔” انہوں نے برمنگھم اور لندن سمیت مختلف شہروں میں مقیم کشمیری تارکینِ وطن سے بھی یکجہتی کے مظاہرے کرنے اور مساجد سے اس ہڑتال کے حق میں اعلانات کرنے کی اپیل کی ہے۔

تحریک کے پیچھے ہٹنے کی افواہوں کو مسترد کرتے ہوئے خواجہ مہران نے واضح کیا، “جب تک ہماری آخری سانس باقی ہے، کوئی سمجھوتہ یا سرنڈر نہیں ہوگا۔ اب صرف مزاحمت، مزاحمت اور صرف مزاحمت ہوگی۔”

یو این آئی۔ م س ؎