بیجنگ، مصنوعی ذہانت (اے آئی) کی عالمی دوڑ میں اگرچہ امریکہ جدید ترین چپس اور سیمی کنڈکٹرز میں سبقت رکھتا ہے، لیکن ایک ایسا شعبہ بھی ہے جہاں چین واضح برتری حاصل کر چکا ہے اور وہ ہے سستی اور وافر بجلی ماہرین کے مطابق اے آئی ٹیکنالوجی کو چلانے کے لیے دیوہیکل ڈیٹا سینٹرز درکار ہوتے ہیں، جو بے پناہ مقدار میں بجلی استعمال کرتے ہیں، ایک عام ڈیٹا سینٹر تقریباً ایک لاکھ گھروں جتنی بجلی خرچ کرتا ہے، جبکہ جدید ہائپر اسکیل مراکز 20 لاکھ گھروں کے برابر توانائی استعمال کرسکتے ہیں۔ چین اس وقت امریکہ کے مقابلے میں دگنے سے زیادہ بجلی پیدا کر رہا ہے، جبکہ آئندہ 5 برسوں میں یہ فرق مزید بڑھنے کی توقع ہے۔

تحقیقاتی ادارے بلومبرگ این ای ایف کے مطابق چین اگلے چند برسوں میں امریکہ سے 6 گنا زیادہ بجلی پیدا کرنے کی صلاحیت میں اضافہ کرے گا۔ دلچسپ بات یہ ہے کہ چین اس اضافی توانائی کا بڑا حصہ سولر اور ونڈ پاور سے حاصل کر رہا ہے، صرف 2025ء میں چین نے 430 گیگا واٹ سے زائد شمسی اور ہوائی توانائی کی صلاحیت میں اضافہ کیا، جو دنیا بھر میں شامل ہونے والی نئی قابلِ تجدید توانائی کا نصف سے زیادہ بنتا ہے۔

چینی کمپنی نے اڑنے والا ونڈ ٹربائن تیار کرلیا چین کی حکومت نے ایسٹ ڈیٹا، ویسٹ کمپیوٹنگ منصوبے کے تحت نئے ڈیٹا سینٹرز ملک کے مغربی اور کم آبادی والے علاقوں میں منتقل کرنا شروع کر دیے ہیں، جہاں زمین سستی ہے اور قابلِ تجدید توانائی زیادہ دستیاب ہے۔ اسی منصوبے کے تحت حال ہی میں شمال مغربی علاقے ننگشیا میں 500 میگا واٹ کے پہلے بڑے ونڈ اور سولر پراجیکٹ کا افتتاح کیا گیا، جو براہِ راست ایک کلاؤڈ ڈیٹا سینٹر کو بجلی فراہم کرے گا۔

ماہرین کا کہنا ہے کہ مستقبل میں اے آئی کی اصل جنگ صرف چپس کی نہیں بلکہ بجلی کی بھی ہو گی۔ چین اگرچہ جدید ترین چپس تک محدود رسائی رکھتا ہے، تاہم اس نے اپنی مقامی کمپنیوں ہواوے اور سیمی کنڈکٹر کمپنی ایس ایم آئی سی کے ذریعے متبادل نظام تیزی سے تیار کرنا شروع کر دیے ہیں۔

دوسری جانب امریکہ میں اے آئی ڈیٹا سینٹرز کی تیزی سے بڑھتی مانگ بجلی کے نظام پر دباؤ ڈال رہی ہے۔ ماہرین کے مطابق امریکی پاور گرڈ کی محدود صلاحیت کے باعث 2025ء کے آخر میں نئے ڈیٹا سینٹر منصوبوں میں 50 فیصد کمی دیکھی گئی۔ امریکی ٹیکنالوجی شخصیات ایلون مسک، سیم آلٹمین اور اینویڈیا کے جینسن ہوانگ بھی کھلے عام تسلیم کر چکے ہیں کہ چین توانائی کے میدان میں تیزی سے آگے بڑھ رہا ہے۔

ماہرین کے مطابق امریکہ کے پاس جدید چپس ہیں مگر توانائی کی کمی ایک بڑا مسئلہ بنتی جا رہی ہے، جبکہ چین کے پاس وافر بجلی موجود ہے لیکن وہ اب بھی جدید چپس کی دوڑ میں پیچھے ہے۔

یو این آئی۔ ع ا۔

تہران، ایران نے نیا فضائی دفاعی نظام متعارف کرنے کا دعویٰ کرتے ہوئے آبنائے ہرمز کے قریب ڈرونز گرانے کیلیے نیا ڈیفنس سسٹم استعمال کرنے کا اعلان کر دیا۔

غیر ملکی میڈیا کے مطابق ایران نے نیا فضائی دفاعی نظام متعارف کرنے کا دعویٰ کر دیا ہے۔ ایران اس نئے ڈیفنس سسٹم کا استعمال کر کے آبنائے ہرمز کے قریب دشمن کے ڈرونز گرائے گا۔ رپورٹ کے مطابق نئے ڈیفنس سسٹم آرش کمان گیر کے ذریعے جدید ترین امریکی ایم کیو نائن ریپر ڈرون مار گرانے کا کامیاب تجربہ کیا گیا۔

نئے فضائی دفاعی نظام کا نام فارسی اساطیری ہیرو ’’آرش‘‘ کے نام پر رکھا گیا ہے۔

ماہرین کا کہنا ہے شدید حملوں کے باوجود ایران امریکی اور اسرائیلی حملوں کو روکنے کی صلاحیت رکھتا ہے۔ ایرانی میڈیا کے مطابق نیا ایئر ڈیفنس سسٹم روایتی ریڈار کے بجائے اسٹیلتھ ٹیکنالوجی اور خفیہ صلاحیتوں سے لیس ہے۔ نئے میزائل سسٹم کا استعمال سرحدوں کے قریب دشمن طیاروں کیلیے واضح پیغام ہے۔

دوسری جانب مغربی دفاعی ماہرین کہتے ہیں کہ ایران کا نیا نظام کم لاگت، متحرک اور بغیر ریڈار کے کام کرنے والا ہتھیار ہو سکتا ہے۔ تجزیہ کاروں کے مطابق روایتی ریڈار نیٹ ورک تباہ ہونے کے بعد ایران کا متحرک اور سستے میزائل سسٹمز پر زیادہ انحصار ہے۔ ایران کا نیا دفاعی نظام امریکا اور اسرائیل کو دور سے مہنگے ہتھیار استعمال کرنے پر مجبور کر سکتا ہے۔

یو این آئی۔ ع ا۔

واشنگٹن، امریکی صدر ڈونلڈ ٹرمپ نے کہا ہے کہ ایرانی بہت چالاک مذاکرات کار ہیں لیکن تمام پتے ہمارے ہاتھ میں ہیں۔

امریکی صدر ڈونلڈ ٹرمپ نے فاکس نیوز کو انٹرویو دیتے ہوئے ایک بار پھر کہا ہے کہ وہ ایسا معاہدہ کسی صورت قبول نہیں کریں گے جو امریکہ کے لیے اچھا نہ ہو۔

صدر ٹرمپ نے کہا کہ ایرانی بہت چالاک مذاکرات کار ہیں لیکن تمام پتے ہمارے ہی ہاتھ میں ہیں۔ یہ جان کر سب حیران ہوں گے کہ ہم نے ایران کی فوج کو بڑی حد تک چھیڑا نہیں ہے۔ امریکی صدر نے کہا کہ اعتراف کیا ہم نے عراق کو مکمل تباہ کر کے بہت بڑی غلطی کی، ہمیں عراق جانا ہی نہیں چاہیے تھا، لیکن کبھی کبھی جنگ میں غلطیاں ہو جاتی ہیں۔

انہوں نے یہ بھی کہا کہ امریکا کو ایران بھی نہیں جانا چاہیے تھا، لیکن اگر نہ جاتے تو وہ ایٹم بم بنا لیتا کیونکہ ایران کے پاس جوہری ہتھیار بنانے کی صلاحیت تھی، جس کو ہم نے ختم کر دیا ہے۔

واضح رہے کہ امریکہ اور ایران کے درمیان جنگ بندی میں مزید 60 روز کی توسیع کا معاہدہ ہو گیا ہے۔ دوسری جانب صدر ٹرمپ نے ایران نے معاہدے کا مسودہ اسرائیل سمیت اپنے تمام اتحادی ممالک کو بھیج دیا ہے۔

یو این آئی۔ ع ا۔