خبراردو:

علاقائی مین اسٹریم جماعت پی ڈی پی کی صدراورریاست کی سابق وزیراعلیٰ محبوبہ مفتی نے پہلی مرتبہ وزیراعظم ہندنریندرمودی کوکھل کرہدف تنقیدبناتے ہوئے کہاکہ ملک بالخصوص جموں وکشمیرکے حوالے سے نریندر مودی نے اپنامنڈیٹ ضائع کردیا۔انہوں نے کہاکہ مودی کی کشمیرپالیسی میں قول وفعل کاتضادرہا،اوراسی بناء پرواجپائی کی پالیسی کوآگے نہیں بڑھایاگیا۔

ریاست کی سابق وزیراعلیٰ محبوبہ مفتی نے بھاجپاکی جانب سے حمایت واپس لینے کے نتیجے میں مخلوط سرکارگرنے کے لگ بھگ 6ماہ بعدوزیراعظم ہندنریندرمودی کی کشمیرپالیسی کوکھلے عام غلط اورناکام قراردیتے ہوئے کہاکہ مودی سال 2014میں ملے واضح عوامی منڈیٹ کیساتھ انصاف نہیں کرسکے بلکہ بقول محبوبہ مفتی ،مودی نے اپنایہ منڈیٹ ضائع کردیا۔اپنے والداورسابق وزیراعلیٰ مرحوم مفتی محمدسعیدکی تیسری برسی کے موقعہ پرمرحوم کی آخری آرام گاہ واقع دارالشکوہ پارک بجبہاڑہ میں منعقدہ ایک تعزیتی تقریب کے حاشیے پرنامہ نگاروں کے سوالات کاجواب دیتے ہوئے پی ڈی پی کی صدرمحبوبہ مفتی نے وزیراعظم مودی کی سخت تنقیدکرتے ہوئے کہاکہ مودی نے ملک بالخصوص جموں وکشمیرکے حوالے سے ملے اپنے منڈیٹ کوضائع کردیا۔انہوں نے کہاکہ نریندرمودی وزیراعظم بننے کے بعدباربارکہاکرتے تھے کہ وہ اٹل بہاری واجپائی کے نقش قدم پرچل کرجموں وکشمیرکے مسئلے کوحل کریں گے لیکن بقول محبوبہ مفتی ،اصل میں مودی کارول اسکے بالکل برعکس رہا،اورانہوں نے عوامی منڈیٹ کوہی ضائع کردیا۔انہوں نے کہاکہ کشمیرمسئلے اورجموں وکشمیرکے حوالے سے مودی کے کہنے اورکرنے میں واضح فرق رہاکیونکہ انہوں نے واجپائی کی پالیسی کوکبھی خاطرمیں ہی نہیں لایا۔

محبوبہ مفتی نے دوٹوک الفاظ میں کہاکہ مذاکرات ہی مسائل کوحل کرنے کاواحدراستہ ہے ۔سابق وزیراعلیٰ کاکہناتھا’کشمیرمسئلے کاحل تلاش کرنے کیلئے بھارت سرکارکوجموں وکشمیرکے عوام بشمول اازادی پسندلیڈروں اورپاکستان کیساتھ مذاکرات کی میزپربیٹھناپڑے گا‘‘۔ انہوں نے واضح کیاکہ جب تک پاکستان کواعتمادمیں نہیں لیاجائیگاتب تک مذاکرات کیلئے درکارموزون اورسازگارماحول نہیں بن پائے گا۔محبوبہ مفتی نے مزیدکہاکہ اُنکی جماعت پی ڈی پی نے بی جے پی کیساتھ اسی مقصدکے تحت اتحادکیاتھاکہ مرکزمیں برسراقتداریہ جماعت تمام تصفیہ طلب مسائل کوحل کرنے کی کوشش کرے گی ۔انہوں نے کہا’’ہم نے مسئلہ کشمیرکے حل کی خاطربھاجپاکاہاتھ تھاماتھا‘‘۔پی ڈی پی صدرمحبوبہ مفتی نے انکشاف کیاکہ وہ بی جے پی کیساتھ اتحادکے حق میں نہیں تھیں ۔انہوں نے کہا’’سال2016میں والدکاانتقال ہونے کے بعدمیں (محبوبہ مفتی)بھاجپاکیساتھ اتحادکے لئے تیارنہیں تھی ‘‘۔محبوبہ مفتی کے بقول انہوں نے اتحادکے حوالے سے بھاجپاکے سامنے کچھ شرطیں رکھی تھیں ،جن میں پاؤرپروجیکٹوں کی واپسی ،سری نگرمیں واقع ٹٹوگراؤنڈ،اننت ناگ ہائی گراؤنڈاورکرگل میدان سے فوج کاانخلاء ،جیسے مطالبات بھی شامل تھے ۔محبوبہ مفتی نے اس موقعہ پریہ انکشاف کیاکہ بھاجپاوالے اُنکی شرائط کوماننے کیلئے تیارتھے ،لیکن بقول مھبوبہ مفتی میری اپنی پارٹی کے کچھ لوگوں جوآج کل بڑاشورمچاتے نظرآرہے ہیں ، نے ناگپور(آرایس ایس ہیڈکوارٹر)جاکر کہاکہ محبوبہ مفتی کوہی سائیڈلائن کردؤ،اوریہ کہ ان لوگوں نے آرایس ایس والوں سے اس حدتک کہاکہ آپ محبوبہ مفتی کوسائیڈلائن کرؤتوہم آپ کیساتھ ایک نئے اتحادکیلئے تیارہیں ۔

انہوں نے کہاکہ ایسے ہی لوگوں نے میری پوززیشن پرسمجھوتہ کیا۔محبوبہ مفتی نے کہاکہ اُنہوں نے بھاجپاکیساتھ اتحادکرکے ذہرکاپیالہ اسلئے پیاکیونکہ اُنکی پارٹی چاہتی تھی کہ جموں وکشمیرکوکشت وخون اوربداعتمادی وبدترین حالات سے نجات دلائی جائے۔ایک سوال کے جواب میں محبوبہ مفتی نے سرگرم اورجاں بحق ہوئے مقامی جنگجوؤں کے گھرجانے اوراہل خانہ کیساتھ یکجہتی وتعزیت کااظہارکئے جانے کادفاع کرتے ہوئے کہاکہ ایساپہلی مرتبہ نہیں ہواکہ وہ کسی جنگجوکے گھرگئی ہوں بلکہ موصوفہ اسے پہلے بھی وہ ایساکرتی آئی ہیں ۔انہوں نے کہاکہ وہ بحیثیت وزیراعلیٰ مارے گئے پولیس اہلکاروں ،ایس پی اوؤزاوردیگرمہلوکین کے گھربھی گئیں ۔محبوبہ مفتی نے کہاکہ اب وہ ایسے جنگجوؤں کے گھرگئیں ،جن کے اہل خانہ کوہراساں کیاگیاتاکہ حکومت کویہ پیغام دے سکوں کہ ایسانہیں چلنے والاہے ،اوریہ کہ آئندہ کسی جنگجوکے اہل خانہ کوپریشان وہراساں نہ کیاجائے ۔

اسے پہلے اپنے والد مرحوم مفتی محمدسعیدکے مزارپرمنعقدہ تعزیتی تقریب سے خطاب کرتے ہوئے پی ڈی پی صدرمحبوبہ مفتی نے سال2016میں دئی گئے اپنے ’ٹوفی دودھ ‘والے ریمارکس پرمعافی مانگتے ہوئے کہاکہ انہوں نے وہ باتیں ایک ماں کی حیثیت سے کی تھیں ۔انہوں نے کہاکہ وہ باتیں میں نے اسلئے کہی تھیں کیونکہ ایک ماں کے بطورمیں جانتی ہوں کہ جب بچے کوتکلیف پہنچتی ہے توماں کے دل کاکیاحال ہوتاہے ۔محبوبہ مفتی کاکہناتھاکہ میں بھی ایک ماں ہوں ،اورجب کسی نوجوان کی جان جاتی تھی تومیرے دل کوسخت ٹھیس اورچوٹ پہنچتی تھی ۔انہوں نے سوالیہ اندازمیں کہاکہ کیاایک ماں کبھی اپنے بچوں کے تئیں تیزیاتندلہجہ استعمال نہیں کرتی ہے۔تاہم سابق وزیراعلیٰ نے کہاکہ اگراُنکی باتوں سے کسی کوٹھیس پہنچی ہے یاکہ کسی کی دل آزاری ہوئی ہے تووہ اس کیلئے معافی مانگتی ہیں ۔انہوں نے کہاکہ میری حکومت نہیں چاہتی تھی کہ کشمیری نوجوانوں کی جانیں ضائع ہوں یاکہ کوئی نوجوان جیل میں پڑارہے ،اسلئے ہم نے سنگباری کی پاداش میں گرفتارکئے گئے نوجوانوں یاکہ جن کیخلاف پولیس تھانوں میں کیس درج تھے ،کوعام معافی دینے کااعلان کیا۔انہوں نے کہاکہ اُنھیں اسبات پربھی اطمینان ہے کہ بحیثیت وزیراعلیٰ انہوں نے کٹھوعہ کیس کوصحیح طورپرہینڈل کیا۔ سابق وزیراعلیٰ محبوبہ مفتی نے نوجوانوں کوپی ڈی پی میں شامل ہونے کی کھلی دعوت دیتے ہوئے کہاکہ اب اُنکی پارٹی میں کوئی کوڑاکرکٹ (باغی ممبران )نہیں ہے ۔انہوں نے نوجوانوں سے مخاطب ہوتے ہوئے کہاکہ میں اس پلیٹ فارم سے آپ کوپارٹی میں شامل ہونے کی دعوت دیتی ہوں ۔محبوبہ مفتی کاکہناتھاکہ تعلیم یافتہ نوجوان پی ڈی پی میں شامل ہوں تاکہ ہم سب ملکرمسئلہ کشمیرکوحل کراسکیں ۔