تہران، ایران نے امریکی صدر ڈونلڈ ٹرمپ کی جانب سے دی جانے والی بڑے حملے کی دھمکی کو “مضحکہ خیز” قرار دیا ہے۔

تفصیلات کے مطابق ایرانی وزارتِ خارجہ کے ترجمان اسماعیل بقائی نے سوشل میڈیا پلیٹ فارم ‘ایکس’ (ٹویٹر) پر اپنے بیان میں امریکی صدر ڈونلڈ ٹرمپ کی جانب سے دی جانے والی حالیہ دھمکیوں کو کڑی تنقید کا نشانہ بنایا۔

اسماعیل بقائی نے لکھا کہ یہ انتہائی عجیب بات ہے کہ وہ (ٹرمپ) ایک طرف دنیا میں امن کی تلاش اور جوہری بحران کو روکنے کا دعویٰ کرتے ہیں، لیکن اس کا حل “ایک بڑے دھماکے” یا حملے کی صورت میں تجویز کر رہے ہیں۔ ایرانی ترجمان کا کہنا تھا کہ امن کے دعوے اور حملے کی دھمکیاں ایک ساتھ نہیں چل سکتیں اور یہ امریکی پالیسی کے تضاد کو ظاہر کرتا ہے۔ انہوں نے اپنے موقف کو واضح کرنے کے لیے ایک امریکی فلم کا کلپ بھی شیئر کیا، جس کی کہانی سوویت یونین پر ایک “حادثاتی حملے” کے گرد گھومتی ہے۔

فلمی کلپ میں دکھایا گیا ہے کہ امریکہ اس حادثاتی حملے کو روکنے کی بھرپور کوشش کرتا ہے لیکن ناکام رہتا ہے۔ اس کلپ کو شیئر کرنے کا مقصد یہ پیغام دینا تھا کہ جنگ کی دھمکیاں یا “ایڈونچر” ایسے نتائج پیدا کرسکتے ہیں جو پھر کسی کے کنٹرول میں نہیں رہتے۔ یاد رہے کہ سابق امریکی صدر ڈونلڈ ٹرمپ نے حال ہی میں ایران کے حوالے سے سخت بیانات دیے تھے، جس میں انہوں نے کسی بھی ممکنہ صورتحال میں “بڑے حملے” کا اشارہ دیا تھا۔

ایران کی جانب سے یہ ردعمل ایسے وقت میں آیا ہے جب خطے میں کشیدگی پہلے ہی عروج پر ہے اور آبنائے ہرمز کے حوالے سے بھی دونوں ممالک کے درمیان بیانات کا تبادلہ جاری ہے۔ ایران کی وزارت خارجہ کے ترجمان نے ڈونلڈ ٹرمپ کی ایران پر جوہری حملے کی حالیہ دھمکی کو مضاحکہ خیز قرار دیا۔۔اسماعیل بقائی نے ایکس پر پوسٹ میں لکھا یہ ایک عجیب بات ہے کہ دشمن امن کی تلاش اور جوہری بحران کو روکنے کا دعویٰ کرتے ہیں۔۔لیکن جو ان کی تجویزکردہ حل وہ جوہری حملہ ہے۔ انہوں نے امریکی فلم کا کلپ بھی شئیر کیا۔۔جس کی کہانی سوویت یونین پر حادثاتی طور پر جوہری حملے کی تھی جسے امریکہ روکنے کی کوشش کرتا ہے لیکن ناکام رہے۔

یو این آئی۔ ع ا۔

تہران، ایران نے آبنائے ہرمز سے گزرنے والی انٹرنیٹ کیبلز سے متعلق بڑا فیصلہ کیا ہے۔

فارس نیوز کی رپورٹ کے مطابق ایران نے زیر سمندر انٹرنیٹ کیبلز کو اسٹریٹجک اثاثہ قرار دینے پر غور شروع کردیا ہے، آبنائے ہرمز میں جو نئی اتھارٹی قائم کی جارہی ہے وہ عالمی انٹرنیٹ کیبلز کا انتظام سنبھالے گی۔ عالمی انٹرنیٹ ٹریفک اور مالیاتی ڈیٹا رکھنے والی کیبلز پر ایرانی قوانین لاگو ہوں گے۔

فارس نیوز کے مطابق ایرانی فرموں کو کیبل کے انتظام اور مرمت پر تکنیکی کنٹرول دینے کی کوشش کررہے ہیں۔

واضح رہے کہ گزشتہ روز ایران نے آبنائے ہرمز پر کنٹرول کے حوالے سے بڑا قدم اٹھاتے ہوئے “خلیج فارس اسٹریٹ اتھارٹی” کے قیام کا اعلان کیا تھ جس کا مقصد گزرنے والے بحری جہازوں کے لیے نیا نظام متعارف کرانا ہے۔

غیر ملکی خبر ایجنسی نے دعویٰ کیا تھا کہ ایران کی قائم کردہ اتھارٹی کے تحت جہازوں کو آبنائے ہرمز سے گزرنے کے لیے باقاعدہ اجازت نامہ حاصل کرنا ہو گا۔ جبکہ ایران اس اہم سمندری راستے کے استعمال پر ٹرانزٹ فیس بھی وصول کرنے کا ارادہ رکھتا ہے۔

واضح رہے کہ آبنائے ہرمز دنیا کے اہم ترین تجارتی راستوں میں شمار ہوتا ہے۔ جہاں سے عالمی تیل کی بڑی مقدار گزرتی ہے۔

اس لیے ایران کے اس اقدام نے عالمی سطح پر تشویش کو جنم دیا ہے۔

یو این آئی۔ ع ا۔

بیجنگ، چین میں ایران کے سفیر عبدالرضا رحمانی فضلی نے کہا ہے کہ چین نے مشکل وقت میں ایران کا ساتھ دیا، سخت حالات میں ساتھ کھڑے ہونے والے دوستوں کو ایران کبھی فراموش نہیں کرے گا۔

پریس کانفرنس کے دوران انہوں نے کہا کہ ایرانی اور چینی وزرائے خارجہ ملاقات میں دوطرفہ تعلقات اور تعاون کے نئے شعبوں پر گفتگو ہوئی۔ ایرانی سفیر نے آبنائے ہرمز کے قریب چینی آئل ٹینکر پر حملے کی خبروں پر ردِعمل ظاہر کرتے ہوئے کہا ہے کہ دوست اور اسٹریٹجک شراکت دار ممالک کے جہازوں کو نشانہ نہیں بنائیں گے۔

عبدالزضا رحمانی فضلی کا کہنا ہے کہ ایرانی اور چینی وزرائے خارجہ کی ملاقات کے مثبت اثرات کو سبوتاژ کرنے کے لیے بعض فریق ایسی خبریں پھیلا رہے ہیں۔

یو این آئی۔ ع ا۔