تہران، امریکی حملوں کے بعد ایران نے خطے میں بعض امریکی اڈوں کو نشانہ بنانے کا دعویٰ کیا ہے۔

ایرانی پاسداران انقلاب نے کہا کہ بحرین میں موجود امریکی ففتھ فلیٹ پر ڈرون حملہ کیا، اردن میں امریکی الازرق فوجی اڈے پر میزائل حملہ کیا اور چار اہداف کو نشانہ بنایا۔ ایرانی پاسداران انقلاب کے مطابق اہداف میں ایف 35 ہینگرز اور کمانڈ اینڈ کنٹرول سینٹر شامل ہیں، حملے میں طویل فاصلے تک مار کرنے والے میزائل استعمال کیے گئے۔

امریکی افواج کے رات گئے ایران کے مختلف علاقوں میں فضائی حملے ترجمان کے مطابق کویت میں علی السالم فوجی اڈے پر ڈرونز سے حملے کئے گئے، امریکی حملے جاری رہے تو فیصلہ کن ردعمل دیا جائے گا۔

پاسداران انقلاب کا کہنا ہے کہ یہ کارروائی جنوبی ایران میں امریکی جارحیت کے جواب میں کی گئی۔ امریکی جارحیت برقرار رہی تو مزید سخت جواب دیا جائے گا۔ پاسداران انقلاب نے یہ بھی کہا کہ امریکی حملوں سے سیریک میں ٹیلی کمیونیکیشن ٹاور کو نقصان پہنچا، دو واٹر ٹینک بھی تباہ ہوئے جبکہ بوشہر صوبے میں امریکا کا ڈرون بھی تباہ کردیا گیا ہے۔

اسی طرح بحرین میں خطرے کے سائرن کی آوازیں سنائی دیں جبکہ حکام نے ایرانی حملے پسپا کرنے کا اعلان کیا۔ کویتی فوج نے بھی کہا کہ فضائی اہداف کو تباہ کردیا گیا ہے۔

یو این آئی۔ ع ا۔

نئی دہلی، حکومت نے آندھرا پردیش کے دارالحکومت امراوتی میں مرکزی ملازمین کے لیے رہائشی احاطے کی تعمیر کے لیے 1,235 کروڑ اور مرکزی سرکاری دفتر کے احاطے کی تعمیر کے لیے 1,299 کروڑ روپے کے پروجیکٹ کو منظوری دی ہےمرکزی وزیر اطلاعات و نشریات اشونی ویشنو نے بدھ کو بتایا کہ وزیر اعظم نریندر مودی کی صدارت میں منعقدہ اقتصادی امور کی کابینہ کمیٹی نے آندھرا پردیش کے نئے دارالحکومت امراوتی میں جنرل پول ریزیڈنشیل ایکوموڈیشن (جی پی آر اے) احاطے اور مرکزی سرکاری جنرل پول آفس ایکوموڈیشن (سی جے پی او اے) کی تعمیر کو منظوری دی ہے۔

انہوں نے کہا کہ تقریباً 17 ایکڑ رقبے پر تیار ہونے والے اس رہائشی احاطے میں 11 کثیر منزلہ رہائشی ٹاورز بنائے جائیں گے۔ ان میں ٹائپ-2 سے لے کر ٹائپ-6 زمرے تک کے کل 1,504 رہائشی فلیٹس ہوں گے۔ پروجیکٹ میں تقریباً 1,972 کاروں کے لیے بیسمنٹ پارکنگ کی سہولت بھی تیار کی جائے گی۔ پورے احاطے کا کل تعمیراتی رقبہ 31.30 لاکھ مربع فٹ (2,90,762 مربع میٹر) ہوگا، جس میں 9.10 لاکھ مربع فٹ کا بیسمنٹ ایریا شامل ہے۔ انہوں نے کہا کہ تقریباً 5.53 ایکڑ رقبے پر بننے والے اس دفتر کے احاطے میں دو بلڈنگ بلاکس ہوں گے۔ پہلا بلاک پلاٹ C-9 پر گراؤنڈ پلس 13 منزلہ ہوگا، جبکہ دوسرا بلاک پلاٹ C-8 پر گراؤنڈ پلس 10 منزلہ بنایا جائے گا۔ احاطے میں تقریباً 8,000 افسران اور ملازمین کے لیے دفتری سہولیات دستیاب ہوں گی۔ ساتھ ہی تقریباً 1,800 گاڑیوں کے لیے پارکنگ کا انتظام بھی کیا جائے گا۔ پروجیکٹ کا کل تعمیراتی رقبہ 23.25 لاکھ مربع فٹ (2,16,032 مربع میٹر) ہوگا۔ انہوں نے کہا کہ رہائشی احاطے میں بینک اور اے ٹی ایم، پوسٹ آفس، کریچ، کھانے کی سہولت سمیت کمیونٹی بلڈنگ، فوڈ کورٹ، شاپنگ کمپلیکس، سروس سینٹر اور گیسٹ ہاؤس جیسی جدید سہولیات فراہم کی جائیں گی۔ اس کے علاوہ دیویانگوں (معذور افراد) کی سہولت کو مدنظر رکھتے ہوئے پورے احاطے کو رکاوٹوں سے پاک (بیریئر فری) بنایا جائے گا۔ پروجیکٹ سے بڑے پیمانے پر روزگار پیدا ہونے کی بھی امید ہے۔ تعمیراتی مرحلے کے دوران سالانہ تقریباً 7 لاکھ ہیومن ڈیز روزگار پیدا ہوگا، جبکہ آپریشنل مرحلے میں سالانہ تقریباً 50 ہزار ہیومن ڈیز روزگار کے مواقع پیدا ہونے کا اندازہ ہے۔ مرکزی سرکاری دفتر کے احاطے میں بینک اور اے ٹی ایم، پوسٹ آفس، کریچ، تفریحی کمرہ، خواتین کا کمرہ، 100 نشستوں والا کانفرنس ہال، 500 نشستوں والا کثیر المقاصد ہال اور چار کینٹین جیسی سہولیات بھی فراہم کی جائیں گی۔ دیویانگوں کی سہولت کو مدنظر رکھتے ہوئے احاطے کو پوری طرح رکاوٹوں سے پاک (بیریئر فری) بنایا جائے گا۔

یوین آئی۔ایف اے

تہران، ایرانی وزیر خارجہ عباس عراقچی کا کہنا ہے کہ آبنائے ہرمز بین الاقوامی علاقہ نہیں، ایران اور عمان کا مشترکہ علاقہ ہے۔

عباس عراقچی نے اپنے ایک بیان میں کہا کہ آبنائے ہرمز امریکہ سے ہزاروں میل کے فاصلے پر ہے، بحری حدود بالکل واضح ہیں۔ انہوں نے کہا کہ ہماری مسلح افواج اپنی علاقائی حدود کی خلاف ورزی کے خلاف ہمیشہ چوکس رہتی ہیں، ہمارے علاقے کے نزدیک غیر ملکی افواج مسلسل خطرات کی زد میں ہیں۔

عباس عراقچی کا کہنا تھا کہ یہ خطرات ان کو اپنی انسانی غلطیوں، حادثات یا فائرنگ تبادلے کی وجہ سے ہیں۔ انہوں نے کہا کہ خطرات کم کرنے کا بہترین حل یہ ہے کہ وہ یہاں سے چلے جائیں، ہم سفارتکاری کی زبان کو ترجیح دیتے ہیں لیکن ہم دوسری زبانیں بولنا بھی جانتے ہیں۔

یو این آئی۔ ع ا۔