ابوظہبئ، متحدہ عرب امارات (یو اے ای) کی وزارت تعلیم نے تھرڈ سمسٹر کیلیے مڈ ٹرم بریک اور عید الاضحیٰ کی تعطیلات کا اعلان کر دیا خلیج ٹائمز کی رپورٹ کے مطابق یو اے ای کی وزارت تعلیم نے اعلان کیا کہ تھرڈ سمسٹر کیلیے مڈ ٹرم بریک اور عید الاضحیٰ کی تعطیلات 25 سے 29 مئی تک ہوں گی، یہ چھٹیاں طلبہ، اساتذہ اور انتظامی عملے سب کیلیے ہیں ان چھٹیوں کو ہفتہ وار تعطیلات (ہفتہ اور اتوار) کے ساتھ ملا کر دیکھا جائے تو یہ ایک طویل بریک بنتا ہے:

23 اور 24 مئی: ہفتہ وار چھٹی 25 سے 29 مئی: وزارت تعلیم کی طرف سے اعلان کردہ چھٹیاں 30 اور 31 مئی: ہفتہ وار چھٹی اس طرح طلبہ کو مسلسل 9 دن کی چھٹیاں ملیں گی، یہ بریک امتحانات سے عین پہلے دیا گیا ہے تاکہ طلبہ تازہ دم ہو کر فائنل امتحان کی تیاری کر سکیں۔ وزارت تعلیم کے منظور شدہ شیڈول کے مطابق تعلیمی سرگرمیوں کی ترتیب کچھ یوں رہے گی: یکم جون سے اسکولوں میں دوبارہ کلاسوں کا آغاز 15 اور 16 جون کو امتحانات 17 جون کو نئے اسلامی سال کی سرکاری چھٹی 24 جون سے 3 جولائی تک فائنل امتحانات 3 جولائی کو تعلیمی سال کا آخری دن یو اے ای میں ذوالحجہ کا چاند 17 مئی کو دیکھا جائے گا۔ اس بنیاد پر عید الاضحیٰ کا پہلا دن 27 مئی (بدھ) یا 28 مئی (جمعرات) ہونے کا امکان ہے جس کا حتمی فیصلہ چاند کی رویت کے بعد کیا جائے گا۔

یو این آئی۔ ع ا۔

بیروت، حزب اللہ کے ڈرون حملے میں 12 اسرائیلی فوجی زخمی ہو گئے غیرملکی میڈیا کے مطابق اسرائیل کے علاقے شومیرہ میں حزب اللہ نے ڈرون حملہ کیا جس میں 12 اسرائیلی فوجی زخمی ہوئے شمالی اسرائیل میں ڈرون حملےمیں فوجی گاڑی کو نشانہ بنایا گیا یہ حملہ اسرائیلی فوج کی جانب سے لبنان پر کیے گئے وحشیانہ حملوں کے بعد کیا گیا جس میں 14 افراد جاں بحق ہوئے ہیں ملک کی قومی خبر رساں ایجنسی (این این اے) کے مطابق جنوبی لبنان پر اسرائیلی حملوں میں کم از کم 14 افراد جاں بحق ہوئے ہیں۔ امریکہ کی ثالثی میں عارضی جنگ بندی کے باوجود اسرائیلی حملے جاری ہیں۔

جیبچٹ کی میونسپلٹی میں رہائشی عمارت کو تباہ کرنے والے حملے میں تین افراد جاں بحق اور سات زخمی ہوئے۔ الگ حملے میں ایک بچے سمیت ایک ہی خاندان کے چار افراد جاں بحق ہو گئے۔ تول کی میونسپلٹی میں چار افراد جاں بحق اور چھ زخمی ہوئے۔

یو این آئی۔ ع ا۔

واشنگٹن، امریکی صدر ڈونلڈ ٹرمپ نے کہا ہے کہ امریکی ناکہ بندی کے باعث ایران تیل سے پیسہ نہیں کما پا رہا، ایران میں آپریشن ختم ہونے کے بعد تیل کی قیمتیں گر جائیں گی۔

میڈیا سے گفتگو میں صدر ٹرمپ نے کہا کہ ایران جوہری ہتھیار نہیں رکھ سکتا، گزشتہ جون کے حملوں نے ایران کی جوہری صلاحیت تباہ کر دی ہم نے ایران کی 90 فیصد میزائل فیکٹریاں تباہ کر دیں اب ایران بہت بری حالت میں ہے اور ان کے لیڈرز کو ختم ہو گئے ہم نہیں جانتے کہ ایران پر کون حکومت کرتا ہے۔

انہوں نے کہا کہ ایران کی معیشت تباہ ہو رہی ہے ایران پر پابندیاں کامیاب ہیں اور وہ اپنا تیل نہیں بیچ سکتا، امریکی ناکہ بندی کے باعث ایران تیل سے پیسہ نہیں کما پا رہا، ایران میں آپریشن ختم ہونے کے بعد تیل کی قیمتیں گر جائیں گی، میں صرف اتنا بتا سکتا ہوں ایران معاہدہ کرنے کیلئے بےچین ہے ایران ایک معاہدہ کرنا چاہتا ہے۔

امریکی صدر نے کہا کہ مجھے فیفا ورلڈکپ میں ایران کی شرکت پر کوئی اعتراض نہیں لیکن میرے خیال میں ہمیں ایران کو امریکا میں فیفا ورلڈ کپ میں شرکت کی اجازت دینی چاہیے یہ فیفا پر منحصر ہے کہ ایران ورلڈ کپ میں شرکت کرتاہے یا نہیں۔

یو این آئی۔ ع ۔ا