جموں و کشمیر

ٹرمپ کے جذبات کی قدر کرتا ہوں، ہند اور امریکہ کے مابین بصیرت انگیز جامع شراکت داری :مودی

Published

8 months ago

September 6, 2025

کشیدگی کے بیچ بھارت ،امریکہ تعلقات میں بہتری کے آثار
مودی سے دوستی سدا بہار، ہندامریکہ کے بیچ خصوصی تعلقات،فکر کرنے کی کوئی بات نہیں: ڈونلڈ ٹرمپ
سری نگر: جے کے این ایس : بھارت اور امریکہ کے درمیان’خصوصی تعلقات‘ ہیں اور اس کے بارے میں فکر کرنے کی کوئی بات نہیں ہے کیونکہ دونوں ممالک کے پاس ایسے مواقع اور حالات ہیں۔ امریکی صدر ڈونلڈ ٹرمپ نے نئی دہلی اور واشنگٹن کے بیچ ٹیرف کے تنازع اپنے تازہ ترین ریمارکس میں یہ بات کہی ہے۔اس دوران وزیر اعظم نریندر مودی نے امریکی صدر ڈونالڈ ٹرمپ کے بھارت امریکہ تعلقات پر دئیے گئے بیان پر ردعمل ظاہر کرتے ہوئے کہا کہ میں صدر ٹرمپ کے جذبات اور ہمارے تعلقات کے مثبت جائزے کی دل کی گہرائیوں سے تعریف کرتا ہوں اور ان کی مکمل حمایت کرتا ہوں۔جے کے این ایس مانٹرینگ ڈیسک کے مطابق ڈونالڈٹرمپ نے جمعہ کو اوول آفس میں کہا کہ ”میں ہمیشہ (نریندر) مودی کا دوست رہوں گا، وہ ایک عظیم وزیر اعظم ہیں، وہ بہت اچھے ہیں۔ لیکن اس خاص لمحے میں وہ جو کر رہے ہیں، وہ مجھے پسند نہیں ہے۔ تاہم بھارت اور امریکہ کے بیچ ایک خاص تعلق ہے، فکر کرنے کی کوئی بات نہیں ہے۔ ہمارے پاس موقعے کی مناسبت سے ایسے لمحات ہیں“۔ٹرمپ اس سوال کا جواب دے رہے تھے کہ کیا وہ بھارت کے ساتھ تعلقات کو بحال کرنے کے لئےتیار ہیں، کیوں کہ دونوں ممالک کے درمیان تعلقات مسلسل خراب ہوتے جا رہے ہیں، ممکنہ طور پر 2 دہائیوں میں اپنے بدترین دور میں داخل ہو چکے ہیں۔ اس پر جواب دیتے ہوئے امریکی صدر ٹرمپ نے مذکورہ بالا باتیں کہی۔ اسی کے ساتھ انہوں نے یہ بھی کہا کہ وہ اس بات پر بہت مایوس ہیں کہ بھارت روس سے اتنا زیادہ تیل خریدے۔انہوںنے کہاکہ بھارت کے روس سے اتنا تیل خریدنے سے مجھے بہت مایوسی ہوئی اور میں نے انہیں بتا دیا، ہم نے بھارت پر بہت بڑا ٹیرف لگایا،50 فیصد ٹیرف۔ٹرمپ نے کہاکہ میں مودی سے بہت اچھی طرح سے ملتا ہوں، وہ بہت اچھے ہیں، وہ چند ماہ قبل یہاں آئے تھے۔ ڈونالڈ ٹرمپ نے اپنے سوشل میڈیا پر ایک سوال کے جواب میں کہا کہ امریکہ نے بھارت اور روس کو چین بھارت کے ہاتھوں کھو دیا۔جمعہ کو ٹروتھ سوشل پوسٹ میں ٹرمپ نے کہاکہ ایسا لگتا ہے کہ ہم نے بھارت اور روس کو سب سے گہرے تاریک ترین چین کے ہاتھوں کھو دیا ہے۔ دعا ہے کہ ان کا ایک طویل اور خوشحال مستقبل ہو!۔ ٹرمپ نے روسی صدر ولادیمیر پوتن اور چینی رہنما شی جن پنگ کےساتھ مودی کی ایک تصویر بھی پوسٹ کی۔سوشل میڈیا پر ٹرمپ کی پوسٹ چینی شہر تیانجن میں شنگھائی تعاون تنظیم کے سربراہی اجلاس میں مودی، شی چنگ اور پوتن کے درمیان تعلقات کے چند دن بعد سامنے آئی جس نے عالمی توجہ مبذول کرائی۔ایک سوال کے جواب میں کہ بھارت اور دیگر ممالک کے ساتھ تجارتی بات چیت کیسے ہو رہی ہے، ٹرمپ نے کہاکہ وہ بہت اچھے جا رہے ہیں، دوسرے ممالک بہت اچھا کر رہے ہیں، ہم ان سب کے ساتھ بہت اچھا کر رہے ہیں۔انہوںنے مزیدکہاکہ ہم یورپی یونین سے ناراض ہیں کیونکہ نہ صرف گوگل کےساتھ بلکہ ہماری تمام بڑی کمپنیوں کے ساتھ غلط ہو رہا ہے۔ادھروزیر اعظم نریندر مودی نے امریکی صدر ڈونالڈ ٹرمپ کے بھارت امریکہ تعلقات پر دیے گئے بیان پر ردعمل ظاہر کرتے ہوئے کہا کہ میں صدر ٹرمپ کے جذبات اور ہمارے تعلقات کے مثبت جائزے کی دل کی گہرائیوں سے تعریف کرتا ہوں اور ان کی مکمل حمایت کرتا ہوں۔وزیر اعظم مودی نے یہ بات سوشل میڈیا ’ایکس‘پر ایک پوسٹ میں کہی۔ انہوں نے مزید کہا کہ بھارت اور امریکہ کے درمیان انتہائی مثبت اور بصیرت انگیز جامع اور اسٹریٹجک شراکت داری ہے۔آپ کو بتاتے چلیں کہ گذشتہ کچھ دنوں سے دونوں ممالک کے تعلقات کافی کشیدہ ہو گئے تھے۔ لیکن اب ٹرمپ کا لہجہ اب نرم پڑ رہا ہے۔

جموں و کشمیر

جموں ڈویژن کے سمر زون دسویں جماعت کے نتائج میں لڑکیوں نے ماری بازی

Published

10 hours ago

April 21, 2026

Online Desk

جموں، جموں و کشمیر اسٹیٹ بورڈ آف اسکول ایجوکیشن کے نتائج میں ایک بار پھر لڑکیوں نے برتری حاصل کی ہے۔

محکمے کی جانب سے منگل کے روز جاری کردہ جموں ڈویژن کے سمر زون کی سالانہ اور باقاعدہ دسویں جماعت کے نتائج میں یہ رجحان دیکھنے کو ملا ہے۔ حکام نے بتایا کہ امتحان میں کل 50,754 امیدوار شامل ہوئے تھے، جن میں سے 45,094 امیدوار کامیاب ہوئے۔ اس سال کل کامیابی کا تناسب 88.85 فیصد رہا، جو گزشتہ سال کے 79.94 فیصد کے مقابلے میں کافی بہتر ہے۔ کل امیدواروں میں سے 27,486 لڑکے اور 23,268 لڑکیاں امتحان میں بیٹھی تھیں۔ ان میں سے 24,054 لڑکے اور 21,040 لڑکیاں کامیاب رہیں۔ لڑکوں کی کامیابی کا تناسب 87.51 فیصد رہا، جبکہ لڑکیوں نے 90.42 فیصد کے ساتھ اعلیٰ کامیابی درج کی۔

یہ امتحان 527 مراکز پر خوش اسلوبی سے منعقد کیا گیا تھا۔ قابل ذکر ہے کہ سرکاری اسکولوں سے 26,706 امیدوار امتحان میں بیٹھے، جن میں سے 22,283 پاس ہوئے اور کامیابی کا تناسب 83.44 فی صد رہا۔ پرائیویٹ اسکولوں سے 24,048 امیدوار شامل ہوئے اور 22,811 کامیاب رہے، جس سے ان کی کامیابی کا تناسب 94.86 فی صد درج کیا گیا۔

وزیر تعلیم سکینہ اتّو نے دسویں جماعت (سمر زون) کے طلبہ کو شاندار کامیابی پر مبارکباد دی۔ وزیر موصوفہ نے طلبہ کی محنت اور لگن کی ستائش کرتے ہوئے کہا کہ یہ نتائج اساتذہ، والدین اور پورے تعلیمی نظام کی مشترکہ کوششوں کا ثبوت ہیں۔

انہوں نے مزید کہا کہ سرکاری اسکولوں کا 83.44 فیصد پاس ہونا انتہائی حوصلہ افزا ہے اور یہ سرکاری اداروں میں تعلیمی معیار میں بہتری کی عکاسی کرتا ہے۔

طالبات کی کامیابی کا ذکر کرتے ہوئے وزیر تعلیم نے ان کی کارکردگی کو سراہا۔ انہوں نے فخر کے ساتھ اس بات کا تذکرہ کیا کہ لڑکیوں نے ایک بار پھر لڑکوں کو پیچھے چھوڑ دیا ہے، جو ان کے پختہ ارادے اور تعلیمی فضیلت کو ظاہر کرتا ہے۔ انہوں نے کہا کہ ’’یہ کامیابی نہ صرف فخر کی بات ہے بلکہ تعلیم کے ذریعے لڑکیوں کو بااختیار بنانے کے حکومتی اقدامات کے مثبت اثرات کی واضح علامت بھی ہے۔‘‘

طلبہ کی حوصلہ افزائی کرتے ہوئے وزیر موصوفہ نے ان پر زور دیا کہ وہ اپنے مستقبل کے اہداف کو خود اعتمادی کے ساتھ حاصل کریں۔ انہوں نے ان طلبہ کو بھی ناامید نہ ہونے اور مزید محنت کرنے کا مشورہ دیا جو توقع کے مطابق کارکردگی نہیں دکھا سکے اور اس بات پر زور دیا کہ کامیابی ایک مسلسل سفر ہے۔ انہوں نے ایک جامع، منصفانہ اور اعلیٰ معیار کے تعلیمی نظام کی فراہمی کے لیے حکومت کے عزم کا اعادہ کیا۔

یو این آئی۔ م ع

جموں و کشمیر

کانگریس کا خواتین کے ریزرویشن کو فوری طور پر نافذ کرنے کا مطالبہ

Published

12 hours ago

April 21, 2026

Online Desk

سری نگر، کانگریس پارٹی نے منگل کے روز خواتین کے ریزرویشن کے معاملے پر اپنی ملک گیر بیداری مہم کو تیز کرتے ہوئے مرکزی حکومت پر خواتین کو بااختیار بنانے کی آڑ میں ‘جمہوریت کو کمزور کرنے’ کی کوشش کا الزام لگایا۔

اسمبلیوں اور پارلیمان میں خواتین کے لیے ریزرویشن لاگو کرنے اور لوک سبھا کی نشستوں کی تعداد بڑھانے والا آئینی ترمیمی بل، مطلوبہ دو تہائی اکثریت نہ ملنے کی وجہ سے 17 اپریل کو پارلیمان میں منظور نہیں ہو سکا تھا۔ پارٹی کی قومی سکریٹری زریتا لیتفلانگ نے سری نگر میں پریس کانفرنس کے دوران 17 اپریل کے واقعات کو ‘سرکاری سازش’ قرار دیا اور الزام لگایا کہ سیاسی فائدے کے لیے ‘آئینی ڈھانچے کو بدلنے’ اور خواتین کے ریزرویشن کے مسئلے کا غلط استعمال کرنے کی کوششیں کی گئیں۔

انہوں نے کہا کہ اپوزیشن کی مزاحمت ‘آئین، ہندوستان اور جمہوری اتحاد کی جیت’ کی عکاسی کرتی ہے۔ خواتین کے ریزرویشن کو ایک جائز مطالبہ قرار دیتے ہوئے انہوں نے بی جے پی کو خبردار کیا کہ وہ خواتین کو اپنے چھپے ہوئے ایجنڈے کو آگے بڑھانے کے لیے ‘ڈھال’ کے طور پر استعمال نہ کرے۔ انہوں نے کہا کہ ’’ہم کسی کو بھی ایسی اسکیموں کو عملی جامہ پہنانے کے لیے خواتین کا استعمال نہیں کرنے دیں گے۔ خواتین بیدار ہیں اور انہیں گمراہ نہیں کیا جا سکتا۔‘‘

کانگریس لیڈر نے مختلف ریاستوں کے واقعات اور منی پور کے تشدد کا ذکر کرتے ہوئے خواتین کے تحفظ پر حکومت کے ریکارڈ پر بھی سوالات اٹھائے۔ انہوں نے دلیل دی کہ ‘خواتین کی خود مختاری’ کے دعوے زمینی حقائق اور اعداد و شمار کے برعکس ہیں۔ محترمہ لیتفلانگ نے پارلیمنٹ کے خصوصی اجلاس کے وقت پر بھی تشویش ظاہر کی اور نشاندہی کی کہ خواتین کا ریزرویشن بل پہلے ہی 2023 میں پاس ہو چکا تھا۔

انہوں نے سوال کیا کہ اپریل 2026 میں اچانک خصوصی اجلاس کی کیا ضرورت تھی؟ انہوں نے یہ الزام بھی لگایا کہ یہ قدم ڈی لیمیٹیشن کے منصوبوں سے جڑا تھا۔ انہوں نے 543 رکنی لوک سبھا میں ایس سی، ایس ٹی اور او بی سی خواتین کے کوٹے سمیت خواتین کے لیے 33 فیصد ریزرویشن کو فوری طور پر نافذ کرنے کا مطالبہ کیا۔ انہوں نے کہا کہ کانگریس ترامیم کی حمایت کے لیے تیار ہے اور حکومت سے بغیر کسی تاخیر کے کارروائی کرنے کی اپیل کی۔

انہوں نے این سی آر بی کے اعداد و شمار کا حوالہ دیتے ہوئے خواتین کے خلاف بڑھتے ہوئے جرائم اور سیاست میں کم نمائندگی کا دعویٰ کیا اور کہا کہ کانگریس نے تاریخی طور پر خواتین کی شرکت کی حمایت کی ہے۔ کانگریس پارٹی نے خواتین کے ریزرویشن کے مسئلے پر ‘غلط معلومات’ کا مقابلہ کرنے کے لیے ملک گیر عوامی رابطہ مہم شروع کی ہے۔ بعد ازاں، کانگریس کی خواتین لیڈروں نے پارٹی ہیڈکوارٹر پر بی جے پی کے خلاف احتجاجی مظاہرہ بھی کیا۔

یو این آئی۔ م ع

جموں و کشمیر

جموں کے بیرونی علاقے میں موٹر سائیکل سوار ہلاک، دوسرا زخمی

Published

14 hours ago

April 21, 2026

Online Desk

جموں، جموں شہر کے مضافاتی علاقے سوہنجنا میں رنگ روڈ پر ایک موٹر سائیکل کے ڈیوائیڈر سے ٹکرانے کے نتیجے میں ایک شخص ہلاک اور دوسرا زخمی ہو گیا۔پولیس نے بتایا کہ موٹر سائیکل ستواری منڈل کے علاقے سوہانجنا میں رنگ روڈ پر ڈیوائیڈر سے ٹکرائی۔ پولیس کے مطابق اس حادثے میں جموں کے ضلع اکھنور کے علاقے امبارن کے رہائشی محمد عامر کی موقع پر ہی موت ہو گئی، جبکہ ایک اور شخص شدید زخمی ہوا۔

پولیس کا کہنا ہے کہ زخمی شخص کو علاج کے لیے جموں کے گورنمنٹ میڈیکل کالج اور اسپتال میں داخل کرایا گیا ہے۔ لاش کو مردہ خانے میں رکھوا دیا گیا ہے اور قانونی ضابطے مکمل ہونے کے بعد اسے لواحقین کے حوالے کر دیا جائے گا۔

یو این آئی۔ م ع۔ایف اے