تہران، ایرانی وزیر خارجہ عباس عراقچی کا کہنا ہے کہ آبنائے ہرمز بین الاقوامی علاقہ نہیں، ایران اور عمان کا مشترکہ علاقہ ہے۔

عباس عراقچی نے اپنے ایک بیان میں کہا کہ آبنائے ہرمز امریکہ سے ہزاروں میل کے فاصلے پر ہے، بحری حدود بالکل واضح ہیں۔ انہوں نے کہا کہ ہماری مسلح افواج اپنی علاقائی حدود کی خلاف ورزی کے خلاف ہمیشہ چوکس رہتی ہیں، ہمارے علاقے کے نزدیک غیر ملکی افواج مسلسل خطرات کی زد میں ہیں۔

عباس عراقچی کا کہنا تھا کہ یہ خطرات ان کو اپنی انسانی غلطیوں، حادثات یا فائرنگ تبادلے کی وجہ سے ہیں۔ انہوں نے کہا کہ خطرات کم کرنے کا بہترین حل یہ ہے کہ وہ یہاں سے چلے جائیں، ہم سفارتکاری کی زبان کو ترجیح دیتے ہیں لیکن ہم دوسری زبانیں بولنا بھی جانتے ہیں۔

یو این آئی۔ ع ا۔

تہران، ترجمان ایرانی وزارتِ خارجہ اسماعیل بقائی نے کہا ہے کہ ہم دشمن کی ہر قسم کی شرارت کا مقابلہ کرنے کے لیے تیار ہیں۔

امریکہ حالیہ جنگ بندی کی خلاف ورزیوں کا براہ راست ذمے دار ہے: اسماعیل بقائی ایک بیان میں انہوں نے کہا کہ گزشتہ رات ہم نے دشمن کے سامنے نہایت مضبوط انداز میں طاقت کا مظاہرہ کیا، ثابت کر دیا مسلح افواج ملک کے دفاع میں کسی قسم کی ہچکچاہٹ کا مظاہرہ نہیں کرتیں۔ ترجمان ایرانی وزارتِ خارجہ اسماعیل بقائی کا کہنا ہے کہ سفارت کاری اور میدان جنگ ایک ساتھ چلتے ہیں۔

یو این آئی۔ ع ا۔

واشنگٹن، امریکہ کے نائب صدر جے ڈی وینس بھی ایران ڈیل سے متعلق صدر ڈونلڈ ٹرمپ کا بیان ماننے پر تیار نہیں۔

امریکہ کے نائب صدر جے ڈی وینس نے کہا کہ ایران سے ڈیل اگلے ہفتے ممکن ہے اور ساتھ ہی کہا کہ ایسا بھی ہوسکتا ہے کہ ایران سے ڈیل میں کئی ماہ لگ جائیں۔

اس سے پہلے صدر ٹرمپ نے امکان ظاہر کیا تھا کہ ایران سے معاہدے پر 2 سے 3 دن میں دستخط ہوسکتے ہیں۔

یو این آئی۔ ع ا۔