خبراردو:

سال2009میں ملکی سطح کے اعلیٰ ترین سیول سروسزامتحان ’آئی اے ایس‘میں پورے بھارت میں امتیازی پوزیشن(نمبروَن) پررہ کرقابلیت وذہانت کے معاملے میں کشمیرکانام روشن کرنے والے نوجوان بیوروکریٹ ڈاکٹر شاہ فیصل نے محض 8سال بعدہی بیوروکریسی کوخیرباد کہہ دیا۔انہوں نے اس غیرمعمولی اقدام کی خودتصدیق کرتے ہوئے بتایاکہ وہ کشمیرمیں بے تحاشہ قتل عام کیخلاف احتجاجاًمستعفی ہوئے ہیں ۔ڈاکٹرشاہ فیصل نے مرکزی سرکارکی کشمیرپالیسی کواخلاص سے عاری قراردیتے ہوئے کہاکہ نئی دہلی نے کبھی کشمیریوں تک پہنچنے کی کوئی مخلصانہ کوشش نہیں کی ۔ریکارڈسازنوجوان آئی اے ایس آفیسرکے نیشنل کانفرنس میں شمولیت اختیارکئے جانے کی قیاس آرائیوں کے بیچ سابق وزیراعلیٰ عمرعبداللہ نے کہاکہ ڈاکٹرشاہ فیصل کااستعفیٰ،بیوروکریسی کونقصان اورسیاست کوفائدہ ہے۔

گزشتہ کئی مہینوں سے چلی آرہی قیاس آرائیوں کے عین مطابق کشمیرکے نوجوان تاریخ ساز آئی اے ایس آفیسر35سالہ ڈاکٹرشاہ فیصل نے بالآخر بیوروکریسی کوخیربادکہہ دیا۔سال2009کے آئی اے ایس امتحان میں پورے بھارت میں اول نمبرپررہ کرایک تاریخ رقم کرنے والے ضلع کپوارہ سے تعلق رکھنے والے ڈاکٹرشاہ فیصل نے سماجی رابطہ گاہ ’فیس بُک ‘پرلکھاکہ بھارت میں رہنے والے20کروڑمسلمانوں کی زندگیوں کوہندؤبنیادپرست گروپوں نے اجیرن بناکررکھدیاہے ۔انہوں نے کہاکہ اب بھارت میں مسلمانوں کودوسرے درجے کاشہری ماناجاتاہے ۔ڈاکٹرشاہ فیصل کافیس بُک پرمزیدکہناتھاکہ بھارت میں بڑھتے عدم برداشت اورنفرت انگیزی کے بعدجموں وکشمیرکوحاصل خصوصی آئینی پوزیشن پربھی حملے جاری ہیں جبکہ کشمیرمیں قتل عام کابازارگرم ہے ۔

ڈاکٹر شاہ فیصل نے کہاکہ مرکزی سرکارکے پاس کشمیرکے حوالے سے کوئی سیاسی پالیسی نہیں ہے ،ماسوائے یہاں قتل عام کاسلسلہ جاری رکھاجائے ۔انہوں نے کہاکہ میں کشمیرمیں جاری بے تحاشہ قتل عام کیخلاف احتجاجاًبیوروکریسی کوخیربادکہنے پرمجبورہوگیا۔شاہ فیصل نے مزیدلکھاکہ مرکزی سرکارکی کشمیرپالیسی میں اخلاص نہیں۔ڈاکٹرشاہ فیصل نے لکھا’میں نے انڈین ایڈمنسٹریٹوسروس سے استعفیٰ دینے کافیصلہ کافی وقت پہلے لیاتھا،اوراب میرااستعفیٰ منظورہوگیاہے‘۔محض 8سال بعدبیوروکریسی کوخیربادکہنے والے نوجوان کشمیری آئی اے ایس آفیسرنے مرکزی سرکارپرمختلف مرکزی اداروں کوغلط طورپراستعمال کرنے کاالزام عائدکرتے ہوئے کہاکہ آربی آئی ،این آئی اے اورسی بی آئی جیسے اداروں کی آئینی خودمختاری کوقائم رہنے دیاجائے ۔

انہوں نے اس اُمیدکااظہارکیاکہ بھارت میں حق گوئی کرنے والی آوازیں خاموش نہیں رہیں گی بلکہ وہ غلط کے خلاف بولتی رہیں گی۔ڈاکٹرشاہ فیصل نے آئی اے ایس افسربننے تک کے سفرمیں ساتھ دینے پراپنے اہل خانہ ،دوستوں اورخیرخواہوں کاشکریہ اداکرتے ہوئے کہاکہ اب اُنکی اولین ترجیحات میں یہ بات ہوگی کہ میں کشمیری نوجوانوں کی سیول سروسزکے امتحانات میں شامل ہونے کیلئے رہنمائی کرؤں تاکہ وہ اپنے خوابوں کوشرمندہ تعبیرکرسکیں ۔ڈاکٹرشاہ فیصل نے نیشنل کانفرنس میں شامل ہوکرآنے والے پارلیمانی انتخابات میں این سی کی ٹکٹ پربارہمولہ لوک سبھانشست سے الیکشن لڑنے کی افواہوں کے بیچ کہا’میں جمعہ کے روزایک پریس کانفرنس میں اپنے آئندہ کے لائحہ عمل کاخلاصہ کرؤنگا‘۔

اس دوران معلوم ہواکہ ڈاکٹرشاہ فیصل 2جنوری کوبیرون ملک سے سری نگرپہنچے،اوریہاں پہنچنے کے بعدانہوں نے رضاکارانہ طورپر بیوروکریسی چھوڑنے کافیصلہ لیا،جسکے بعدموصوف نے دوروزقبل اپنااستعفیٰ مرکزی سرکارکے محکمہ برائے پرسنل وٹریننگس کوروانہ کیا،اورگزشتہ روزہی اُن کااستعفیٰ منظورکیاگیا۔

Welcome the stand to resign by @ShahFaesal to protest unabated killing of Kashmiris by GOI. Hope his outrage over killings and his sentiment that #KashmiriLivesMatter guide his choice of politics…

— Mirwaiz Umar Farooq (@MirwaizKashmir) January 9, 2019

ادھر میر واعظ عمر فاروق نے شاہ فیصل کی طر ف سے کشمیر میں رہے قتل عام کی وجہ سے استعفیٰ دینے پر ان کا ایک ٹوئٹ کے ذریعے خیر مقدم کیا ہے اور لکھا ہے کہ ” امید ہے کہ ان کی ہلاکتوں پر مذمت انہیں انکے پسند کی سیاست کا راستہ چننے میں راہنمائی کرے گی “.

ادھرسابق وزیراعلیٰ اورنیشنل کانفرنس کے نائب صدرعمرعبداللہ نے ڈاکٹرشاہ فیصل کے بیوروکریسی کوخیرباد کہہ دینے پرردعمل ظاہرکرتے ہوئے کہاکہ ڈاکٹرشاہ فیصل کااستعفیٰ،بیوروکریسی کونقصان اورسیاست کوفائدہ ہے۔

The bureaucracy’s loss is politics’ gain. Welcome to the fold @shahfaesal. https://t.co/955C4m5T6V

— Omar Abdullah (@OmarAbdullah) January 9, 2019

Actually I welcomed him to the fold of politicians. His future political plans are his to announce. https://t.co/y5FkD8ZTWE

— Omar Abdullah (@OmarAbdullah) January 9, 2019

عمرعبداللہ نے ایک سماجی رابطہ گاہ ٹویٹرپرلکھے ایک ٹویٹ میں مزیدکہاکہ میں ذاتی طورڈاکٹرشاہ فیصل کامیدان سیاست میں خیرمقدم کرتاہوں تاہم عمرعبداللہ نے لکھاکہ ڈاکٹرشاہ فیصل اپنے مستقبل کے سیاسی پروگراموں کاخودہی اعلان کریں گے ۔