حزب اور جیش کے 3اعلیٰ کمانڈروں سمیت17جنگجو،پولیس اہلکار اورفوجی ہلاک
فوجی سربراہ کے بیان کے بعد شمال و جنوب میں جنگجوؤں مخالف کارروائیوں میں مذید تیزی

سرینگر: جموں کشمیر میں سال2020کے جنوری مہینے میں جموں کشمیر میں کے مختلف علاقوں میں فورسز اور جنگجوکے درمیان9مقامات پر تصادم آرائیاں ہوئی،جس میں 3اعلیٰ کمانڈروں سمیت 17جنگجو جاں بحق ہوئے جن میں 6غیر ملکی بھی شامل ہیں۔ئے اس دوران جنگجو مخالف کارروائیوں میں ایک فوجی اور پولیس اہلکار ہلاک جبکہ نصف درجن کے قریب زخمی ہوئے ہیں۔

بھارتی فوج کے سربراہ نے حالیہ دنوں جموں کشمیر میں جنگجومخاقلف کارروائیوں میں تیزی لانے کا اشارہ دیا ہے جس کے بعد وادی کے طول و ارض میں محاصروں اور تلاشی کارروائیوں کا سلسلہ تیز کیا گیا۔ کشمیر نیوز سروس (کے این ایس) کے مطابق سال 2020کے جنوری مہینے کے31روز کے دوران جموں وکشمیر میں مختلف مقامات پر فورسز اور جنگجوؤں کے درمیان تصادم آرائیوں میں حزب المجاہدین اور جیش محمد عسکری تنظیموں سے وابستہ 17جنگجوؤں جاں بحق ہوئے ہیں جبکہ اس دوران ان کاروائیوں میں پولیس اور فوج کا ایک ایک اہلکار بھی مارا گیا ہے

۔کشمیر نیوز سروس کے دستیاب اعداد شمار کے مطابق 7جنوری کو جنوبی کشمیر کے سیل چروس میں فورسز اور جنگجو کے درمیان ایک مختصر تصادم آرائی میں ایک جنگجوجاں بحق ہوا ہے جبکہ اسی ماہ کے 12تاریخ کو ترال کے گلشن پورہ بستی میں ایک خون ریز تصادم ہوا،جس میں حزب کے ایک اعلیٰ کے ایک اعلیٰ کمانڈر حماد خان ساکن سیر جاگیر ترال اپنے3مقامی ساتھیوں سمیت جاں بحق ہوا ہے۔ 13جنوری کو وسطی ضلع بڈگام میں ایک تصادم آرائی ہوئی جس میں ایک مقامی جنگجوؤں جاں بحق ہوا۔

فورسز نے کاروائیوں میں فوجی سربراہ کے اعلان کے بعد تیزی لاتے ہوئے20جنوری وچی شوپیان کو محاصرے میں لیا،جس دوران حزب کے 3 مقامی جنگجوؤں جاں بحق ہوئے۔اس دوران مارے گئے جنگجوؤں میں ایک سابق پولیس اہلکار بھی شامل تھے،جو پولیس کے مطابق بارودی سرنگ بنانے میں ماہر تھا۔

ادھر22جنوری کو جنوبی کشمیر کے ہی پانپور تحصیل کے زن تراگ علاقے کو فوج اور فورسز نے محاصرے میں لے کر گھر گھر تلاشی کاروائیوں عمل میں لائی ہے،جس دوران 2روز کے محاصرے اور فائرنگ کے واقعے میں ایک غیر ملکی جنگجوؤں جاں بحق ہوا،جبکہ اسی واقعے میں 50RRکا ایک اہلکار اور جموں کشمیر پولیس کا ایک سپیشل آفسر(ایس پی او) بھی مارا گیا ہے۔25جنوری کو ہاری ترال میں فورسز اور جنگجوؤں کے درمیان ایک جھڑپ میں جیش محمد عسکری تنظیم سے وابستہ ایک اعلیٰ غیر ملکی کمانڈر قاری وقار سمت3جنگجوؤں جاں بحق ہوئے ہیں جبکہ مارے گئے جنگجو میں ایک مقامی نوجوان شیخ بُرہان بھی شامل تھا، جنہوں نے چند روز قبل جنگجوئیت کے صف میں شمولیت اختیار کی تھی۔

27جنوری کو بھی اسی طرح مرو محلہ بجہاڑہ اننت میں ایک تصادم آرائی میں ایک مقامی جنگجوؤں جاں بحق ہوا۔ جبکہ خطہ چناب میں اسی ماہ ایک معروف ایم بی اے ڈگری یافتہ نوجوان ایک جھڑپ کے دوران جاں بحق ہوا،جو ج اور پولیس کو کئی سال سے انتہائی مطلوب تھا۔31جنوری کو جموں کے ادھم پور علاقے میں فورسز اور جنگجو کے درمیان ایک تصادم آرائی میں جیش محمد عسکری تنظیم کے3غیر ملکی جنگجومارے گئے ہیں۔

اس طرح سے دستیاب اعداد شمار کے مطابق جموں و کشمیرمیں رواں سال کا پہلا مہینہ بھی خونین ثابت ہوا ہے۔ادھر بھارتی فوج کے سربراہ نے حال ہی میں اس بات کا اعلان کیا تھا کہ جموں کشمیر میں جنگجو مخالف کاروائیوں میں تیزی لائی جائے گی۔۔قابل ذکر بات یہ ہے وادی کے شمال و جنوب میں گزشتہ کئی ہفتوں سے شبانہ چھاپوں محاصروں اور گھر گھر تلاشیوں کا سلسلہ بڑے پیمانے پر تیز کیا گیا ہے جس دوران پولیس اور فورسز نے کئی جنگجوکو گرفتار اور کچھ نوجوانوں جو جنگجوئیت میں داخل ہونا چاہاتے تھے پولیس کے مطابق انہیں کونسلنگ کے بعد والدین کے سپرد کیا گیا ہے۔(کے این ایس)