خبر اردو :

وادی بھر کی تجارتی انجمنوں اور سول سوسائٹی تنظیموں نے جموں وکشمیر کو خصوصی پوزیشن یعنی ٰ آئین ہند کی دفعہ 35 اے کے خلاف ہورہی مبینہ چھیڑ چھاڑ کے خلاف احتجاجی جلوس نکالا جس میں بڑی تعدا دمیں تاجران اور سیول سو سائٹی کے نمائندیے شامل تھے ۔ریاست جموں و کشمیر کی خصوصی حیثیت کو ختم کر نے کی کو ششوں کے خلاف وادی بھر کی تاجر برادی اور سیول سو سائٹی انجمنوں نے جہلم ویو پارک سے سرینگر کے لالچوک میں واقع پریس کالونی تک ایک پُر امن احتجاجی جلوس نکالا جس کے دوران جلوس میں شامل افراد نے ہاتھوں میں بینر اٹھا رکھے تھے جن پر کئی نعرے درج تھے ۔
اس دوران احتجاجی مارچ میں شامل تاجر برادری اور سیول سو سائیٹی نے مزاحمتی قیادت کی جانب سے دفعہ35Aاور370کے ساتھ چھیڑ چھاڑ کے خلاف 5اور6اگست کو دی گئی ہڑ تالی کال کی حمایت کا اعلان کیا ۔ احتجاج میں شامل کے سی سی آئی ،ایف سی آئی کے ،کے ٹی ایم ایف،جے کے ایس ای سی ای،بٹہ مالو ٹریڈرس ایسو سی ایشن،کے سی ایس ڈی ایس ،اے جے ٹی سی ڈی بٹہ مالواور دیگر کئی مقامی تاجر تنظیموں نے مشترکہ طور ریاست کو حا صل خصوصی آئین کے ساتھ کسی بھی چھیڑ چھاڑیا مداخلت کونا قابل قبول قرار دیتے ہو ئے کہا کہ

اگر اس خصوصی آئین کے ساتھ کسی بھی قسم کی مداخلت کی گئی تو وہ اس کے خلاف اپنے خون کا آخری قطرہ بہانے کو تیار ہیں ۔
مختلف تجارتی انجمنوں اور سول سوسائٹی تنظیموں سے وابستہ درجنوں اراکین بدھ کے روز یہاں دریائے جہلم کے کنارے واقع جہلم ویو پارک میں جمع ہوئے اور ریذیڈنسی روڑ سے ہوتے ہوئے پریس کالونی سری نگر تک احتجاجی جلوس نکالا۔دفعہ 35Aکے ساتھ چھیڑ چھاڑ کے خلاف نکالے گئے جلوس میں درجنوں تاجر انجمنوں،تاجر اور سیول سو سائٹی کے نمائندوں نے مشتر کہ طور پر لالچوک تک احتجاجی ریلی نکالی جس میں کثیر تعداد میں لوگ شامل تھے ۔نمائندے کے مطابق تاجران اور سیول سو سائٹی کی مشترکہ احتجاجی ریلی بنڈ سے لالچوک کی جانب نکالی گئی ۔احتجاج میں شامل لوگ دفعہ35A اور370کے ساتھ چھیڑ چھاڈ کے خلاف احتجاج کر رہے تھے ۔

احتجاج میں شامل ایک تاجر نے بتایا کہ ریاست جموں کشمیر کو خصوصی آئینی حق حا صل ہے اور ان کے ساتھ کسی بھی طرح کی چھڑ چھا ڈ کو بر داشت نہیں کیا جائے گا ۔ انہوں نے بتایا کہ دفعہ35Aکے خلاف دائر عرضی کو فوری طور پر مسترد کیا جائے ۔معلوم ہوا ہے کہ سیول سو سائٹی کے نمائندے ،تاجران اور دیگر کئی لوگ بدھوار کو صبح بنڈ کے پاس جمع ہو ئے اور انہوں نے لالچوک تک احتجاجی جلوس نکالا ۔اس دوران جلوس میں شامل افراد کے ہاتھوں میں بینر تھے جن پر کئی نعرے جیسے دفعہ35A کے میں مداخلت کسی بھی طور قابل قبول نہیں درج تھے۔مشترکہ احتجاجی جلوس میں شامل کشمیر اکنامک الائنس،ٹریڈرس اور سیول سو سائٹی نے اس دوران مزاحمتی قیادت کی جانب سے 5اور6اگست کو دی گئی احتجاجی کال کی حمایت کا اعلان کرتے ہو ئے کہا کہ ریاست جموں کشمیر کی خصوصی پوزیشن کے ساتھ کسی بھی مداخلت کو بر داشت نہیں کیا جائے۔

اس دوران کشمیر چیمبر آف کامرس کے صدر جاوید احمد نے بتایا کہ دفعہ 35Aکے دفاع کے لئے ہم اپنے خون کا آخری قطرہ تک بہانے کے لئے تیار ہیں ۔کے سی سی آئی کے صدر مبین احمد شاہ نے بتایا کہ ہم یہاں اس لئے جمع ہو ئے ہیں اور ہمارے احتجاج کر نے کا مقصد یہ ہے کہ ریاست جموں کشمیر کی خصوصی پوزیشن کو زک پہنچانے کی کوشش نہ کی جائے ۔انہوں نے بتایا کہ سپریم کورٹ کو چاہئے کہ وہ دفعہ35A کے خلاف دائر عرضی کو فوری طور پر مسترد کر یں ۔ احتجاج میں شامل تاجر انجمنوں کے لیڈران نے بتایا کہ دفعہ35Aکے خلاف کسی بھی سازش کے خلاف ڈٹ کر مقابلہ کیا جائے گا ۔انہوں نے بتایا کہ سپریم کورٹ کو چاہئے کہ وہ اس خصوصی آئین کے خلاف دائر عرضی کو فوری طور پر مسترد کرے ۔انہوں نے کہا کہ ریاست کو حا صل خصوصی آئین کو زک پہنچانے کی کسی کو بھی اجازت نہیں دی جائے گی ۔انہوں نے بتایا کہ وہ اس آئین کے دفاع کے لئے اپنے کون کا آخری قطرہ تک بہا لیں گے ۔