کھیل

پونٹنگ نے ویبسٹر کی تعریف کی

Published

11 months ago

June 12, 2025

لندن، آئی سی سی ہال آف فیم رکی پونٹنگ نے آسٹریلیائی آل راؤنڈر بیو ویبسٹر کی تعریف کی ہے جنہوں نے ورلڈ ٹیسٹ چیمپئن شپ کے فائنل میچ کے پہلے دن آسٹریلیا کی پہلی اننگز کو بہتر بنانے میں اہم کردار ادا کیا۔

پونٹنگ نے کہا، “وہ (ویبسٹر) پوری طرح سے تیار نظر آرہے تھے اور ‘تیار’ بالکل وہی لفظ ہے جو ویبسٹر نے اپنے محدود ٹیسٹ کیریئر میں اب تک کرکے دکھایا ہے۔ دباؤ میں ویبسٹر کی اننگز ان کی اہمیت کو ظاہر کرتی ہے۔”

آسٹریلیا کے اس مایہ ناز آل راؤنڈر نے رواں سال کے شروع میں سڈنی میں ہندستان کے خلاف فیصلہ کن ٹیسٹ میں اپنے ٹیسٹ کیریئر کا آغاز کیا تھا جس میں انہوں نے اپنی پہلی اننگز میں 57 رن بنائے تھے۔ وہ اس وقت کریز پر آئے جب ان کی ٹیم کا اسکور چار وکٹ پر 39 رن تھا اور ٹیم ابھی بھی 146 رن پیچھے تھی اور اسے پہلی اننگز میں بڑے خسارے کا سامنا تھا۔ اس اننگز نے آسٹریلیا کو پہلی اننگز میں 181 رن بنانے میں مدد کی، جس سے میزبانوں کو ہندوستانیوں کے خلاف سنسنی خیز جیت حاصل ہوئی۔

ویبسٹر نے لارڈز میں آخری ٹیسٹ کی چمکیلی روشنیوں میں دوبارہ ایسا کیا۔ اپنے صرف چوتھے ٹیسٹ میں31 سالہ کھلاڑی نے ابتدائی مشکلات پر قابو پاتے ہوئے 92 گیندوں پر 72 رن بنائے اور آسٹریلیا کے لیے ٹاپ اسکورر رہے اور اس بات کو یقینی بنایا کہ ان کی ٹیم نے عالمی معیار کی بولنگ کے خلاف ایک مشکل پچ پر مسابقتی 212 رن بنائے۔

رکی پونٹنگ نے آسٹریلیا کی پہلی اننگز کے بعد آئی سی سی ڈیجیٹل سے کہا، “اگر آپ ان 70 رن کو ہٹا دیں تو اسکور کارڈ بالکل مختلف نظر آتا ہے۔ میرے خیال سے اس سے ظاہر ہوتا ہے کہ وہ اس وقت اپنے کھیل میں کتنا آرام دہ ہیں اور وہ آسٹریلیا کے مڈل آرڈر میں ہونے کے باوجود کتنا آرام دہ ہے۔ مجھے آج جو چیز پسند آئی وہ یہ تھی کہ آسٹریلیا تھوڑی مشکل میں تھا، وکٹیں گر رہی تھیں۔ اس طرح کی صورتحال میں انہوں نے اپنا فطری کھیل کھیلا۔ جس طرح سے وہ کھیلنا چاہتے تھے انہوں نے ہونے کی کوشش کی اور جنوبی افریقہ کے گیند بازوں پر دباؤ ڈالنے کی کوشش کی۔

آسٹریلیا کی جانب سے ویبسٹر نے 72 رن بنائے جبکہ اسٹیو اسمتھ نے بھی تین گھنٹے سے بھی کم وقت میں 66 رن بنا کر اہم کردار ادا کیا۔ کیپر ایلکس کیری 23 رن بنائے۔ پروٹیز کی قیادت کاگیسو ربادا نے 5/51 کے ساتھ کی، جس میں ویبسٹر کو آوٹ کرنا بھی شامل تھا۔

یو این آئی م ع۔ 1430

کھیل

بابر اعظم کا ایک اور اعزاز: پی ایس ایل تاریخ میں 500 چوکے لگانے والے پہلے کھلاڑی بن گئے

Published

3 weeks ago

April 10, 2026

Online Desk

لاہور، پاکستان کے اسٹار بیٹر بابر اعظم پاکستان سپر لیگ کی تاریخ میں 500 باؤنڈریز لگانے والے پہلے بیٹر بن گئے ہیں۔

پاکستانی اسٹار بیٹر نے یہ سنگ میل پی ایس ایل میں کراچی کنگز کے خلاف میچ کے دوران عبور کیا۔ 31 سالہ بابر اعظم اب تک 103 پی ایس ایل میچز کی 101 اننگز میں 45.52 کی اوسط اور 128.18 کے سٹرائیک ریٹ سے 3961 رنز سکور کرچکے ہیں جس میں 2 سنچریاں اور 37 نصف سنچریاں شامل ہیں۔

بابر اعظم اب تک پی ایس ایل میں 507 بائونڈریز (439 چوکے اور 68 چھکے) لگا چکے ہیں۔ ان کی بالز فی باؤنڈری کی ریشو 6.09 ہے۔ لاہور قلندرز کے فخر زمان 421 باؤنڈریز (293 چوکے اور 128 چھکے) لگا کر 5.05 کی بالز فی بائونڈری ریشو کے ساتھ دوسرے نمبر پر ہیں۔ محمد رضوان 335 بائونڈریز (262 چوکے اور 73 چھکے) کے ساتھ 6.6 کی بالز فی باؤنڈری ریشو کے ساتھ تیسرے ، رائلی روسوو 324 بائونڈریز (232 چوکے اور 92 چھکے) کے ساتھ اور 4.9 کی بالز فی باؤنڈری ریشو کے ہمراہ چوتھے جب کہ کامران اکمل 302 بائونڈریز (213 چوکے اور 89 چھکے) کے ساتھ اور 4.7 کی بالز فی باؤنڈری ریشو رکھتے ہوئے 5ویں نمبر پر ہیں۔

یو این آئی۔م ا ع

کھیل

سمیر رضوی کی طوفانی بلے بازی سے دہلی کی ممبئی پر شاندار جیت

Published

4 weeks ago

April 4, 2026

Online Desk

نئی دہلی، سمیر رضوی (90) کی شاندار بّلے بازی کی بدولت دہلی کیپیٹلز نے اپنے گھریلو میدان پر ہفتہ کو انڈین پریمیئر لیگ (آئی پی ایل) 2026 کے آٹھویں مقابلے میں ممبئی انڈینز کو چھ وکٹوں سے شکست دے دی۔ یہ ٹورنامنٹ میں دہلی کیپیٹلز کی مسلسل دوسری جیت ہے۔

163 رنوں کے ہدف کا تعاقب کرنے اتری دہلی کیپیٹلز کی شروعات اچھی نہیں رہی اور اس نے محض سات رن کے اسکور پر اپنی دو وکٹیں گنوا دیں۔ پہلا اوور کرنے والے دیپک چاہر کی چوتھی گیند پر کے ایل راہل (1) وکٹ کے پیچھے لپکے گئے۔ اگلے اوور میں جسپریت بمراہ نے نتیش رانا کو بغیر کھاتہ کھولے ہی پویلین بھیج دیا۔ دہلی کیپیٹلز کی تیسری وکٹ 10ویں اوور میں پتھم نسانکا کے طورپر گری، جنہیں مچل سینٹنر نے آؤٹ کیا۔ پتھم نسانکا نے 30 گیندوں میں چھ چوکے اور ایک چھکا اڑاتے ہوئے 44 رن بنائے۔

سنچری کی طرف بڑھ رہے سمیر رضوی کو 17ویں اوور میں کاربن بوش نے آؤٹ کر کے ان کی شاندار اننگز کا خاتمہ کیا۔

سمیر رضوی اور ڈیوڈ ملر کے درمیان چوتھی وکٹ کے لیے 78 رنوں کی میچ جتواؤ شراکت داری ہوئی۔ سمیر رضوی نے 51 گیندوں میں سات چوکے اور سات چھکے اڑاتے ہوئے 90 رنوں کی اننگز کھیلی۔ دہلی کیپیٹلز نے 18.1 اوورز میں چار وکٹوں پر 164 رن بنا کر چھ وکٹوں سے مقابلہ اپنے نام کر لیا۔ ڈیوڈ ملر 18 گیندوں میں 21 رن بنا کر ناٹ آوٹ رہے۔ انہوں نے فاتحانہ چوکا لگایا۔

سمیر رضوی کے 90 رن آئی پی ایل میں ممبئی کے خلاف دہلی کیپیٹلز کے کسی بھی بّلے باز کا تیسرا سب سے بڑا اسکور ہے۔

ان کے ذریعے لگائے گئے سات چھکے بھی ممبئی کے خلاف دہلی کیپیٹلز کے کسی بّلے باز کی جانب سے لگائے گئے مشترکہ طور پر سب سے زیادہ چھکے ہیں۔ ممبئی انڈینز کے لیے دیپک چاہر، کاربن بوش اور مچل سینٹنر نے ایک ایک بّلے باز کو آؤٹ کیا۔

اس سے پہلے، کپتان سوریہ کمار یادو (51) اور روہت شرما (35) کی شاندار بّلے بازی کے دم پر ممبئی انڈینز نے دہلی کیپیٹلز کے خلاف چھ وکٹوں پر 162 رنوں کا اسکور بنایا تھا۔ دہلی کیپیٹلز نے ٹاس جیت کر پہلے گیند بازی کا درست فیصلہ کیا تھا۔

ممبئی کی شروعات اچھی نہیں رہی اور 17 کے اسکور پر رائن ریکلٹن (9) اور تلک ورما (0) آؤٹ ہو گئے۔ اس کے بعد سوریہ کمار یادو اور روہت شرما کے درمیان تیسری وکٹ کے لیے 53 رنوں کی شراکت ہوئی۔ دہلی کے لیے مکیش کمار نے دو وکٹیں حاصل کیں، جبکہ لنگی اینگیڈی، اکشر پٹیل، وپراج نگم اور ٹی نٹراجن نے ایک ایک کھلاڑی کو آؤٹ کیا۔

یواین آئی۔ م س

کھیل

آئی پی ایل 2026 چنئی سپر کنگز نے پنجاب کو دیا 209 رنز کا ہدف

Published

4 weeks ago

April 3, 2026

Online Desk

چنئی، نوجوان بلے باز آیوش مہاترے کی شاندار نصف سنچری اور شیوم دوبے کی جارحانہ بیٹنگ کی بدولت چنئی سپر کنگز (سی ایس کے) نے پنجاب کنگز کے خلاف مقررہ 20 اوورز میں 5 وکٹوں کے نقصان پر 209 رنز کا پہاڑ جیسا مجموعہ کھڑا کر دیا ہے۔

پنجاب کنگز کے کپتان شریئس ائیر نے ٹاس جیت کر پہلے بالنگ کا فیصلہ کیا، جو آغاز میں درست ثابت ہوتا نظر آیا۔ دوسرے ہی اوور میں زیویئر بارٹلیٹ نے اسٹار بلے باز سنجو سیمسن کو محض 7 رنز پر آؤٹ کر کے پنجاب کو پہلی کامیابی دلائی۔: ابتدائی وکٹ گرنے کے بعد آیوش مہاترے اور کپتان رتوراج گائیکواڑ نے محتاط انداز میں اننگز کو آگے بڑھایا اور دوسری وکٹ کے لیے 96 رنز کی قیمتی شراکت قائم کی۔ رتوراج 22 گیندوں پر 28 رنز بنا کر یوزویندر چہل کا شکار بنے۔ 17 سالہ آیوش مہاترے نے جارحانہ رنگ اختیار کرتے ہوئے 43 گیندوں پر 73 رنز بنائے۔ ان کی اننگز میں 5 چھکے اور 6 چوکے شامل تھے۔ انہیں وجے کمار ویشاک نے آؤٹ کیا۔

سرفراز خان نے صرف 12 گیندوں پر 6 چوکوں اور ایک چھکے کی مدد سے 32 رنز کی برق رفتار اننگز کھیلی۔

مڈل آرڈر میں شیوم دوبے نے ناقابلِ شکست 45 رنز (27 گیندیں، 5 چوکے، 1 چھکا) بنا کر ٹیم کو 200 کے پار پہنچانے میں کلیدی کردار ادا کیا۔پنجاب کے بالرز چنئی کے بلے بازوں کو کھل کر کھیلنے سے روکنے میں ناکام رہے۔وجے کمار ویشک سب سے کامیاب بالرز رہے جنہوں نے 2 وکٹیں حاصل کیں۔مارکو یانسن، زیویئر بارٹلیٹ اور یوزویندر چہل نے ایک ایک کھلاڑی کو آؤٹ کیا۔ پنجاب کنگز کو یہ میچ جیتنے کے لیے اب 210 رنز کے بڑے ہدف کا تعاقب کرنا ہوگا۔ چنئی کی اسپن باؤلنگ اور ہوم گراؤنڈ کے حالات کو دیکھتے ہوئے یہ ہدف پنجاب کے لیے ایک بڑا چیلنج ثابت ہو سکتا ہے۔

یواین آئی۔م اع