خبراردو:

گزشتہ برس ماہ جولائی ،اگست میں فوج ،فورسزاورریاستی پولیس نے سرگرم جنگجوؤں کیخلاف مشترکہ طورپراعلانیہ ’آپریشن آل آؤٹ‘چھیڑدیا،اورجنوبی کشمیرمیں تینوں فورسزنے سرگر م جنگجوؤں کے خلاف بڑے پیمانے پرکارروائیاں شروع کردیں ۔سال2017کے دوران فوج ،فورسزاورریاستی پولیس کے اسپیشل آپریشن گروپ نے کشمیرمیں سرگرم جنگجوتنظیموں حز ب المجاہدین ،لشکرطیبہ ،جیش محمداورالبدرمجاہدین کے علاوہ الاانصارغزوۃ الہندکیخلاف بھی بڑی کامیابیاں حاصل کیں ،اورگزشتہ برس الگ الگ کارروائیوں کے دوران جنوبی ،وسطی اورشمالی کشمیرکے مختلف علاقوں میں 207سرگرم جنگجومارے گئے جن میں 15سے زیادہ اعلیٰ جنگجوکمانڈربھی شامل تھے ۔پولیس ذرائع نے بتایاکہ گزشتہ برس کی طرح ہی امسال بھی فوج ،فورسزاورریاستی پولیس نے سرگرم جنگجوؤں کیخلاف مشترکہ طورپراپنی کارروائیاں جاری رکھیں ۔ذرائع نے بتایاکہ گزشتہ برس کے بعدرواں سال بھی فوج ،فورسزاورریاستی پولیس کوجنگجومخالف کارروائیوں کے دوران بڑی کامیابیاں ملیں ۔پولیس ذرائع کے مطابق نومبر 2018میں پوری وادی کشمیر میں کل 48افرادتشددکے مختلف واقعات کے دوران جانیں گنوابیٹھے ، جن میں37جنگجو،7عام شہری4فورسز اہلکار بھی شامل ہیں۔یکم نومبر کو شاہ پورہ ترال میں2 جنگجوجاں بحق ہوئے جبک4نومبرکو شوپیان کے کھڈ پورہ علاقے میں ایک جنگجو اور ایک عام شہری جھڑپ میں مارا گیا ہے۔شوپیان میں ہی7نومبرایک مسلح جھڑپ میں2جنگجوازجان ہوئے جبکہ ترال کے ڈار گنائی گنڈ علاقے میں10نومبرایک سگرم جنگجو،ٹکن پلوامہ11نومبرکو2جنگجو، ربن شوپیان 19نومبر2 جنگجونوجوان ، نادی گام شوپیان میں21نومبرکوہوئے تصادم میں 4جنگجواورشالہ گنڈبجبہاڑہ میں 23نومبرکو ہوئے تصادم میں3کمانڈروں سمیت6جنگجوؤں جاں بحق ہوئے ہیں۔اس دوران یہاں ایک پیرا کمانڈؤ سمیت 2 فورسز اہلکاربھی ہلاک ہوئے ۔ اس دوران کولگام ضلع میں فورسز اور جنگجو کے درمیان گولیوں کے تبادلے میں ایک کم عمر لڑکی گولی لگنے کی وجہ سے زخمی ہوئی جو بعد میں زخموں کی تاب نہ لا کر دم توڑ بیٹھی ۔

اھرضلع شوپیان میں جنگجووں نے3عام شہریوں کو مخبری کرنے کے الزام میں ہلاک کیا ۔مہلوکین میں ایک سابق پولیس اہلکار بھی شامل ہے، اسی طرح جنوبی کشمیرکے اچھہ بل علاقے میں نا معلوم بندوق برداروں نے تحریک حریت کے ضلع صدر اننت ناگ میر حفیظ اللہ کو گولی مار کر جاں بحق کر دیا ۔ہندوارہ اور بڈگام میں ہوئی جھڑپوں میں جاں بحق 3جنگجومارے گئے ۔ادھرشوپیان کے کاپرن علاقے میں اتوار کے روزفورسز کے ساتھ ایک خونین تصادم آرائی میں6جنگجوجاں بحق ہوئے ، جن میں ایک غیر ملکی بھی شامل تھا۔ اس جھڑپ میں ایک مقامی فوج اہلکار کے علاوہ عام شہری بھی جاں بحق ہوا ہے۔ جنوبی قصبہ پانپور کے کھریو علاقے میں ہی اتوار کی شام ہی ایک مختصر تصادم میں ایک پاکستانی جنگجو جاں بحق ہوا جبکہ جھڑ پ کے دوران ایک مقامی جنگجو کو زندہ گرفتار کیا گیا ۔ 27نومبر کو ضلع کولگام میں ایک جھڑپ کے دوران 2جنگجواورایک اہلکارازجان ہوگیا۔ اسی روز ترال میں ایک مسلح تصادم کے دوران الاانصار غزوۃ الہند نامی عسکری تنظیم سے وابستہ جنگجو جاں بحق ہوا۔28نومبر2018کوچھتر گام بڈگام میں تصادم آرائی میں2جنگجوں جاں بحق ہوئے جبکہ قصبہ پانپور سے چند کلو میٹرشار شالی کھریو علاقے میں29نومبر کو 2مقامی جنگجوجاں بحق ہوئے جن میں ایک ضلع کمانڈر بھی شامل تھا۔ادھرقومی سطح کے ایک موقرانگریزی روزنامہ ’ہندوستان ٹائمز‘نے ریاستی پولیس کے سربراہ دلباغ سنگھ کاحوالہ دیتے ہوئے ایک نیوزرپورٹ میں اسبات کاخلاصہ کیاہے کہ رواں برس ماہ نومبرکے اواخرتک جھڑپوں کے دوران کتنے جنگجومارے گئے ۔رپورٹ میں محکمہ داخلہ کے مرتب کردہ اعدادوشمارکاحوالہ دیتے ہوئے انکشاف کیاگیاکہ رواں برس ماہ نومبرکے اواخرتک کل227جنگجوازجان ہوئے جن میں سے 37سرگرم عساکرصرف ماہ نومبرکے دوران جھڑپو ں میں جاں بحق ہوگئے۔

رپورٹ کے مطابق نومبرمیں جو37سرگرم جنگجومارے گئے ،اُن میں مختلف جنگجوگروپوں کے9اعلیٰ کمانڈربشمول نویدجٹ ،سبزاراحمدبٹ ،منان وانی بھی شامل ہیں ۔ڈی جی پی دلباغ سنگھ نے ان اعدادوشمارکی روشنی میں کہاہے کہ رواں برس خونین جھڑپوں کے دوران ماہ نومبرکے اواخرتک جو227مقامی اورغیرملکی سرگرم جنگجومارے گئے ،اُن میں بیشترکاتعلق حزب المجاہدین اورلشکرطیبہ سے تھا۔انہوں نے بتایاکہ رواں برس جنگجوگروپوں کوبڑے پیمانے پرچوٹ پہنچائی گئی کیونکہ سرگرم اورمطلوب ترین جنگجوؤں کیساتھ ساتھ جنگجوگروپوں کے متعدداعلیٰ کمانڈربھی فوج ،فورسزاورریاستی پولیس کی جانب سے مشترکہ طورپرعملائے گئے جنگجومخالف آپریشنوں کے دوران مارے گئے ۔انہوں نے مزیدکہاکہ امسال جنگجوگروپوں کی افرادی قوت کوچوٹ پہنچائی گئی جبکہ ان کی کمان بھی کمزوربنادی گئی ۔پولیس سربراہ کے بقول ماہ نومبرمیں جو37جنگجومارے گئے ،اُن میں حز ب اورلشکرسے وابستہ9اعلیٰ کمانڈربھی شامل ہیں ۔جموں وکشمیرپولیس کے ڈائریکٹرجنرل کاکہناتھاکہ فوج ،فورسزاورریاستی پولیس کی جانب سے بڑھائے گئے دباؤ کی وجہ سے ملی ٹنٹ سرگرمیوں میں کمی آنے کیساتھ ساتھ ملی ٹنسی کاگراف بھی کافی نیچے آیا۔انہوں نے کہاکہ بالخصوص جنوبی کشمیرمیں جنگجوئیانہ سرگرمیوں میں کمی آئی ہے کیونکہ ا ب یہاں نوجوانوں کی جنگجوگروپوں میں شمولیت کارُجحان کم ہواہے جوکہ ایک مثبت اشارہ ہے۔ڈی جی پی دلباغ سنگھ نے مزیدکہاہے کہ رواں برس لشکرطیبہ ،حزب المجاہدین ،جیش محمد،حرکت المجاہدین ،الانصارغزوۃ الہنداورالبدرمجاہدین سے وابستہ15سے زیادہ اعلیٰ اورمطلوب ترین جنگجوکمانڈرجھڑپوں کے دوران مارے گئے۔انہوں نے کہاکہ اب کشمیروادی میں لگ بھگ250جنگجوسرگرم ہیں جوکہ حزب کمانڈرریاض نائیکو،البدرکمانڈرزینت الاسلام ،کمانڈرذاکرموسیٰ اورکچھ دوسرے کمانڈروں کی کمان میں متحرک ہیں ۔تاہم پولیس سربراہ نے کہاکہ تین یاچارکمانڈروں سمیت سبھی مقامی اورغیرملکی جنگجوؤں پرسیکورٹی فورسزنے اپنادباؤبنایاہواہے ،اوریہ سرگرم جنگجواب بھاگم بھاگ کی صورتحال سے دوچارہیں۔