\\Sٓانقرہ، اطالوی وزیر اعظم جارجیا میلونی نے کہا ہے کہ اٹلی خطے میں بڑھتی ہوئی کشیدگی کے دورا ایران کے خلاف فوجی کارروائیوں میں حصہ نہیں لے گا۔

میلونی نے انقرہ میں نیٹو کے سربراہی اجلاس کے موقع پر صحافیوں کو بتایا کہ “ایران میں تنازع کے آغاز سے ہی ہماری ایک واضح لکیر رہی ہے … ہم ایران کے خلاف حملوں میں حصہ نہیں لیں گے۔” مارچ میں، اٹلی نے مشرق وسطیٰ جانے والے امریکی فوجی طیاروں کو سسلی کے سگونیلا ایئر بیس پر اترنے کی اجازت دینے سے انکار کر دیا تھا۔

امریکی صدر ڈونلڈ ٹرمپ نے کہا ہے کہ میری جان خطرے میں ہے ایران کی ہٹ لسٹ میں میرا نام سرفہرست ہے۔ انقرہ میں میڈیا سے گفتگو میں امریکی صدر نے کہا کہ امریکہ میں صدارت کا پیشہ سب سے زیادہ خطرناک ہے میں نے وہ کام کیے جو کوئی صدر نہیں کر سکا اس لیے ہٹ لسٹ پر ہوں، ایسے خطرات مجھے اپنے اقدامات سے نہیں روک سکتے۔

انہوں نے کہا کہ ہم ایران کے ساتھ طویل جنگ نہیں چاہتے ایران نے بحری جہازوں پرحملہ کیا اور ہم نے جواب دیا، ہم ایران کو انہی کے زبان میں جواب دیتے ہیں ایران حملے کرتا ہے تو ہم 10گنا طاقتور جواب دیتے ہیں ایران سے متعلق جو بھی ہوگا جلدی ہو گا، طویل جنگ نہیں چاہتے۔

یو این آئی۔ ع ا۔

کربلا (عراق)، عراق کے شہر کربلا میں حضرت امام حسین کے روضے کے احاطے میں شہید ایرانی رہنما آیت اللہ علی خامنہ ای کی نماز جنازہ ادا کر دی گئی۔

ایران کے شہید سپریم لیڈر آیت اللہ خامنہ ای کو آج مشہد میں سپرد خاک کیا جائے گا، خامنہ ای کی تدفین امام علی رضا کے روضہ اقدس کے احاطے میں کی جائے گی۔ عراقی حکام کا کہنا ہے کہ آیت اللہ خامنہ ای کے جنازے کے جلوس میں لاکھوں افراد شریک ہوئے۔

واضح رہے کہ ایران کے مرحوم سپریم لیڈر آیت اللہ علی خامنہ ای کی نماز جنازہ اور جلوسوں میں لاکھوں افراد نے شرکت کی ہے۔ تہران میں بڑے پیمانے پر ابتدائی نمازِ جنازہ کے بعد اُن کی میت نجف اور کربلا میں مزید تقاریب کے لیے عراق لے جائی گئی، گزشتہ روز ایران کے شہر قُم میں تاریخی جلوسِ جنازہ برآمد ہوا تھا جس میں لاکھوں افراد نے نم آنکھوں کے ساتھ اپنے رہبرِ اعلیٰ کو الوداع کہا۔

قُم میں جلوسِ جنازہ کے بعد شہید سید علی خامنہ ای اور ان کے اہلِ خانہ کی میتیں رات کے وقت عراق منتقل کی گئی تھیں۔ اور آج اُن کی تدفین ان کے آبائی شہر مشہد میں روضۂ امام رضا علیہ السلام کے احاطے میں ہوگی۔

یو این آئی۔ ع ا۔

واشنگٹن، امریکی صدر ڈونلڈ ٹرمپ نے ایئر فورس ون میں صحافیوں سے گفتگو کرتے ہوئے کہا کہ ایرن کے ایک حملے کے جواب میں ہم اُسے 20 بار نشانہ بناتے ہیں، اپنی سلامتی پر کوئی سمجھوتہ نہیں کریں گے۔

ڈونلڈ ٹرمپ نے کہا امریکہ پر ہر حملے کا بھرپور جواب دیا جائے گا، ہم نے گزشتہ رات ایران کو بھرپور اور مؤثر انداز میں نشانہ بنایا، ایرانی حملوں پر ہم ایک حملہ کریں گے جو 20 گنا زیادہ سخت ہوگا۔

صدر ٹرمپ نے دعویٰ کیا کہ ایران نے ٹیلیفون کر کے کہا ہے کہ وہ ڈیل چاہتا ہے، تاہم امریکی صدر نے نہیں بتایا کہ کس ایرانی اہلکار نے کس امریکی اہلکار کو ٹیلی فون کیا، انھوں نے کہا معلوم نہیں فون کرنے والے اہلکار کسی قابل ہیں بھی یا نہیں، نہیں جانتا ایرانی اہلکار اس ڈیل کو پورا بھی کریں گے یا نہیں۔

انھوں نے ایک بار پھر کہا کہ ایران کی ہٹ لسٹ پر میں سرفہرست ہوں، ہم ایران پر سخت حملہ کیا ہے، جب بھی وہ وار کریں گے ہمارا جواب اس سے کہیں زیادہ شدید ہوگا۔ ڈیل کے حوالے سے ڈونلڈ ٹرمپ نے کہا ایران کا یہ رویہ معمول سے ہٹ کر ہے، تہران امریکا سے معاہدے کی بھرپور کوشش کر رہا ہے، لیکن مجھے یقین نہیں کہ ایران آئندہ بھی کسی معاہدے کی پاسداری کرے گا۔

واضح رہے کہ مشرقِ وسطیٰ میں دوسرے روز بھی حملوں کا سلسلہ جاری رہا، جب کہ امریکہ اور ایران نے امن معاہدے تک پہنچنے کے اپنے اتفاق کے باوجود ایک دوسرے کے خلاف سخت دھمکی آمیز مؤقف اختیار کیے رکھا۔ ایک امریکی عہدیدار کے مطابق صدر ڈونلڈ ٹرمپ نے مزید حملوں کا فیصلہ اس غصے میں کیا کہ آبنائے ہرمز اب تک بحری آمد و رفت کے لیے نہیں کھولی گئی ہے، اور ایران نیٹو سربراہی اجلاس میں ان کی شرکت کے دوران تیل کی اہم گزرگاہ سے گزرنے والے جہازوں کو نشانہ بنا رہا تھا۔

یو این آئی۔ ع ا۔