کانگریس لیڈر راہل گاندھی کے خلاف کرناٹک ہائی کورٹ میں مبینہ طور پر توہین عدالت کی شکایت درج کی گئی ہے۔
مسٹر راہل گاندھی پر عدالتی کارروائی کے ویڈیو کلپس ٹوئٹر پر شیئر کرنے کا الزام ہے، جو قانون کے مطابق ممنوع ہے۔
شکایت کنندہ گریش بھاردواج نے عرض کیا ہے کہ کرناٹک ہائی کورٹ کی ویڈیو کی کارروائی کی اشاعت توہین عدالت ہے اور یہ انڈین کاپی رائٹ ایکٹ 1957 اور انفارمیشن ٹیکنالوجی ایکٹ کی خلاف ورزی ہے۔
انہوں نے کہاکہ “سر، میں آپ کی توجہ کانگریس کے سابق قومی صدر راہل گاندھی کے اس خط کی طرف مبذول کرانا چاہتا ہوں جنہوں نے ایک ویڈیو شیئر کیا ہے۔ اس ویڈیو میں عزت مآب جسٹس ایچ پی سندیش تبصرہ کرتے نظر آ رہے ہیں۔ انہوں نے (مسٹر گاندھی) اپنے آفیشل ٹویٹر اکاؤنٹ پر ویڈیو شیئر کیا۔ محترم، لائیو اسٹریم کو کسی بھی شکل میں دوبارہ پیش، نشر، اپ لوڈ، پوسٹ، ترمیم، شائع یا دوبارہ پیش نہیں کیا جانا چاہیے۔”
واضح ہو کہ مسٹر راہل گاندھی نے 5 جولائی کو ہائی کورٹ کی کارروائی کا ایک حصہ ٹویٹ کیا تھا جس میں جسٹس ایچ پی سندیش انہیں ملنے والی مبینہ دھمکی کے بارے میں کچھ ریمارکس دیتے ہوئے نظر آ رہے ہیں۔ اس کلپ کو مسٹر راہل گاندھی نے سوشل میڈیا پر شیئر کیا تھا۔
یواین آئی
