خبر اردو:
ریاست میں سال 2016سے التواء کا شکار پنچایتی انتخاب کے انعقاد کے لئے دلی سے لے کر کشمیر تک سر گر میاں شروع اور اس دوران امر ناتھ یاترا کی حفاظت پر مامور سنٹرل فورسز کی 202کمپنیوں کو ریاست میں آنے والے پنچایتی انتخابات مکمل ہو نے تک واپس نہیں بھیجا جائے گا ۔ ۔ امر ناتھ کے پُر امن انعقاد کے بعد امر ناتھ یاترا کی سیکورٹی پر ما مور سنٹرل فورسز کی 201کمپنیوں کو ریاست میں پنچایتی انتخابات مکمل ہو نے تک واپس نہیں بھیجا جائے گا ۔ ریاستی پولیس کی جانب سے جاری کئے گئے ایک حکمنامے کے مطابق 20ہزار سے زیادہ سنٹرل فورسز کے اہلکارجن میں سی آر پی ایف ،بی ایس ایف اور آئی ٹی بی پی شامل ہے جو کو حال ہی میں امر ناتھ یاترا کا پُر امن انعقاد کر کے آئے ہیں کو سرینگر،بڈگام،گاندربل،بارہمولہ،سو پور،بانڈی پورہ،کپوارہ،شوپیاں اور اونتی پورہ میں پنچایتی انتخابات کے پُر امن انعقاد کے لئے تعینات کیا جائے گا ۔

جموں کشمیر پولیس کی جانب سے جاری کئے گئے ایک حکم نامے کے مطابق پنچایتی انتخابات کے لئے سی آر پی ایف کی 132کمپنیاں بی ایس ایف کی 32آئی ٹی بی پی کی 25اور ایس ایس بی کی 13کمپنیاں پنچایتی انتخابات کی دوران یہاں جموں کشمیر پولیس کے شانہ بہ شانہ پُر امن انتخابات کے انعقاد کے لئے تعینات رہیں گے ۔ذرائع نے بتایا کہ کل ملا کر 203 سنٹرل فورسز کی کمپنیاں پنچایتی انتخابات کے پُر امن انعقاد کے لئے یہاں تعینات رہیں گی ۔انہوں نے بتایا کہ ابھی پنچایت انتخابات کے لئے تاریخوں کا اعلان نہیں کیا گیا تاہم جوں ہی ان انتخابات کے لئے تاریخوں کا اعلان کیا جائے گا فورسز کو ریاستی پولیس کے ساتھ ساتھ وادی بھر میں تعینات کیا جائے گا ۔

انہوں نے بتایا کہ یہ203کمپنیاں ھال ہی میں امر ناتھ یاترا کا پُر امن انعقاد کر کے آئے ہیں ۔ انہوں نے بتایا کہ ہمیں یہ ہدایات ملے ہیں کہ امر ناتھ یاترا کی سیکورٹی سے فارغ ہو کر ان کمپنیوں کی تعیناتی پنچایتی انتخابات کے لئے عمل میں لائی جائے ۔واضح رہے کہ ریاست جموں کشمیر میں پنچایتی انتخابات کے حوالے خبریں زیر گر دش ہیں کہ اگلے ماہ کے اواخر میں پنچایتی انتخا بات کا انعقاد عمل میں لایا جائے گا جس کے لئے دلی تا کشمیر سر گر میاں شروع ہو گئی ہے ۔جبکہ منگلوار کوہی ریاست کے نئے گور نر ستیا پال ملک نے بھی وزیر داخلہ راجناتھکے ساتھ نئی دہلی میں ایک اہم ملاقات کی جس میں دو نوں نے ریاست کی تازہ صورتحال کے علاوہ پنچایتی انتخابات کے انعقاد پر بھی بات کی ہو گی ۔

واضح رہے کہ جموں کشمیر میں پنچایتی انتخابات کا انعقاد سال 2016میں عمل میں لانا تھا تاہم حز کمانڈر بر ہان وانی کے جاں بحق ہو نے کے بعد ریاست جموں کشمیر میں 5ماہ تک عوامی ایجی ٹیشن چلی جس کے بعد ان انتخابات کا انعقاد کھٹائی میں پڑ گیا تھا ۔ریاست جموں میں میں پی ڈی پی اور بی جے پی کی مخلوط حکومت اپنے دور اقتدار کے تین سالوں میں پنچایتی انتخابات کا انعقاد عمل میں نہ لاسکی اور نہ ہی مر کزی سر کار نے ان انتخابات کے لئے ریاستی حکومت کو ہری جھنڑی دکھائی ۔پی ڈی پی بی جے پی مخلوط حکومت کا خاتمہ ہو نے کے بعد ریاست جموں کشمیر میں گور نر راج نا فذ ہے اور گور نر انتظامیہ نے ریاست میں پنچایتی انتخابات کے انعقاد کے لئے من بنالیا ہے اور اس حوالے سے دلی تا کشمیر سر گر میاں شروع ہو گئیں ہے جبکہ حال ہی میں خطہ لداخ میں لداخ ہل ڈیو لاپمنٹ کو نسل کا انعقاد بھی عمل میں لایا گیا۔