نئی دہلی، لوک سبھا انتخابات کے چھٹے مرحلے میں چھ ریاستوں اور دو مرکز کے زیر انتظام علاقوں کی 58 سیٹوں پر ہفتہ کے روز پہلے چار گھنٹوں (صبح 11 بجے تک) میں اوسط ووٹنگ کا 25.76 فیصد درج کیا گیا۔ تمام سیٹوں پر ووٹنگ صبح 7 بجے شروع ہوئی اور شام 6 بجے تک جاری رہے گی۔
صبح 11 بجے تک مغربی بنگال میں سب سے زیادہ 36.88 فیصد ٹرن آؤٹ ریکارڈ کیا گیا جبکہ سب سے کم ٹرن آؤٹ 21.30 فیصد اوڈیشہ میں رہا ہے۔
انتخابی کمیشن کے ذرائع کے مطابق پولنگ مراکز پر صبح سے ہی ووٹروں کی لمبی قطاریں دیکھی گئیں، ووٹنگ پرامن طریقے سے جاری ہے۔ ووٹروں کو گرمی سے بچانے کے لیے پینے کے پانی اور سایہ کی سہولیات فراہم کی گئی ہیں۔
چھٹے مرحلے میں مختلف ریاستوں اور مرکز کے زیر انتظام علاقوں میں صبح 11 بجے تک ووٹنگ کا تناسب درج ذیل تھا…
ریاست/مرکزی خطہ… ووٹنگ کا فیصد
بہار……………………..23.67
ہریانہ……………………22.09
جموں کشمیر…………..23.11
جھارکھنڈ ……………..27.80
دہلی …………………… 21.69
اڈیشہ……………………21.30
اتر پردیش ……………. 27.06
مغربی بنگال ………….36.88
الیکشن کمیشن کے مطابق دہلی کی تمام سات سیٹوں پر ووٹنگ جاری ہے۔ ووٹنگ شروع ہونے کے پہلے چار گھنٹوں میں راجدھانی میں 21.69 فیصد ووٹنگ ہوئی۔ دارالحکومت کی شمال مشرقی دہلی میں صبح 11 بجے تک سب سے زیادہ 24.49 فیصد ووٹ ڈالا گیا، وہیں چاندنی چوک میں سب سے کم 18.55 فیصد ووٹ پڑے۔ مشرقی دہلی میں 22.41 فیصد، نئی دہلی میں 19.18 فیصد، شمال مغربی دہلی میں 22.67 فیصد، جنوبی دہلی میں 21.00 فیصد اور مغربی دہلی میں 21.56 فیصد ووٹنگ ہوئی۔
اڈیشہ قانون ساز اسمبلی کی ووٹنگ کے تیسرے مرحلے میں 42 سیٹوں پر صبح 11 بجے تک 21.32 فیصد ووٹنگ ریکارڈ کی گئی۔ ریاستی اسمبلی انتخابات کے لیے آج دس اضلاع میں ووٹنگ ہو رہی ہے۔ پہلے چار گھنٹوں میں دیوگڑھ میں سب سے زیادہ ٹرن آؤٹ 24.00 فیصد اور سب سے کم نیا گڑھ میں 19.30 فیصد درج کیا گیا۔ اس کے علاوہ انگول میں 22.85 فیصد، کٹک میں 20.13، ڈھینکنال میں 20.92، کیونجھر میں 20.84، کھردا میں 21.61، میور بھنج میں 21.24، پوری میں 21.64 اور سمبل پور میں 22.49 فیصد ووٹنگ ہوئی۔
یو این آئی۔ م ش۔
