خبر اردو :
جنوبی کشمیر کے پلوامہ،ترال ،اونتی پورہ، شوپیان ،یاری پورہ،کجر،بجبہاڑہ علاقوں میں رہائش پزیر کئی پولیس افسران کے ساتھ ساتھ تقریباً11پولیس اہلکاروں کے قریبی رشتہ داروں کوجنگجوؤں نے بندوق کی نوک پر اغوا کر نے کے بعد نا معلوم مقام پر پہنچا دیا ہے جس کی وجہ سے مغویہ اہلکاروں کے افراد کنبہ زبردست پریشانیوں میں مبتلا ہوئے ہیں ۔ذرائع سے معلوم ہوا کہ اغواکاری کا یہ سلسلہ جنونی کشمیر کے قصبہ ترال سے 3کلومیٹر دور پنگلش ترال سے بدھ کی شام سے ہوا ہے جہاں جنگجوں نے جموں کشمیر پولیس کے ایک اہلکار کے اعلیٰ تعلیم یافتہ بیٹے کو اغوا کرنے سے شروع کیا ہے ۔مزکورہ واقعے کے فوراً بعد اسی رات پولیس نے شبانہ چھاپے کے دوران حزب المجاہدین کے آپریشنل فیلڈ کمانڈر ریاض احمد نائیکوساکنہ بیگ پورہ اونتی پورہ کے معمر والد اسد اللہ نائیکو چھاپے کے دوران گھرسے گرفتار کرنے کے علاوہ پلوامہ میں سرگرم جنگجو لطیف ٹائیگر کے والدکو بھی گرفتار کے کے تھانوں میں بند رکھا ہے۔جنگجوں کے افراد خانہ کی گرفتاری ،شوپیان میں ایک جنگجوں کے مکان کو آگ لگانے ،رہائشی مکانوں کی توڑ پھوڑ اور رشتہ داروں کی مبینہ مار پیٹ کے واقعات کے فوراً بعد کولگام ،شوپیا ن ،اننت ناگ ،پلوامہ ۔اونتی پورہ ،بجبہاڑہ وغیرہ علاقوں میں رہائش پذیر جموں کشمیر پولیس کے اہلکاروں کے گھروں میں جمعرات کی شام جموں کشمیر پولیس کے کئی افسران سمیت 11اہلکاروں کے قریبی رشتہ داروں کے گھروں میں داخل ہو کر انہیں بندوق کی نوک پر اغوا کر کے نا معلوم مقام پر پہنچا دیا ہے ۔

پولیس ذرائع نے جمعرات کی شام سے اغوا کئے گئے افراد کی شناخت عدنان احمد شاہ ولد محمد اشرف شاہ ساکنہ شوپیان ، ناصر اسلم میر ولد غلام حسن میر ساکنہ مڈورہ اونتی پورہ ،یاسر احمد بٹ ولد بشیر احمد بٹ ساکنہ وتھوں شوپیان،سمیر احمد راتھر ولد عبد الاسلام راتھر ،گوہر احمد ملک ولد عبد الحمید ملک ساکنان یاری پورہ منظور احمد الاہی ولد محمد احسن الاہی ساکنہ کجر فرصل یاری پورہ،محمد شفی میر عبد الاسلام میر ساکنہ نامن پلوامہ زبیر احمد بٹ ولد محمد مقبول بٹ ساکنہ بجبہاڑہ ،عارف احمد شنکار ساکنہ بجبہاڑہ،فیضان احمد مکرو بشیر احمد مکرو ساکنہ یاری پورہ کولگاشام ہیں ۔مغویہ افراد میں جموں کشمیر پولیس کے2ڈپٹی سپر انٹڈنٹ اور ایک انسپکٹر کے قریبی رشتہ دار بھی شامل ہے۔

اس دوران گیارہ مغویہ افراد میں سے 3کو جنگجوؤں نے جمعہ روز بعد نماز جمعہ رہا کر دیا ہے جن میں ڈی ایس پی اعجاز احمد ملک کے برادر گوہر احمد ملک ساکنہ کولگام ،سمیر احمد راتھر ولد عبد الاسلام راتھریاری پورہ کولگام کے علاوہ محمد شفی میر ساکنہ کاکا پورہ پلوامہ شامل ہیں ۔جنوبی کشمیر میں اغواکاری کے ان واقعات کے بعد وادی کے شمال و جنوب میں زبردست خوف و دہشت کی لہر دوڑ گئی ہے جبکہ محکمہ پولیس میں کام کر رہے سینکڑوں اہلکاراور ان کے اہل خانہ زبردست تذبزب کے شکار ہوئے ہیں۔اگرچہ عام لوگوں کا خیال ہے کہ اغوا کاری کا سلسلہ جنگجوں کے اہل خانہ کو فورسز کی جانب سے تنگ طلب کرنے گرفتاریوں ،توڑپھوڑ کرنے جیسے واقعات کے خلاف کرنے کا امکان ہے تاہم اس حوالے سے جنگجوں کی جانب سے تاحال کوئی بیان سامنے نہیں آیا ہے کہ پولیس اہلکاروں کے رشتہ داروں کو جنگجوؤں کے افراد کنبہ کو تنگ طلب کرنے پر بدلہ لینے پراغوا کیا گیا ہے یا اور کوئی وجہ کار فرما ہو سکتی ہے ؟۔ادھر سکاسٹ یونیورسٹی کے طلباء نے اغوا کاروں نے عاصف احمد ساکنہ پنگلش ترال کے طالب علم کو فوری رہا کرنے کی اپیل کی ہے۔
پولیس ذرائع نے اغواکاری کی تصدیق کرتے ہوئے بتایا کہ واقعے کے حوالے سے تفصیلات جمع کی جا رہی ہیں۔اسی دوران انسپکٹر جنرل آف پولیس کشمیر زون ایس پی پانی نے بتایا کہ پولیس واقعے کے حوالے سے تفصیلات جمع کر رہی ہے ۔ تاہم انہوں نے ان افواہوں کو مسترد کیا ہے کہ وادی میں اغواکاری کی بڑھتی وارداتوں کے بعد ہائی الرٹ جاری کیا گیا ہے ۔KNS