واشنگٹن، صدر ٹرمپ نے امریکی کمپنیوں پر ٹیکس ختم نہ کرنے پر برطانیہ پر بھاری ٹیرف عائد کرنے کی دھمکی دے دی۔

امریکی صدر ڈونلڈ ٹرمپ نے برطانیہ کو دوٹوک الفاظ میں خبردار کیا ہے کہ اگر امریکی کمپنیوں پر عائد خصوصی ٹیکس ختم نہ کیا گیا تو امریکہ جوابی کارروائی کے طور پر برطانوی مصنوعات پر بڑے ٹیرف عائد کر سکتا ہے۔

وائٹ ہاؤس میں صحافیوں سے گفتگو کرتے ہوئے صدر ٹرمپ نے تجارتی پالیسیوں پر سخت موقف اختیار کرتے ہوئے کہا امریکی کمپنیوں کو غیر منصفانہ طور پر نشانہ بنانا کسی صورت قبول نہیں کیا جائے گا۔ انہوں نے بتایا کہ امریکی انتظامیہ اس ٹیکس معاملے کا باریک بینی سے جائزہ لے رہی ہے اور جوابی حکمتِ عملی تیار کی جا رہی ہے۔

امریکی صدر نے دھمکی دی کہ اگر برطانیہ پیچھے نہ ہٹا تو ضرورت پڑنے پر برطانیہ کی کمپنیوں کے خلاف بھی بالکل اسی نوعیت کے سخت اقدامات اور بھاری ٹیرف عائد کیے جا سکتے ہیں۔

عالمی معاشی ماہرین کا ماننا ہے کہ اگر دونوں اتحادی ممالک کے درمیان یہ تنازع حل نہ ہوا تو اس سے ایک نئی تجارتی جنگ چھڑ سکتی ہے، جس کے اثرات عالمی منڈیوں اور دوطرفہ تجارت پر منفی انداز میں مرتب ہوں گے۔ برطانیہ کی جانب سے تاحال صدر ٹرمپ کے اس بیان پر کوئی باضابطہ ردِعمل سامنے نہیں آیا ہے۔ اگرامریکی کمپنیوں پر ٹیکس ختم نہ کیا تو اس کے جواب میں بڑے ٹیرف عائد کیے جا سکتے ہیں،صدر ٹرمپ امریکہ نے برطانیہ کو خبردار کردیا ہے مریکی کمپنیوں کو نشانہ بنانا قابل قبول نہیں،صدر ٹرمپ معاملے کا جائزہ لیا جا رہا ہے،امریکی صدر ضرورت پڑنے پر برطانیہ کی کمپنیوں کے خلاف بھی اسی نوعیت کے اقدامات کیے جاسکتے ہیں۔

یو این آئی۔ ع ا۔

تہران، روس میں ایرانی سفیر کاظم جلالی کا کہنا ہے کہ تہران مذاکرات اور جنگ دونوں کے لیے تیار ہے، ایران کبھی مذاکرات سے پیچھے نہیں ہٹا۔

غیر ملکی ذرائع ابلاغ کے مطابق روس میں ایرانی سفیرکاظم جلالی کا کہنا تھا کہ امریکہ کی تاریخ رہی ہے ہمیشہ معاہدوں کے بعد اسے توڑ دیتا ہے۔

انہوں نے کہا کہ ایران کیساتھ جوہری معاہدہ توڑنے کا ذمہ دار واشنگٹن ہے، تہران کا مؤقف واضح ہے دباؤ میں مذاکرات کامیاب نہیں ہوسکتے۔ کاظم جلالی نے کہا کہ ایران واضح کرچکا ہے وہ جنگ سے نہیں ڈرتا اور تیار ہے، واشنگٹن دوہری پالیسی پر عمل کر رہا ہے۔

یو این آئی۔ع ا۔

تل ابیب، اسرائیلی وزیردفاع اسرائیل کاٹز نے کہا ہےکہ ایران پر حملوں اور اسے پتھر کے زمانے میں دھکیلنے کےلیے امریکہ کے گرین سگنل کا انتظار کررہےہیں۔

کاٹز نے کہا کہ اسرائیل جب دوبارہ حملے شروع کرے گا تو ایران کی اہم توانائی اور بجلی تنصیبات کو نشانہ بنایا جائے گا۔

دوسری جانب اقوام متحدہ میں ایران کے سفیر نے امریکی حملوں میں 5 عرب ریاستوں کی سرزمین کے استعمال پر اقوام متحدہ سے باقاعدہ احتجاج ریکارڈ کروا دیا ۔ ایرانی سفیر نے کہا کہ قطر، بحرین، متحدہ عرب امارات، سعودی عرب اور کویت اچھے ہمسائے کے اصولوں پر چلیں، اپنی زمین تیسرے ملک کے خلاف استعمال نہ ہونے دیں۔

یو این آئی۔ ع ا۔