دنیا
روس نے یوکرین کے کئی بڑے شہروں پر 656 ڈرونز، 73 میزائل داغ دیے، 10 افراد ہلاک
ماسکو، یوکرینی دارالحکومت کیف سمیت دیگر بڑے شہروں پر روسی حملوں میں 10 افراد ہلاک اور تقریباً 100زخمی ہو گئے۔
غیر ملکی میڈیا کے مطابق یوکرینی حکام کا کہنا ہے کہ یوکرین کے چوتھے بڑے شہر دنیپرو پر روسی میزائل اور ڈرون حملوں میں 5 افراد ہلاک جبکہ 25 زخمی ہوئے۔
حکام کا مزید کہنا ہے کہ کیف پر حملوں میں کم از کم 4 افراد ہلاک اور 51 زخمی ہوئے۔ دارالحکومت کیف کے میئر کا کہنا ہے کہ روسی میزائل حملے میں ایک 24 منزلہ عمارت کا حصہ گر گیا جس کے ملبے تلے متعدد افراد کے دبے ہونے کا خدشہ ہے۔ میئر کا مزید کہنا ہے کہ عمارت کے ملبے میں پھنسے افراد کی تلاش کے لیے سرچ آپریشن کا آغاز کر دیا گیا ہے۔
میئر کیف وٹالی کلچکو کا یہ بھی کہنا ہے کہ میزائلوں کے ٹکڑے گرنے سے ایک 9 منزلہ عمارت سمیت متعدد عمارتوں میں آگ بھی لگ گئی ہے جبکہ اوبولون ضلع میں کئی گاڑیاں جل کر تباہ ہو گئیں۔ روسی وزارتِ دفاع کا کہنا ہے حملے میں یوکرینی دفاعی صنعتی اہداف کا نشانہ بنایا گیا، اس حملے میں انتہائی درستگی سے نشانہ بنانے والے ہتھیار استعمال کیے گئے۔
روسی حملےکا مرکزی ہدف دارالحکومت کیف تھا جبکہ مجموعی طور پر روسی میزائل اور ڈرونز نے یوکرین میں 38 مقامات کو نشانہ بنایا۔ یوکرینی فضائیہ کا کہنا ہےگزشتہ رات روس نے یوکرین پر 656 ڈرونز ، 73 میزائل داغے جن میں سے 40 میزائل اور 602 ڈرونز مار گرائے گئے۔ دوسری جانب یوکرین کے دارالحکومت کیف میں مزید دھماکے سنے گئے ہیں۔
یو این آئی۔ ع ا۔
دنیا
آئندہ ایک ہفتے کے دوران ایران کے ساتھ معاہدہ طے پاجائے گا، ڈونلڈ ٹرمپ
واشنگٹن، امریکی صدر ڈونلڈ ٹرمپ نے کہا ہے کہ ان کے خیال میں آئندہ ایک ہفتے کے دوران ایران کے ساتھ معاہدہ طے پاجائے گا۔
امریکی چینل اے بی سی نیوز کو انٹرویو میں انہوں نے کہا کہ معاہدے کے تحت جنگ بندی میں توسیع کی جائے گی اور آبنائے ہرمز کو دوبارہ بحری آمدورفت کے لیے کھول دیا جائے گا۔
اس سے پہلے ڈونلڈ ٹرمپ نے کہا تھا کہ ایران سے امریکہ کے مذاکرات تیزی سے جاری ہیں، انہیں پیغامات میں تعطل کے ایرانی فیصلے سے کوئی مسئلہ نہیں۔
امریکی صدر کا کہنا تھا کہ پیغامات کی معطلی کا مطلب یہ ہرگز نہیں کہ امریکا پھر سے فوجی کارروائیاں شروع کردے ۔
یو این آئی۔ ع ا۔
دنیا
امریکہ کے ساتھ دوبارہ جنگ ناگزیر ہے، ہم تیار ہیں: بریگیڈیئر جنرل اسدی
تہران، ایرانی خاتم الانبیا سینٹرل ہیڈکوارٹرز کے ڈپٹی انسپکٹر بریگیڈیئر جنرل اسدی کا امریکہ اور اسرائیل کے خلاف جاری کشیدگی سے متعلق بڑا بیان سامنے آگیا۔ ایرانی سرکاری ٹی وی کے مطابق سینئر ایرانی اہلکار نے امریکہ کے ساتھ دوبارہ جنگ کو ناگزیر قرار دے دیا ہے۔
بریگیڈیئر جنرل اسدی نے کہا ہے کہ بارہا کہہ چکے ہیں ہم نے ابھی اپنی مکمل صلاحیتیں ظاہر نہیں کیں، ہمارے پاس بہت سے آپشن ہیں جو وقت پڑنے پر استعمال کریں گے۔ ان کا کہنا ہے کہ امریکہ مکمل سرینڈر کا مطالبہ کر رہا ہے تاہم ایرانی قوم کبھی نہیں جھکے گی، سرینڈر کرنا آپشن نہیں ہے، تنازع ناگزیر ہے۔
بریگیڈیئر جنرل اسدی نے کہا ہے کہ ہم جنگ کے لیے تیار ہیں ہمیں اس سے کوئی مسئلہ نہیں، اگر جنگ میں نیٹو بھی شامل ہوتا ہے تو ہمیں پریشانی نہیں ہے۔
دوسری جانب ایران کی پاسدارانِ انقلاب (آئی آر جی سی) کے ترجمان جنرل سردار محبی نے کہا ہے کہ جنگ بندی کے دوران ایران کی عسکری اور آپریشنل صلاحیتوں میں مزید اضافہ ہوا ہے اور مسلح افواج پہلے کے مقابلے میں زیادہ مضبوط اور تیار ہیں۔
یو این آئی۔ ع ا۔
دنیا
ایران کو بھاری قیمت چکانا پڑی، ایرانی حکومت کا زوال ناگزیر ہے: نیتن یاہو
تل ابیب، اسرائیلی وزیراعظم نیتن یاہو نے دعویٰ کیا ہے کہ ایران حالیہ تنازع کے دوران بہت بھاری قیمت ادا کرچکا ہے اور موجودہ ایرانی نظام اپنی سابقہ حالت میں واپس نہیں جا سکے گا۔
سوشل میڈیا پلیٹ فارم ایکس پر جاری اپنے بیان میں نیتن یاہو نے کہا کہ ایران پہلے ہی ایک بہت بھاری قیمت ادا کر چکا ہے، ایران میں دہشت گردی پر مبنی اس نظام کی بنیادیں ہل چکی ہیں۔
انہوں نے مزید کہا کہ یہ حکومت دوبارہ پہلے جیسی نہیں بن سکے گی اور اس کا زوال ناگزیر ہے۔
دوسری جانب ایرانی حکام کا مؤقف ہے کہ حالیہ تنازع کے باوجود ان کی دفاعی اور عسکری صلاحیتوں میں اضافہ ہوا ہے اور ملک کسی بھی ممکنہ خطرے کا مقابلہ کرنے کے لیے مکمل طور پر تیار ہے۔
یو این آئی۔ ع ا۔
جموں و کشمیر1 week agoجنوبی کشمیر میں سراج العلوم مدرسے پر این آئی اے کے چھاپے
دنیا3 days agoایران کا دو ممالک کو آبنائے ہرمز پر خصوصی سہولت دینے کا اعلان
ہندوستان1 week agoسپریم کورٹ میں ایک عرضی دائر کی گئی ہے جس میں ‘کاکروچ جنتا پارٹی’ کی سرگرمیوں کی تحقیقات کا مطالبہ کیا گیا
دنیا4 days agoمعاہدے پر ابھی تک حتمی اتفاق نہیں ہوا: وینس
ہندوستان1 week agoپٹرول اور ڈیزل کی قیمتوں میں اضافے پر کانگریس نے حکومت پر بولاحملہ ، “مہنگائی مین” کا دیا تمغہ
دنیا3 days agoایران معاہدے پر ڈونلڈ ٹرمپ کا حتمی فیصلہ مؤخر: امریکی اخبار کا دعویٰ
دنیا1 week agoجس طرح بھی ممکن ہو آبنائے ہرمز نے کھلنا ہی ہے، امریکی وزیر خارجہ
جموں و کشمیر1 week agoگلمرگ کی مشہور گونڈولا کیبل کار سروس ایک ہفتے کے لیے بند
دنیا3 days agoٹرمپ کا آبنائے ہرمز کی ناکہ بندی ختم کرنے کا اعلان
ہندوستان1 week agoایندھن کی قیمتوں پر کھڑگے کا مودی حکومت پر حملہ، ہر روز ہو رہی ہے عوام کی جیب پر ڈکیتی
دنیا1 week agoمکمل طور پر اسرائیلی انخلاء ایک قومی ترجیح ہے:لبنانی صدر
دنیا4 days agoایرانی صدر نے ایک بار پھر پاکستان کے کردار کو سراہا




































































































