خبراردو:
پلوامہ کے کھر پورہ سرنو علاقے میں حالیہ دنوں فورسز کے ہاتھوں7عام شہری ہلاکتوں پر مشترکہ مزاحمتی قیادت کی کال پر مسلسل 3روز تک سخت ہڑتال اور احتجاجوں کے بعد منگل کو جنوبی کشمیر کے چار اضلاع جن میں پلوامہ ،شوپیان ،کولگام اور اننت ناگ کو چھوڑ کر وادی میں حالات معمول پر آگئے ۔جس دوران شہر سرینگر ،بارہمولہ ،گاندبل،بڈگام ،کپوارہ،بانڈی پورہ،علاقوں میں صبح سویر ے سے ہی بازار کھلنے کے ساتھ ساتھ تمام سرکاری و غیر سرکاری دفاتر اور کار باری اداروں میں رونق لوٹ آئی ۔

جبکہ بازار کھلنے کے دوران بازاروں میں لوگوں کی بھاری رش کو گھریلوساز سامان کو خریدتے ہوئے دیکھا گیا ۔تاہم انتظامیہ نے کشمیر یونیورسٹی درگاہ حضرت بل ،سنٹرل یونیورسٹی سرینگر، اسلامک یونیورسٹی اونتی پورہ اور شمالی کشمیر کے علاوہ شہر سرینگر میں قائم تمام ڈگری کالجوں میں درس و تدریس کا کام کاج احتیاطی طور بند رکھنے کے علاوہ مختلف جماعتوں کے امتحانات بھی ملتوی کر دئے ہیں۔ادھر جنوبی کشمیر کے 4اضلاع جن میں پلوامہ ،شوپیان ،کولگام ،ترال،اور اننت ناگ علاقوں میں شہری ہلاکتوں کے خلاف منگل کو مسلسل چوتھے روز ہڑتال جا ری رہا ۔ہڑتال کے دوران سبھی ضلع صدر اور تحصیل مقامات کے علاوہ چھوٹے چھوٹے گاؤں میں بھی مکمل ہڑتال کی وجہ سے ہر طرح کی کار باری سر گرمیاں معطل ہو کر رہ گئی ۔جس کی وجہ سے چاروں اضلاع میں تمام کار باری ادارے،جس میں بنک اوردکانیں بند رہے جبکہ سرکاری و غیر سرکاری دفاتر میں ملازمین کی حاضری نہ ہونے کے برابر رہی ہے ۔

ادھر جنوبی کشمیر میں انتظامیہ کی جانب سے چار روز قبل انٹرنیٹ سروس عائد پابندی چوتھی روز بھی جا ری رہی ہے جس کے نتیجے میں ضلع سے تعلق رکھنے والے سر کاری افراد کو لاکھوں روپے کے نقصان سے دوچار ہونا پڑا، جبکہ مختلف امتحانات کی تیاریوں میں مصروف طلباء کو طرح طرح کے مشکلات کا سامنا کرنا پڑا ہے ۔

ادھر ہڑتال کے چوتھے روز بھی با رہمولہ بانہال سمیت وادی میں چلنے والی ریل سروس معطل رہی ۔جس کے نتیجے میں ریل کے زریعے سے سفر کرنے والے مسافروں کو سخت کوفت کا سامنا کرنا پڑا ہے ۔خیال رہے جنوبی کشمیر کے ضلع پلوامہ کے کھر پورہ سرنو میں سنیچر کے روز ایک مسلح تصادم کے بعد فورسز نے مظاہرین پر اندھا دھند فائرنگ کی جس کے نتیجے میں 7عام، شہری جاں بحق جبکہ دیگر درجنوں افراد زخمی ہوئے ہیں۔اس دوران شہری ہلاکتوں پر عالمی سطح پر مذت کی گئی ہے جبکہ وادی میں 3روز تک ہڑتال رہی ہے ۔